အဓိပ္ပါယ်ဖော်ပြရန်ခက်ခဲသော ကဗျာ

ကြေး သွန်း အိပ် မက်

2011-12-30T20:51:00.000-08:00

ကျနော့်အတွက်

ငှက်တွေရဲ့ လမ်းက

ခရမ်းနုရောင်။

အိပ်တန်းပြန်

ငှက်ကလေးတို့ ရေ

ဒီ မြစ်ကမ်းမှာ

ငါ့ အလွမ်းတို့ 

မှိုင်းမှိုင်းဝေ။

သယ်သွားပါတော့

ငါတို့ ရဲ့ 

အိပ်မက်တွေကိုလေ

ဟောဟိုက

ညနေဆီ။

စည်တယ်လေ

ရီဝေရီဝေ

မစ္စစ္စပီ ရေ

ငါ့ စိတ်တွေ

အိမ်ပြန်ကုန်ပြီ။

ဆည်းဆာအရိပ်မှာ

တိတ်တိတ်ကလေး

ငါ ပြန်လာခဲ့တာပါ။

ကြိုးကြာငှက်တွေရဲ့ 

အတောင်ပံမှာ

ငါ့ ကိုယ်ငါ

အပ်နှံလိုက်ပါရဲ့ ။

မနက်ဖြန်တော့

ခြံစည်းရိုးလေးမှာ

ငါ့ အလံကို

ငါပြန်တွေ့ တန်ကောင်းပါရဲ့ ။

လေထန်နေတုန်းပဲလား

ရေဆန်ကို

ဖြတ်နေတုန်းပဲလား

ဧရာဝတီ။

သီချင်းသံတွေ

ကြားတယ်

ပန်းများဘယ်တော့ပွင့်မလဲ။

နွေဦးကကော

ဟောဟို ရထားနဲ့ 

ပါလာမှာလား။

ဒီ ရထား

ဖီလာဒဲဖီးယား ကနေ

ခြံအမှတ်(၅၄)ကို

သွားမှာလား။

ခြံအမှတ်(၅၄)မှာ

“ပါဝါ ၅၄“ စောင့်နေတယ်။

မနေ့ တနေ့ က

လေးဖြူနဲ့ တွေ့ တယ်

၅၄ မှာပေါ့ ။

၅၄ ဟာ

တရားတဲ့တေး

ဆိုတော့မယ်။

၅၄ မှာ

မြားနဲ့ လေး

မလိုတော့ဘူးလား။

မုဆိုးရာသီ

ကုန်ခဲ့ပြီလား

၅၄ ရယ်။

ရေခဲလေ

တဟူးဟူးကြား

ဖို့ တ်ဝိန်းမြို့ နားက

“၀ါတာလူး“ဘူတာကလေးမှာ

ကျနော် လွမ်းတယ်။

ချိုတူးဇော်က

ဝါရှင်တန်ရထားပေါ်

တက်သွားတယ်။

ကျနော်တို့ က

ကိုယ့်အိပ်မက်ဆီ

ကိုယ်ပြန်ခဲ့ကြတယ်။

ဘ၀က

အသိကိုပြဌာန်း

အိပ်မက်ကို

ကြေးသွန်းထားတယ်။

လွမ်းတယ်

၃၃ လမ်း

အနုပညာပုန်ကန်မှုတွေ

ကျနော် လွမ်းတယ်။

ချစ်သူရေ

ငါတို့ ဟာ

ဒဂုန်တာရာရဲ့ 

ကုတ်အင်္ကျီက

ဆင်းသက်လာခဲ့ကြတာပါ။

လွမ်းတယ်

သာမိုင်းခမ်း ကျူဗစ်ဇင်ကို

ကျနော် လွမ်းတယ်။

မစ္စစ္စပီ ရေ

တွေ့ လား

ဒီမှာ

ငါ့ ရင်အုံအပြည့်

ငါ့ ယုံကြည်ချက်တွေ။

နှင်းမုန်တိုင်းထဲ

ငန်းရိုင်းတွေ

ပျံသန်းခဲ့ကြ။

လရောင်ထဲ

မြင်းရိုင်းတွေ

ခုန်ပေါက်ခဲ့ကြ။

တောရိုင်းတောင်ရိုင်းမှာ

ငါတို့ လည်း

ကျောခိုင်းခဲ့

အမုန်းတရားကို။

သူတို့ လည်း

ကျောခိုင်းရဲ့ 

အမှန်တရားကို။

နှင်းထူထူမှာ

ဘယ်အဖြူရောင်က

ဖြူပြီး

ဘယ်အဖြူရောင်က

မဖြူဘူးလဲ။

လွမ်းတယ်

ညောင်ညိုပင်လမ်းလွဲမှာ

ဘယ်သူတွေ

ဝမ်းနည်းကျန်ရစ်လဲ။

စစ်ပွဲတခါ ရှုံးရင်

အနှစ် သုံးဆယ်ကြာတယ်။

မစ္စစ္စပီ ရေ

ငါက

သေမင်းလက်က

ထွက်ပြေးလာခဲ့သူပါ။

ငါတို့ 

မလွတ်မြောက်သေးဘူး

မစ္စစ္စပီ။

ဒီ ညနေမှာ

ငါ့ စိတ်က

မပြောမဆိုနဲ့ 

စစ်ထွက်သွားပြန်ပြီ။

ငါ့ စိတ်ကို

ငါမနိုင်တော့ဘူး

စိတ်ခိုင်ခိုင်ထား

ဧရာဝတီ။

အိပ်မက်က

အခန်းဆက်

ရှေ့ ည ဆက်မက်ပါ။

ရထားမလာခင်

ငါ့ ဓားကို

ဓားအိမ်ထဲမှာ

သမိုင်းသင်မယ်။

နရသိန်တံခါးတွေ

တို့ သွားဖွင့်မယ်။

သတင်းကောင်း ပါးပိမ့်

နှလုံးသားများ ကြားချိမ့်။

ခြံအမှတ်(၅၄)မှာ

“ပါဝါ ၅၄“ စောင့်နေတယ်။

ချိုတူးဇော်က

ဝါရှင်တန်ရထားပေါ်

တက်သွားတယ်။

ကျနော့်အတွက်

ငှက်တွေရဲ့ လမ်းက

ခရမ်းနုရောင်။

အိပ်မက်က

အခန်းဆက်

ရှေ့ ည ဆက်မက်ပါ။ ။

(၂၀၁၂ သို့ တမ်းချင်း)

အောင်ဝေး

ခေတ္တ-မစ်ရှီဂန်

၁၂-၂၇-၁၁။

ဒီဇင်ဘာ ၂၉၊ ၂၀၁၁ မိုးမခမီဒီယာမှ ကူးယူ တဆင့်ဖော်ပြခြင်းဖြစ်ပါသည်။

မြေခွေး ဈေးဝယ်ထွက်ခြင်း

2011-12-14T03:36:00.000-08:00

(၁)
မြို့ပြယဉ်ကျေးမှုရဲ့အသက်ဟာ ရောင်းဝယ်ဖောက်ကားခြင်းလို့ဆိုရင် ဘယ်သူကမျှ ငြင်းခုံကြမယ် မဟုတ်ဘူးလို့ ကျွန်တော် ထင်ပါ တယ်။ မြို့ဆိုတာကလည်း ဈေးကိုဗဟိုပြုပြီး လူနေအိမ်ခြေတွေ ပွားများ စည်ပင် လာတဲ့ "Evolution"ဖြစ်စဉ်ပါ ။“ဒါမြို့၊ ဒါရွာ”ဆိုတဲ့ အ မိန့်ပြန်တမ်းတွေကိုလည်း နာခံကြတတ်တာ မဟုတ်ပါဘူး။ ဈေးကွက် စီးပွားရေးတစ်ခေတ်မှာ ဒီအချက်ဟာ တစ်ဖြည်းဖြည်း သိသာ ထင်ရှားစပြုလာပါပြီ။ မြို့တစ်မြို့ ဘယ်လောက်စည်ပင်ဖွံ့ဖြိုးသလဲဆိုတာ ဈေးအတွင်းရောင်းဝယ်ကြတဲ့ ၀ယ်လိုအားနဲ့ပဲ အကြမ်းဖျဉ်း တိုင်း တာရရှိမယ် ထင်ပါတယ်။ ဈေး(သို့မဟုတ်) လူမှုနိုင်ငံရေးတစ်ခေတ်ရဲ့ ပြဒါးတိုင်။

ကမ္ဘာ့သမိုင်းမှာ စီမံကိန်းစီးပွားရေးစနစ်ဆိုပြီး ဈေးကွက်ကိုသင်းကွပ်ခဲ့ကြတဲ့ နိုင်ငံရေးခေါင်းဆောင် အများအပြားလည်း ပေါ်ထွန်းလာ ဖူးရဲ့။ ဒီစမ်းသပ်ကာလအတွင်းမှာပဲ ဧကအုပ်ချုပ်ရေးသရဖူတွေ တစ်ခုပြီးတစ်ခု လွင့်စဉ်ကုန်ကြ။ ဆိုဗီယက်အင်ပါရာအဟောင်းနဲ့ တ ခြား ကြယ်ရံ နိုင်ငံတွေဟာ ထင်ရှားလှတဲ့ သာဓကတွေ ပါဘဲ။ ဧက၀ါဒစွဲ ပြင်းပြလှတဲ့၊ လက်ချိုးလို့တောင်ရေတွက်နိုင်လောက်တော့တဲ့ နိုင်ငံတွေတောင် ကျယ်ကျယ် လောင်လောင် အော်နေကြပြန်ပြီ။ “ဆိုရှယ်လစ် ဈေးကွက်စီးပွားရေးစနစ်”တဲ့။ ဥပမာဆောင်ရရင်တော့ တ ရုတ်၊ ဗီယက်နမ်နဲ့ ကျူးဘား။

ယနေ့ခေတ် နိုင်ငံရေးဗေဒဝေါဟာရ infrastructure [မတ်ဝါဒီတွေကတော့ Economic base လို့ ပညတ်ရဲ့] ဆိုတဲ့ အောက်ခြေအ ဆောက်အအုံနဲ့ ဧကစနစ်တို့ရဲ့ ထိပ်တိုက်ဆောင့်မှုဟာ ကြာသပတေးဂြိုဟ်နဲ့ ရှူးမိတ်ကာ လီဗီ-၉ ကြယ်တံခွန်တို့ရဲ့ စီးချင်းထိုးပွဲလိုပဲ ကြည့်ကောင်းလှတဲ့ ပွဲတစ်ပွဲဖြစ်ပါတယ်။ ဘောဂဗေဒ ပေတံဟောင်းတွေ၊ သီဝရီအဟောင်းတွေကို စွန့်ပစ်လိုက်ရမှာလား။ ဖာထေး ကော် ကပ် သုံးလို့ရဦးမှာလား။ အနာဂတ်သမိုင်း တစ်ကွေ့မှာ အဖြေရှာတွေ့ကြမှာပါ။ ဒါဆိုရင် ဈေးကွက်စီးပွားရေးစနစ် ကိုယ်တိုင်က ရော ပြီးပြည့်စုံသော အမှန်တရားလား။ ဘယ်သူတွေကမျှ အာမမခံရဲပါဘူး ထင်ပါတယ်။ ဒါပေမယ့် ဈေးကွက်စီးပွားရေးစနစ်ကို ဖျက် သိမ်းပစ် လို့ မရဘူးဆိုတာတော့ အားလုံးလက်တွေ့ကျကျ သိရှိကုန်ကြပါပြီ။ဈေးကွက်ကို ဘယ်အတိုင်းအတာအထိ ယဉ်ပါးအောင် လုပ် ဆောင်သင့် သလဲ။ ဒီဲပြဿနာကတော့ နှစ်ဆယ့်တစ်ရာစုတံခါးကို တစ်ဒေါက်ဒေါက် ခေါက်နေပြီပေါ့။ ထားတော့။

ဈေးကွက်စီးပွားရေးစနစ်ရဲ့ အမေရိကန် ကဗျာတစ်ပုဒ်အပေါ် ထင်ဟပ်ချက်တစ်ရပ်ကို လေ့လာကြရအောင်။

(၂)
A Fox
Down in the Jersey woods
a fox considered our progress.
A shopping center cleared its throat,
a truck buckled and evaporated.
Several tree frogs leapt out
of a thirteen-century monastery
but were not injured.
A salesperson declared that
everything must go : the fox
said, "Never."The clerk
started sweeping the aisles.
On the road to the beyond
the inhabitants are at
our disposal, cooking and cooking.

James Tate
(The New Yorker, June 14, 1993.)

(၃)
ဈေးကွက်နဲ့ ဈေးဝယ်ထွက်ခြင်းဆိုတာကလည်း ဒင်္ဂါးတစ်ပြားရဲ့ ခေါင်းနဲ့ပန်းပါ။ ရောင်းလိုအားနဲ့ ၀ယ်လိုအားတို့ ညီညွတ်မျှတမှသာ နိုင်ငံ တစ်နိုင်ငံ စည်ပင်ဝပြောတယ်လို့ အဆိုရှိပါတယ်။ မ၀ယ်နိုင်သူတွေက ခြေအေး ၀မ်းရောင်၊ ထရံကွာသံစူးလောက်အောင် မမြင်ဖူး တာတွေ လှည့်လည်ကြည့်ရှုကြ။ တျွန်တော်တို့နိုင်ငံက လူချမ်းသာ စာရင်းဝင်သူတွေ ကမ္ဘာနဲ့ရင်ပေါင်တန်းပြီး ဥရောပကို မဟုတ်တာ တောင် ထိုင်း နဲ့ စင်္ကာပူမှာ ဈေးဝယ်ထွက်ကြပြီ။ Shopping ဆိုတာ ယနေ့ခေတ်ရဲ့ ဖက်ရှင်တစ်ရပ်ပါဘဲ။ သွားလေသူ ဖိလစ်ပိုင် သမ္မတ ကတော် ဟောင်း အီမယ်လ်ဒါ မားကို့စ်တောင် ဘုန်းမီးနေလတောက်ပစဉ်က လေယာဉ်စင်းလုံးငှားပြီး ဈေးဝယ်ထွက်သတဲ့။

ကျွန်တော် မြေခွေးတစ်ကောင် ဈေးဝယ်ထွက်ဖို့စဉ်းစားတဲ့ ကဗျာကိုဖတ်မိတော့ အိန္ဒိယ၀တ္ထုရှည်တစ်ပုဒ်ကို အမှတ်ရမိတယ်။ Christian Chandra ရဲ့ "Mr. Ass Comes to Town"။ မြိုကပြရဲ့မာယာ။ အရင်းရှင်စနစ်ရဲ့ အဆီ အငေါ်မတည့်တာကို သရော်ထားတဲ့ စာတစ်ပုဒ်ပါ။ ဖတ်ခဲ့ရတာ ဆယ်စုကာလကျော်လောက်တောင် ရှိနေပေါ့။

ဂျိမ်းစ်တိတ်ရဲ့ လေ့လာရေးခရီးသည်ဟာ မြေခွေးပါ။ ဘာကြောင့် အခြားတောရိုင်းတိရစ္ဆာန်တစ်ကောင်ကို ဇာတ် ဆောင်မထားပဲ မြေခွေး ကိုရွေးခဲ့တာလဲ။ အကြောင်းရှိတယ်။ မြေခွေးဆိုတာ အရိုင်းပါ။ စဉ်းလဲကောက်ကျစ်မှုရဲ့ သင်္ကေတတစ်ရပ်ပါ ။ ဒါဟာ လူမျိုး တစ်မျိုး ၊ နိုင်ငံတစ်နိုင်ငံတည်းက သတ်မှတ်ထားတဲ့ နိမိတ်ပုံ မဟုတ်ပါဘူး ။ နိုင်ငံ တကာ သတ်မှတ်ချက် ။

ကဗျာမှာ နယူးဂျာဆီပြည်နယ် တောအုပ်ထဲက မြေခွေးတစ်ကောင် လူ့ယဉ်ကျေးမှု တိုးတက်ပုံအကြောင်း စဉ်းစားတာနဲ့ စထားပါတယ် ။ မြေခွေးဟာ အိမ်ယာတိုက်တာတွေ ခမ်းနားထယ်ဝါပုံအကြောင်း မတွေးဘူး။ ဟိုတယ်တွေ၊ အင်းတွေမှာ ၀င်ထွက်သွားလာနေကြတဲ့ နိုင် ငံခြားသားတွေအကြောင်း မတွေးဘူး။ လမ်းတံတား တွေ တည်ဆောက်ပြုပြင်နေတဲ့အကြောင်းလည်း မတွေးဘူး။ ပန်းခြံတွေ စည်ကား စိမ်းလန်းနေတာကိုလည်း မတွေးမိပါဘူး ။ အရိုင်းဆိုပေမယ့် ဈေးကိုပဲ အတွေးဖြန့်ကြက်လိုက်တယ် ။

အဲဒိအခါ ဈေးတစ်ဈေး လည်ချောင်းရှင်းသံကို ကြားလိုက်ရတယ် ။ ဘာတွေထွက်လာကြမလဲ ။ ချွဲသလိပ်တွေ ၊ တံတွေးတွေ၊ ရောဂါပိုး မွှားတွေ ထွက်မလာကြပါဘူး။ ကုန်စည်ပစ္စည်းတွေပါဘဲ။ ကုန်စည်စီးဆင်း လည်ပတ်မြန် ဆန်တာဟာ ဈေးကွက်စီးပွားရေးစနစ်ရဲ့ အ ပေါင်းလက္ခဏာပါ။ ကုန်ကားတွေ မောင်းထွက်သွားကြတယ်။ အမြန်နှုန်းတစ်ခုနဲ့။ ပြီးတော့ လှစ်ကနဲပျောက်သွား။ လျှင်မြန်စွာ ပျောက် ကွယ်သွားတာကိုတောင် evaporated ဆိုတဲ့ စကားလုံး သုံးပြသွားတယ် ။ စကားလုံး ပဉ္စလက်ကိုက ချစ်စရာ။

ဈေးကွက်စီးပွားရေးစနစ်မှာတော့ အားလုံးဟာ (လူတွေအပါအ၀င်) ကုန်စည်တွေပါဘဲ ။ လွန်ခဲ့တဲ့ နှစ်ပေါင်း ၇၀၀ ကျော်လောက်က ဘုန်းကြီးကျောင်းနဲ့ အဲဒိကျောင်းထဲက ခုန်ထွက်လာကြတဲ့ ဖားပျံကလေးတွေတောင် ရောင်းကုန် ဖြစ်သွားကြပါပြီ ။ စားလို့ရတာ ၊ သုံး လို့ရတာ ၊ ၀ယ်လို့ရတာ အကုန်ရောင်းကြ ။

ဈေးသည်ကတော့ sale promotion လုပ်နေတယ်။ လူသုံးကုန်ပစ္စည်းအားလုံး အရောင်းသွက်စေရမယ်တဲ့။ မေ တ္တာလက်ဆောင်၊ ကံစမ်း မဲများနဲ့ နိုင်ငံခြားခရီးစဉ်မက်လုံးများစွာနဲ့။ ဥာဏ်များကောက်ကျစ်လှတဲ့ မြေခွေး တောင် အူကြောင်ကြောင် ဖြစ်သွားမိတယ်။ အရိုင်းဆို တော့ ခေတ်မမီဘူး ထင်ပ။ “မဖြစ်နိုင်တာတဲ့။”

အရောင်းစာရေးတစ်ယောက်ကတော့ ဆိုင်ကောင်တာချောင်ကြိုချောင်ကြားမကျန် လှည်းကျင်းရောင်းထုတ် လိုက်ပြီလေ။ ဒီတစ်ခါတော့ ဥာဏ်များကောက်ကျစ်တယ်ဆိုတဲ့ မြေခွေးတောင် ခံစားသွားရရှာပါပြီ။ အရောင်း သွက်လာ လေလေ၊ အမှိုက်ပုံတွေလည်း မြင့်တက်မို့ မောက် လာလေလေပါဘဲ။ စည်သွပ်ဘူးခွံတွေ၊ ကြွပ် ကြွပ်အိတ်ခွံတွေ၊ ကဒ်စက္ကူဘူးခွံတွေ၊ ဘက်ထီးရီးယားပိုးပွားသလို စုပုံများလာကြ။ အမှိုက်တွေ။ ပစ္စည်းအမှိုက် တင်မက လူ့အမှိုက်တွေ။

အမှိုက်ရှိရာကို အမှိုက်တွေပဲ လာတတ်စမြဲပါ။ အမှိုက်ပုံထဲက စားကြွင်းစားကျန်တွေကို ထိုးဆွရှာဖွေ စား သောက်ကြ။ ဒါကို မျက်ကွယ်ပြုထားလို့ ရနိုင်ပါမလား။ လမ်းရဲ့ခတ်လှမ်းလှမ်း အခြားဘက်မှာ ဈေးထဲက စွန့် ပစ်ထားတဲ့ အမှိုက်တွေနဲ့ လူတစ်သိုက်။ အိမ်ခြေမဲ့သူ တွေ။ ဈေးကွက်စီးပွားရေးရဲ့ အနိဌာရုံတွေ။ ချက်ကြ ပြုတ် ကြ စားသောက်ကြနဲ့။

ဒါကို ချားလ်စ် ဒါဝင်မိန့်ဆိုသလို survival of the fittest ဆိုပြီး“တော်သူနေ ၊ မတော်သူသွား”သဘောမျိုး ထားရက်နိုင်ကြမလား။ ဒါ ကြောင့် ဈေးကွက်ကို ဘယ်လိုလုပ်ကြမလဲဆိုတာဟာ နောင်လာမယ့် နှစ်ဆယ့်တစ် ရာစု ရဲ့ အကြီးမားဆုံး ပြဿနာလို့ ညွှန်းဆိုမိ ပါ ကြောင်း။

(၄)
ဂျာဆီတောအုပ်က ဆင်းလာ
မြေခွေးတစ်ကောင်က ငါတို့တိုးတက်မှုကို တွေးလေရဲ့
ဈေးတစ်ဈေး လည်ချောင်းရှင်းလိုက်တယ်
ကုန်ကားတစ်စင်း မောင်းထွက် ပျောက်ကွယ်သွား ။
ဖားပျံတွေ ခုန်ပေါက်ထွက်လာကြ
တစ်ဆယ့်သုံးရာစု ဘုန်းကြီးကျောင်းထဲက
ဘာမျှ နာစရာမရှိ ။
ဈေးသည်က ဖွင့်ပြောတယ်
အားလုံးအရောင်းရ စွံရမယ်တဲ့ ။ မြေခွေးက
“မဖြစ်နိုင်တာ ။” အရောင်းစာရေးတစ်ယောက်
ချောင်ကြိုချောင်ကြားတွေ စလှည်းတယ် ။
လမ်းရဲ့ခတ်လှမ်းလှမ်း
အိမ်ခြေမဲ့သူတို့
အမှိုက်ပုံမှာ ချက်လိုက်ကြ ၊ ပြုတ်လိုက်ကြ ။

                                           ဂျိမ်းမ်စ် တိတ်
သစ်စိုး

ရနံ့သစ် မဂ္ဂဇင်း ၊ အမှတ် ၃၅
ဇူလိုင်လ ၊ ၁၉၉၅ ခုနှစ် ။

မီးခိုးမထွက်တဲ့ စက်ရုံလေးတစ်ရုံလေးတစ်ရုံ

2011-12-11T02:45:00.000-08:00

ကျော်သူ့
မင်းကိုဖွင့်မယ့်သော့ ငါ့ဆီမှာရှိတယ်ဆိုပြီး
ငါ့ဆီဖုန်းတွေလာတယ်
တို့အီမ်ရှေ့က ဇီးပင်ကြီးကလည်း
ငါရောက်တိုင်း မင်းကိုမေးနေပြီ
မကြီးကိုလည်း ကျောင်းဆင်းခေါင်းလောင်းမှာ
မင်းအတွက် တစ်ချက်ပိုဆွဲဖို့ငါမှာထားတယ်
ဒီက မင်းဖောက်ယူသွားတဲ့တင်းနစ်ကွင်းလေးကို
ဒီအတိုင်းထားလား
ကွန်ပျူတာဂိမ်း ဆောက်လိုက်လား
ပြတိုက်ဆောက်ပစ်လိုက်လား
အရမ်းလည်း မီးခီုးထွက်မနေနဲ့ဦး
ရှင်းရှင်းပြောရရင်
မက ဘဲနဲ့တော့
အရုပ်တွေကို ကြိုးရှုပ်မခံနဲ့သူငယ်ချင်း
ကျော်ထူးကသူ့ရည်ရွယ်ချက်ကလေးတစ်ခုကိုထမ်းလို့
မင်းယက်လို့ မပြီးစီးသေးတဲ့
မြက်ဦးထုပ်လေးကို ဆက်ယက်နေတယ်
ကြီးကြီးကလည်း
သူ့အပေါ်အကျီ်င်္လေးကိုပင့်တင်
တို့လိပ်စာတွေယူသွားပြီး
သူ့အိမ်နံပါတ် ပြန်ပေးဖို့တော့
မေ့လျော့သွားတယ်ထင်တယ်
ိသိပ်ပြီးနွမ်းနယ်တဲ့အခါ
မင်းဦးခေါင်းနဲ့တိုးဝင်ပစ်ဖို့
ရင်ခွင်တစ်ခြမ်း ပဲ့သွားတာကိုတော့
အစ်ကိုလည်း စိတ်မကောင်းဘူး ငါ့ညီ။

တကယ်တော့
မင်းဟာ ရွှေတူးသွားတာမဟုတ်ပါဘူး
မေ့ကျန်ခဲ့တဲ့ မင်းပစ္စည်းကို
ပြန်သွားယူတာလို့ ငါထင်တယ်
မုတ်ဆိတ်တွေ မှန်မှန်ရိတ်ပါ
ရောက်တဲ့ နှိုင်ငံကအလံကိုအလေးပြုပါ
နိုင်ငံတကာသတင်းတွေလည်းဖတ်ပါ
မင်းပြန်ရောက်တဲ့အခါ
မင်းနဲ့ ယိုဟန်ဂေါက် (ဂျာမနီ)ကို
စစ်တုရင် တစ်ပွဲထိုးဖို့
ညွှန့်ဝေတို့ သရက်တောမှာ
ဆရာဥိးစန်းယုကချိန်းထားလိုက်ပြီ

မြိုင်ချောင်က အိမ်ကြောင်များကိုတောကြောင်လုပ်မယ်
လပွတ္တလုပ်ရေတံခါးပေါ်မှာ
အမည်မပေးရသေးတဲ့ ပျော်ပွဲစားလေးရှိတယ်
ထုံးစံအတိုင်း
ငါ့ရဲ့လေးတင်ပွဲမှာတော့ မင်ုးကိုရှိစေချှင်တယ်
ဒါပေမယ့်
လေးရော မြားပါငါ့လက်ထဲမရှိသေးဘူး
ဒီကြားထဲပြူးကျယ်က
သူမက်တဲ့ အိမ်မက်ကို
ငါ့ကို ဆက်ပြောခိုင်းနေတယ်.....ဟေ့ရောင်..။

မဟာအလက်ဇန္ဒားဆိုတဲ့ ဂရိသားကြီးဟာ
သူ့ခေါင်းအုံးအောက်မှာ
ဟိုးမားရဲ့ ကဗျာတစ်အုပ်ရယ်
သူ့ဘေးမှာတော့
ွှတိုက်ပွဲဝင် ဓားတစ်လက်ထားအိပ်တယ်ဆိုဘဲ...
မင်းကတော့
ရတနာသုံးပါးကို ခေါင်းအုံးပြီး
နံဘေးမှာတော့
အနန္တောအနန္တငါးပါးကိုထားအိပ်ပေးဖို့
မင်းသိတဲ့ အတိုင်းထပ်သိလိုက်ပါ။

သူရနီ
(ရနံ့သစ်မဂ္ဂဇင်း)

သေနတ်သံတွေ တိတ်သွားတဲ့အထိ ကဗျာရွတ်ဆိုကြ

2011-11-26T01:13:00.000-08:00

တခါတရံ မဂ္ဂဇင်းတချို့တွင် ကဗျာရွတ်ပွဲများအကြောင်းကို ဖတ်ရသည်။ ထိုအခါ ကဗျာရွတ်ဆိုသည့် အလေ့အကျင့် အနည်းအကျဉ်းရှိလာခဲ့သူမိမိအဖို့အလိုလိုတက်ကြွရွင်လန်းနေမိသည်။ မဂ္ဂဇင်းထဲတွင်ပါသည့် ကဗျာရွတ်ပွဲများကို စိတ်ကူးနှင့် မြင်ကြည့်သည်။ စိတ်နား နှင့် ထောင်ကြည့်သည်။ ကဗျာရွတ်ဆိုနေကြသူများ၏ ကိုယ်ဟန်အမူအယာများကို စိတ်ကူးဖွဲ့ကြည့်သည်။ ရွတ်ဆိုကြသည့် ကဗျာများထဲ၌ မိမိ ကျက်မှတ်မိပြီးကဗျာ ပါဝင်ပါက ကိုယ်တိုင်ကဗျာဝင်ရွတ်နေသလို စိတ်လှုပ်ရှားရသည်။ ကဗျာတပိုင်းတစကို ပါးစပ်ကအလိုလိုရွတ်ဆိုမိလျက်သား ဖြစ်ရသည်။ကဗျာရွတ်ပွဲတွင်ပါဝင်ရွတ်ဆိုသူများ၏ ရင်ခုန်မှုအရှိန်အဟုန်များမှာ မီးတောက်တခုက တခြားမီးတောက်တခုဆီ ယိမ်းထိုး ကူးယှက်သွားသလို မိမိထံ ထိယှက်ပူးဝင်လိုက်ကြခြင်း ဖြစ်ဟန်တူလေသည်။

အမှန်စင်စစ် ကဗျာရွတ်ဆိုခြင်းအလုပ်ကို မိမိကိုယ်တိုင်ကအသိရှိရှိနှင့် စတင်ဆောင်ရွက်လိုက်နိုင်ခဲ့ခြင်းတော့ မဟုတ်ချေ။ ၁၉၉၃ခု၊ မာနယ်ပလောတွင် ကျင်းပသည့် စာဆိုတော်နေ့ အခမ်းအနားတွင် ရှုဒေါင့်ဂျာနယ် အယ်ဒီတာဟောင်း (ဦး) ၀င်းခက်က “မနက်ဖြန်ကြရင် ဒီကဗျာကို ရွတ်ပေးစမ်း”ဟု ဆိုခြင်းဖြင့် မိမိမှာ ကဗျာရေးသူအဖြစ်မှ ကဗျာရွတ်သူအဖြစ်သို့ ဖြတ်ကနဲ ကူးပြောင်းရောက်ရှိသွားခဲ့ရ၏။

ရွတ်ဆိုရမည့်ကဗျာကဆရာမောင်သော်က၏“မီးခြစ်တစ်ဆံ”ကဗျာဖြစ်သည်။ စကားပြောခွက်ရှေ့ကိုရောက်သည်အထိ မည်သည့် အသံ အနေအထားနှင့် ရွတ်ဆိုရမည်ဆိုသည်ကို ရွေးချယ်မဆုံးဖြတ်နိုင်သေး။

ကံအားလျော်စွာ ကဗျာအကြောင်းအရာကိုရုတ်တရက်တွေးမိကာလက်သီးကိုဆုပ်အသံကိုမြှင့်ပြီး အော်ဟစ်လိုက်မိသည်။ “အနှစ်နှစ် ဆယ်တဲ့လားဟေ့ ...” ဆိုပြီး အော်ဟစ်လိုက်သည့် မိမိအသံမှာ ကရင်လူငယ်အစည်းအရုံး ခန်းမဆောင်အတွင်းပဲ့တင်ထပ်မျှဟိန်းသွား၏။ရုတ်တရက်ဆိုသလိုခန္ဓာကိုယ်တခုလုံး သွေးများ

ပူလောင်ဆူပွက်လာပြီး ကျန်ကဗျာပိုဒ်များကို အလိုလိုရွတ်ဆိုမိလျက်သားဖြစ်သွား၏။

မိမိ၏ခံစားမှုအရှိန်အဟုန်များ လေထဲတွင် ခုန်ပေါက်ပြေးလွှားနေစဉ် လက်ခုပ်သံများထွက်ပေါ်လာခဲ့၏။ ဆက်လက်ရွတ်ဆိုရန်ကဗျာစာသားမရှိတော့သည့်တိုင်၊ကဗျာရွတ်ဆိုသံရပ်ဆိုင်းသွားသည့်တိုင်

ဖြန့်ထွက် ဝေးကွာသွားနေသည့် စိတ်အလျင်များကို မိမိမှာ ပြန်လည်ရုပ် သိမ်းလို့ မရနိုင်သေး။ မိမိ၏ စိတ်အလျင်မှာ ရှေ့တွင်ထိုင်နေသည့် လူအုပ်၏နှလုံးသားကို ဒိုးယိုပေါက်ထွင်းဖောက်သွားခဲ့၏။ မိမိ၏စိတ် အလျဉ်များကို ပြန်လည်ရုပ်သိမ်း ထိန်းချုပ် လာနီုင်သောအခါမူ မျက်လုံးအိမ်များထဲ၌ မျက်ရည်များနှင့် မှုန်ဝါးနေလေတော့သည်။

၁၉၉၄ ခုနှစ်တွင် အသံလွှင့်ဌာနတခု၌ အပါတ်စဉ် ပုံမှန်အစီအစဉ်တခုကို အသံလွှင့်ခွင့်ရ၏။ ယင်းအစီအစဉ်ကို “တော်လှန်ရေးကဗျာ မိတ်ဆက်”ဟု ခေါင်းစဉ်တပ်ကာ တပတ်လျှင် တကြိမ်အသံလွှင့်၏။ ထိုအခါ တပတ်လျှင်တကြိမ် ကဗျာရွတ်ဆိုရသည့်သဘောဖြစ်လာ၏။ ၁၉၉၃ ခုနှစ် “မီးခြစ်တဆံ” ကဗျာကိုရွတ်ဆိုစဉ်က ကဗျာအကြောင်းအရာကိုတွေးမိပြီး အများစိတ်ဝင်စားအောင် ရွတ်ဆိုနိုင်ခဲ့သည့် အတွေ့ အကြုံအရ၊ အသံလွှင့်ဘို့ ရွေးချယ်ထားသည့်ကဗျာများကို အဓိပ္ပါယ်နားလည်သည်ထက်နားလည်ရန် အကြိမ်ကြိမ် အထပ်ထပ်ဖတ်၏။ အဓိပ္ပါယ်နားလည်လျှင် ကဗျာဖတ်သည့်အခါ ပိုမိုအဆင်ပြေသည်ကို သတိပြုမိလာ၏။ ကဗျာဖတ်သည့်အခါ စိတ်နှင့်ဖတ်သည်ထက် အသံထွက်ဖတ်ခြင်းဖြင့် ကဗျာရွတ်ဆိုရာတွင် အလုပ်တ၀က်ပြီးသလိုဖြစ်ရ၏။

အသံလွှင့်ရန် ကဗျာများကိုရွေးချယ်ရာ၌ ပထမပိုင်းတွင် ကာရန်ပါသည့်ကဗျာများကိုဖတ်လျှင် ရွတ်ဆိုရ ပိုမိုအဆင်ပြေသည်ဟုထင်၏။ ထို့ကြောင့် ကာရန်ပါသည့်ကဗျာများကိုသာ ဦးစားပေးပြီးရှာဖွေရွတ်ဆို၏။ သို့သော် ရွေးချယ်ထားသည့် အသံလွှင့်အစီအစဉ်ခေါင်းစဉ်က “တော်လှန်ရေးကဗျာမိတ်ဆက်” ဟုပေးထားသဖြင့် နိုင်ငံရေးနောက်ခံရှိပြီး ကာရန်နှင့် ရေးဖွဲ့ထားသည့်ကဗျာများမှာ ရှာရဖွေရ ခက်ခဲလာ ခဲ့၏။ ထိုစဉ်က မိမိမှာ မာနယ်ပလော တော်လှန်ရေးဌာနချုပ်တွင်နေထိုင်သူဖြစ်သဖြင့်လည်း ပြည်တွင်းမှ ကဗျာပါသည့်စာအုပ်များကို ဆက် သွယ်ရယူရန်မှာ အခက်အခဲရှိ၏။ အခြေအနေကတောင်းဆိုသဖြင့် ကာရန်မပါပဲ ရေးဖွဲ့သည့်ကဗျာများ၊ လွတ်လပ်ကာရန် စနစ်ဖြင့်ရေးဖွဲ့သည် ကဗျာများဖက်သို့ အလိုလိုဦးလှည့်ခဲ့ရ၏။ ထိုအခါ ကာရန်မဲ့ကဗျာများမှာ ကာရန်နှင့်ရေးစပ်သည့် ကဗျာများထက် ပိုမိုအားစိုက်ရွတ်ဆိုရန် လိုအပ်ကြောင်း ထူးထူးခြားခြား သတိပြုမိလာရလေသည်။

ကာရန်မပါသည့်ကဗျာများကိုရွတ်ဆိုသည့်အခါ အသံအနိမ့်အမြင့်နှင့် အသံစီးဆင်းပုံ၏၀ိသေသကို ထိတွေ့ခွင့်ရ၏။ အသံအနိမ့်အမြင့်နှင့် အကွာအဝေး မတြာများမှာ ပုံမှန် ပုံသေမရှိသဖြင့် ကဗျာရွတ်ဆိုနေစဉ် အသက်ရှူနူန်းမှာလည်း ပုံမှန်ပုံသေထားပြီး အသက်ရှူလို့မရနိုင်တော့။ ကာရန်နှင့်ရေးဖွဲ့သည့်ကဗျာများမှာမူ ကာရန်အမျိုးအစားအပေါ်မူတည်ပြီး အသက်ရှူမှု အပြင်းအပေါ့ ကွာခြားသည်မှလွဲ၍ အသက်ရှူချိန်။ ရှူနှုန်း တခုနှင့်တခု သိပ်ပြီးကွာဟမှုမရှိလှ။ မသိသာလှ။ ကာရန်ပါသည့်ကဗျာများမှာ နရီကို ချိန်တွယ်ထားသလောက်ဖြစ်၏။ ထို့ကြောင့် ကာရန်ပါသည့် ကဗျာကိုရွတ်ဆိုလျှင် သီချင်းတပုဒ်ကို လူတိုင်းလိုက်ပြီး စည်းဝါးတီးသလို အထိုက်အလျောက်လွယ်ကူ၏။ ကာရန်မဲ့ကဗျာ များ၏ အသံတည်ဆောက်ပုံမှာမူ ပုံမှန်၊ ပုံသေမဟုတ်သဖြင့် ရွတ်ဆိုရာ၌ တမူထူးခြားသစ်လွင်နေလေသည်။

ကဗျာရွတ်ဆိုခြင်းပဲဖြစ်ပစေ ကဗျာဖတ်သည်ပဲ ဖြစ်ပစေ ကဗျာကို သီချင်းဆိုသလို ရွတ်ဆိုခြင်းနှင့် ဇာတ်ဟန် ဇာတ်သံနှင့် ရွတ်ဆိုခြင်းများကိုမူ ကျနော် မနှစ်သက်မိပါ။

အသံလွှင့်ဌာနမှတဆင့် ကဗျာရွတ်ခွင့်ရလာသောအခါ ဗြိတိသျှကဗျာဆရာကြီး ‘ဒီလန်တောမတ်စ်’ကို သတိရတတ်၏။ သူက အသံလွှင့် ဌာနမှတဆင့်ကဗျာတွေအများကြီး ရွတ်ဆိုသွားခဲ့သူဖြစ်သည်။ ထို့ပြင် အမေရိကန် ကဗျာဆရာများဖြစ်ကြသည့် ‘ရောဘတ်ဖရော့ခ်’နှင့်‘မာယာ အင်ဂျီလို’တို့ကိုလည်း စိတ်ထဲစွဲနေ၏။ သူတို့နှစ်ဦးက အမေရိကန်သမ္မတနှစ်ဦး၏ သမ္မတသစ် ကျမ်းသစ္စာကျိန်ဆိုပွဲများတွင် တက်ရောက် ကဗျာရွတ်ဆိုဖို့ ဘိတ်ကြားခြင်း ခံခဲ့ကြရသူများဖြစ်၏။ သူတို့တတွေ ဘယ်လိုကဗျာရွတ်သည်ကို မတွေ့မမြင်ဘူးသော်လည်း ကဗျာရွတ် သူများဖြစ်သည်ဟူသည့် အသိတခုတည်းနှင့်ပင် မိမိမှာ ရင်ခုန်လို့မဆုံးချင်တော့။

လူမျိုးနှင့်ချီပြီး ကဗျာရွတ်ဆိုခြင်းနှင့် ကဗျာရွတ်ဆိုခြင်းကို နားထောင်သည့် အလေ့အကျင့်ရှိသူများမှာ ရုရှား လူမျိုးများဖြစ်သည်ဟုကြားဖူး၏။ ကဗျာဆရာ‘မာယာကော်စကီး’နှင့်‘ယက်ဖ်တူရှင်ကို’တို့၏။ ကဗျာရွတ်ပွဲများကို ရုရှားလူမျိုး ထောင်သောင်းချီပြီး တက်ရောက် နားထောင် တတ်ကြ၏။ ကဗျာဆရာ‘မာယာကော်စကီး’လူပုံအလယ်တွင် ကဗျာရွတ်နေပုံ သတင်းဓါတ်ပုံထဲတွင် တွေ့ဖူး၏။ သူတို့ ကဗျာရွတ်သံများကိုမူ မကြား ဘူးသေး။

၁၉၉၈ ခုနှစ်လည်ပိုင်းက နော်ဝေနိုင်ငံမှ ထိုင်းနိုင်ငံသို့အပြန် ရုရှားနိုင်ငံ၊ မော်စကိုလေဆိပ်တွင် လေယာဉ်ပြောင်းစီးရန် (၅) နာရီမျှ ထိုင်စောင့် ခဲ့စဉ်က လေဆိပ်ထဲတွင်ရှိသည့် တိတ်ခွေနှင့်စီဒီခွေအရောင်းဆိုင်များတွင် ‘မာယာကော်စကီး’နှင့် ‘ယက်ဖ်တူရှင်ကို’ကဗျာရွတ်ထားသည့် အသံသွင်း တိတ်ခွေများကို တွေ့လိုတွေ့ငြား လိုက်ရှာခဲ့၊ မေးခဲ့ဖူး၏။ ရှာလို့ မေးလို့ မရခဲ့။

မိမိနိုင်ငံတွင်လည်း ကဗျာရွတ်ပွဲများ ကြိုးကြားကြိုးကြား ကျင်းပသည်ကို ကြားနေခဲ့ရ၏။ သို့သော် ကဗျာဆရာများနှင့် ကဗျာချစ်သူအနည်း ငယ်မျှသာစုဝေးကြပြီး တယောက်တလှည့် ကဗျာရွတ်ဆိုကြခြင်းသာဖြစ်သည်။ အများပြည်သူ တက်ရောက်နားထောင်နိုင်သည့် အခွင့် အလမ်းနှင့် အလေ့အထကိုမူ ယ္ခုအထိ မဖန်တီးနိုင်သေး။

ကဗျာရွတ်ဆိုခြင်းအလုပ်ကို ခုံမင်မိန်းမူးလာသဖြင့် ကဗျာရွတ်ပွဲများဖြစ်ပေါ်ရန်၊ လူပုံအလယ်တွင် ကဗျာရွတ်ခွင့်ရရန် ဖန်တီးချင်လာခဲ့၏။ ထို့ကြောင့် ကမ္ဘာ့ကဗျာနေ့အပါအ၀င်၊ တခြားစာပေနှင့်နိုင်ငံရေးဆိုင်ရာ အခမ်းအနားများတွင် ကဗျာတက်ရောက်ရွတ်ဆိုခွင့်ရရန် အခမ်းအနား ဦးစီးကျင်းပသူများထံ ချဉ်းကပ်တောင်းဆိုမိ၏။ သက္ကရာဇ် ၂၀၀၀ ခုနှစ်မှစတင်ကာ ကဗျာရွတ်ပွဲ၊ ကဗျာရွတ်ဆိုခြင်း အစီအစဉ် ပါရှိသည့်အခမ်းအနားများတွင် ကဗျာရွတ်ဆိုခွင့်ရလာခဲ့၏။ တချို့အခမ်းအနားများတွင်မူ မိမိကိုယ်တိုင်က မချဉ်းကပ်ပဲ ကဗျာတက်ရောက် ရွတ်ဆိုပေးပါရန် ဘိတ်ကြားခြင်းကို လက်ခံရရှိလာခဲ့၏။ ယ္ခုအခါ အသံလွှင့်ဌာနအပါအ၀င် အခမ်းအနားပေါင်းစုံတွင် တက်ရောက်ရွတ်ဆိုခဲ့ သည့် ကဗျာပုဒ်ရေ (၄၆၀) ကျော်ရှိခဲ့ပြီ။ ကဗျာရွတ်ဆိုခြင်းကြောင့် ရရှိလာသည့် အကျိုးကျေးဇူးမှာ တွေးမိတိုင်း ပီတိဖြစ်ဖွယ်ကောင်းလှ၏။ ကဗျာရွတ်ဆိုခြင်းနှင့်ပါတ်သက်ပြီး ရုရှကဗျာဆရာကျော်“ယက်ဖ်တူရှင်ကို”ပြောဖူးသည့်စကားမှာ မှတ်သားဖွယ်ဖြစ်၏။ သူက “ကဗျာရွတ် တာ နားထောင်ပြီးသူတိုင်း နားထောင်သူအဖြစ်မှ ကဗျာဖတ်သူအဖြစ်သို့ မလွဲမသွေရောက်ရှိလာလိမ့်မယ်”ဟု၍ ပြောဖူးလေသည်။

ယ္ခုနှစ် ဒုတိယလ၊ လဆန်းပိုင်းတွင် RFA မှတဆင့် “လက်တဖက်ကို မြဲနေအောင်ကိုင်ထား”ကဗျာကို ကျနော်ရွတ်ဆိုခဲ့၏။ နှစ်ရက်ခန့်ကြာ သောအခါ တယ်လီဖုံးမြည်သံကြားလို့ကောက်ကိုင်လိုက်စဉ် “လက်တဖက်က တယ်လီဖုံးကို မြဲနေအောင်ကိုင်ထား”ဟု တဖက်မှကြား လိုက်ရ၏။ တအံ့တသြဖြစ်နေစဉ် “အောင်ခင်လေဗျာ”ဟူသော အသံကိုပါ ကြားရ၏။ ကျနော့်မှာ မဖေါ်ပြနိုင်လောက်အောင် ၀မ်းသာရသည်။ (၇)နှစ်တာမျှ အဆက်အသွယ်ပြတ်နေခဲ့သည့် ‘ဒေါက်တာအောင်ခင်’ ၏အသံကို တယ်လီဖုံးထဲမှ ကြားလိုက်ရ၍ဖြစ်၏။ သူကRFA မှာ ကျနော်ရွတ်ဆိုခဲ့သည့် ခေတ်ပေါ်ကဗျာ ‘လက်တဖက်က မြဲနေအောင်ကိုင်ထား’ ကဗျာကို ရည်ညွှန်း ပြောလိုက်ခြင်းဖြစ်၏။ တဆက်တည်း ဆိုသလိုပင် ‘ဒေါက်တာအောင်ခင်’လို ကဗျာနှင့်ဝေးနေသူအဖြစ် မိမိဖက်မှယူဆထားသူတဦးထံမှ ‘အဲဒီကဗျာက ကာရန်မပါဘူးဗျ၊ ခင်ဗျား မို့လို့ နားထောင်ကောင်း တာနဲ့တူတယ်။ တခြားလူဆိုရင် ပျက်သွားမှာ’ ဟု အားပေးစကားကြားလိုက်ရ၏။ ယ္ခုအခါ ‘ဒေါက်တာ အောင်ခင်’သည် ကဗျာနှင့်နီးလာနေပြီလောဟု ပီတိဖြစ်မိသည်။

ကဗျာရွတ်သည့်အခါ ကဗျာရွတ်သံကိုနားထောင်သည့်အခါ ရွတ်ဆိုရင်း၊ နားထောင်ရင်း၊ ကဗျာရွတ်သူနှင့် ကဗျာနားထောင်သူ နှစ်ဦးစလုံး စရဏကိုထိန်းကာ လေ့ကျင့်သလိုဖြစ်သွားရ၏။ ပရဟိတ္တကို ထိတွေ့ရ၏။ ဗျာပါဒကို စားသုံးမိသွား၏။ ၀ိမုတ္တိကို တခဏမျှရ၏။ ငြိမ်းချမ်းရေး ၏ အခြေခံယဉ်ကျေးမှုရေး အုတ်မြစ်တခု ချလိုက်သလိုဖြစ်ရ၏။

နိုင်ဂျီးရီးယား စာရေးဆရာ ကဗျာဆရာ `ကင်ဆာရိုဝီဝါ´ က အိုဂိုနီ လူမျိုးစုများအတွက် ဆောင်ပုဒ်တစ်ခု ဖန်တီးပေးခဲ့သည်။ သူ့ဆောင်ပုဒ်က `ကကြ ကကြ သေနတ်သံတွေတိတ်သွားတဲ့အထိ ကကြ´ ဟူ၍ ဖြစ်သည်။ ကျနော်ကလည်း ကဗျာချစ်သူများအတွက် ဆောင်ပုဒ်တစ်ခု တင်ပြချင်နေသည်။ ကျနော့်၏ဆောင်ပုဒ်ကတော့ `ရွတ်ဆိုကြ ရွတ်ဆိုကြ သေနတ်သံတွေတိတ်သွားတဲ့အထိ ကဗျာတွေရွတ်ကြ´ ဟူ၍ ဖြစ်ပါသည်။

အခုလို ပြည်တွင်းငြိမ်းချမ်းရေးတောင်းဆိုသံများကြားလာနေရသည့်အချိန်မျိုးတွင် ငြိမ်းချမ်းရေး၏ လက်နက်တစ်ခုဖြစ်သော ကဗျာရွတ် ဆိုခြင်းအမှုကို တနိုင်ငံလုံးအနှံ့ လိုက်လံရွတ်ဆိုခွင့်ရလျင် မည်မျှကောင်းမည်နည်းဟု ကျနော် တောင့်တမိသည်။ ထို့ပြင် မုဆိုးရာသီကုန်ဆုံးပြီး လေးသံမြှားသံများ ထာဝရရပ်စဲကာတကမ္ဘာလုံးအနှံ့ကဗျာရွတ်ပွဲများကျင်းပနိုင်လျှင် ကောင်းပေစွဟူ၍လည်း

တောင့်တမိတော့၏။ ။

ငြိမ်းဝေ နိုဝင်ဘာ ၂၅၊ ၂၀၁၁

(မိုးမခ မီဒီယာမှ ကူးယူဖော်ပြခြင်းဖြစ်ပါသည်။)

2011-10-06T04:57:00.000-07:00

အပ္ပမာဒေန၊ သပ္မာဒေထ

2011-10-02T00:22:00.000-07:00

တစ်နေ့ကျရင်သူဘာဖြစ်လာမှာလဲလို့ မကြာခဏ ဘ၀နဲ့ဝေးရာတွေးတွေးနေမိတယ်။သတိလက်လွတ်မေ့လျော့လိုက်ဖို့ကခက်ခဲလိမ့်မယ်လို့
မကြာခဏအတိတ်ကိုလည်ပြန်ငေးနေမိတယ်။တစ်ကယ်လို့များ... တစ်စက္ကန့်၊တစ်မိနစ်၊တစ်နာရီ၊တစ်နှစ်ကစလို့ နောင်လာမယ့်နှစ်ပေါင်းများစွာ
အချိန်ဟာ ရေလိုရွေ့လျား၊ အခိုးအငွေ့တွေလိုများ မှုန်ဝါးပျောက်ကွယ်သွားနိုင်သလားဆိုပြီး မကြာခဏ ငြိမ်သက်တွေဝေနေမိပြန်တယ်။
အချစ်ဆိုတာကလည်း သင်ခန်းစာအသစ်တွေကိုသင်ယူကျက်မှတ်နေရသလို မကြာခဏ ခက်ခဲနေရမှာအမှန်ပဲ။အကြိုက်ဟာလည်းတစ်နေရာကနေ
အခြားတစ်နေရာ ရွေ့လျားကူးပြောင်းနေတက်တာမျိုးမဟုတ်လား။ဘယ်သူမှမရှိတော့ရင် အရင်လိုပဲဘ၀ကိုဖြတ်သန်းကျော်ဖြတ်နေမှာအမှန်ပဲ။
လမ်းတွေက ကောက်ကွေ့လွန်းသမို့ နံရံကိုကျောနဲ့ကပ်ထားမိ၊ မေးခွန်းတွေက ရက်စက်လွန်းသမို့ အဖြေကိုစာရွက်အလွတ်ပေါ်လွတ်ချမိ၊ အကြည့်တွေက စူးရှလွန်းသမို့ မျက်လွှာကိုချထားမိ။ ရင်ဆိုင်ဖြတ်သန်းရမယ့် မနက်ဖြန်ဟာ အဝေးပြေးလမ်းမထက်ကမိုင်တိုင်တွေလို ဒီတစ်နေ့ပြီး
နောက်ထပ်တစ်နေ့ ပြေးစရာ/ရွေ့စရာ မြေမရှိတော့သလိုမျိုး ခြေအစုံကိုရပ်တန့်လိုက်မိပါတယ်။ တစ်ဘ၀ပြီးနောက်ဘ၀ တစ်နေ့ကျရင် သူဘာဖြစ်လာမှာလဲလို့ အစပြီးရင် အဆုံးကိုမျှော်လင့်မနေသင့်တော့ဘူး။ အစပြီးရင် နောက်ထပ်အစပဲပြန်လာနေတဲ့ကမ္ဘာလေ...။လူတွေနဲ့ဝေးရာ၊
ရှင်သန်နေမှုရဲ့ဝေးရာ၊ တွေဝေစောင့်ဆိုင်းနေခြင်းနဲ့ဝေးရာ၊ ယုံကြည်မှုလွန်ကဲနေခြင်းရဲ့ဝေးရာ မကြာခဏ ထွက်ပြေးနေချင်တော့တယ်။သူဟာ အိပ်မက်မက်နေသလို ခဏခဏ၊ သူဟာ တစ္ဆေခြောက်လှန့်နေသလို ခဏခဏ၊ သူဟာ အရူးမီးဝိုင်းနေသလို ခဏခဏ၊ သူဟာ စိတ်နောက် ပေါ့သွပ်နေသလို ခဏခဏ၊သူဟာ အတိတ်မေ့သလို ရွှေပျောက်သလို ခဏခဏ၊သူဟာ ဥစ္စာပျောက် ငရဲရောက်သလို ခဏခဏ၊ သူဟာ ဖောက်လွဲဖောက်ပြန် ခဏခဏ၊ ဒီဘ၀ဟာ မသေချာတော့ဘူးဆိုပြီး ဘ၀ကူးကောင်းဖို့ သူက ရည်ညွှန်းချက်မပြည့်စုံသော အဓိပ္ပါယ် မဲ့ကဗျာတွေရေးနေလေရဲ့။
အောင်ပိုင်စိုး
အမှတ်(၂)၊ဖေဖော်ဝါရီလ၊လှိုင်းသစ်မဂ္ဂဇင်း
Mandalay FM Radio

ဧရာဝတီ

2011-10-02T00:18:00.000-07:00

သူ့လည်ချောင်းဝမှာ အရိုးတစ်ချောင်းကန့်လန့်ခံနေသလို
ထွေးမရမျိုမရ
သူ့ဒုက္ခက
အစဉ်အဆက် ဆိုဆုံးမဖို့ခက်တဲ့ သားသမီးတွေကြောင့်
မိဘမျက်နှာပျက်ရ
အစဉ်အဆက် ဆိုဆုံးမဖို့ခက်တဲ့ မိဘကြောင့်
သားသမီးတွေမျက်နှာပျက်ရ။

မင်းစိုးရာ
27.9.2011

သို့ ... ဧရာဝတီ

2011-09-23T23:09:00.000-07:00

ထိမယ့်ခလုတ် ဆုတ်ပါစေ
လာမယ့်ဘေး ဝေးပါစေ
ရေစီးရေလာကောင်းပါစေ။

အောင်ပိုင်စိုး

မျက်မှန်နှစ်လက်

2011-09-20T22:55:00.000-07:00

ကျွန်တော့်မှာမျက်မှန်နှစ်လက်ထားတယ်

တစ်လက်က ချစ်သူကို ကြည့်ဖို့
တစ်လက်က ရန်သူကို ကြည့်ဖို့
ချစ်သူကြည့်မျက်မှန်နဲ့ ရန်သူကိုကြည့်မိတော့
ဓားကောက်ကြီးက သက်တန့်ကိုင်းဖြစ်သွား
အပြစ်ဒဏ်က ပုံတော်ဖိနပ်ကလေးဖြစ်သွား
ကျော့ကွင်းက ကျစ်ဆံမြီးလေးဖြစ်သွား....။

ရန်သူကြည့်မျက်မှန်နဲ့ ချစ်သူကိုကြည့်မိတော့
သက်တန့်ကိုင်းက ဓားကောက်ကြီးဖြစ်သွား
ပုံတော်ဖိနပ်ကလေးက အပြစ်ဒဏ်ဖြစ်သွား
ကျစ်ဆံမြီးလေးက ကျော့ကွင်းဖြစ်သွား.......။

အခုတော့
ချစ်သူကြည့်မျက်မှန်တစ်လက်ပဲထားတော့တယ်
ရန်သူတွေက ရေပိုက်ပြင်ပြီး ထွက်သွားတဲ့အခါ
ချစ်သူက...
သဲပေနေတဲ့ခြေထောက်နဲ့အိပ်ယာပေါ်တက်လာတယ်...။

သူရနီ

Fog (An American Haikku) / နှင်း (အမေရိကန် ဟိုက္ကူ)

2011-08-30T22:39:00.000-07:00

Fog (An American Haikku)

The Fog comes
on a little cat's feet.

It sits looking
over harbor and city
on silent haunches
and then moves on.
Carl Sandburg

နှင်း (အမေရိကန် ဟိုက္ကူ)
နှင်းကျပေါ့
ကြောင်လေး ခြေထောက်ပေါ်
ဆိပ်ကမ်းနဲ့ မြို့ကို
ဆီးကြည့်
ငြိမ်သက် ငုတ်တုတ်ထိုင်လို့
ပြီးတော့ ရွေ့သွား။
-ဘာသာပြန် TS

ပိတောက်ပွင့်သစ် ကဗျာ မဂ္ဂဇင်း
အမှတ်(၃) ၁၉၉၁ ခုနှစ်။

အရသာမတွေ့တဲ့အခါ မအောင်မြင်တဲ့ အာဏာသိမ်းမှုစတင်တာ

2011-08-30T22:33:00.000-07:00

ဒီဘက်ပိုင်းမှာ သမ္မတတံဆိပ်က လူထုကုန်ပစ္စည်းဖြစ်လာတယ်

ဘာတဲ့ လူထူရင်လူထုလို့ဒီဘက်ပိုင်းမှာဖွဲ့၊ လူထု

ရောင်းအားတက်လို့ လူထုကို ဥထားရမယ့်အနေအထား

လူထုအထည်တန်းဘက်လျှောက်မိရင်ပဲ လူထုစတိုင်လ်၊ လူထု

အရောင်အသွေး၊ လူထုအရွယ်အစား၊ လူထုတန်ရာတန်ကြေး

လူထုဟာတစ်ရာ ရာခိုင်နှုန်းလူထုနဲ့ ရက်လုပ်ထားတာကလား၊ အာမခံ/အမာခံ

အာခိလိစ်ဖိနောင့်တစ်ဖက်ဟာ အာမခံထားရမယ့်ကိစ္စ၊ အပျော့ထည်နဲ့

ပျော်နေရတဲ့ သန်ဘက်ခါဖိနောင့်အပျော့များ၊ ကဏန်းပျော့ကြော်များ

သေရေးရှင်ရေးကျရင်အကြွေပြန်အမ်းမနေနဲ့တော့ပေါ့ သေပြေးရှင်ပြေးရဲ့(ကဒါဖီအကြွေးနှင့်

ပြေးနေသည်၊ကဒါဖီအလိုရှိသည်၊လက်ငင်းရှင်းတန်း

$ ၁၆၇၀၀၀၀ အကြွေများ၊ ဆီးရီးယားလုံခြုံရေးသွေးစုပ်ဖုတ်ကောင်

တပ်များ၊ ဂျယ်လီကျည်ဆံနဲ့ ရာဘာအော်သံများ) အကြွေအမြန်အမ်းပါတော့လား သေပြေးရှင်ပြေးရဲ့

အနှေးနဲ့အမြန်နဖနှောင့်လှီးခံရဖို့၊ ခြေသည်းလက်သည်း ဇက်ကြောဆွဲဖို့ပါ

ခင်ဗျားတန်းစီနေခဲ့ရတယ်၊ ဇာတ်လမ်းမကြိုက်ရင် ကိုယ်တိုင်ဇာတ်ကြောင်းဝင်ပြောလေ

တစ်အိမ်အလိုကိုစိမ်ပြေနပြေ၀င်ဖြည့်လို့ရတဲ့ လူထုအခြေစိုက်

ကျေးဇူးကမ္ဘာပဲ၊ နံရံတွေ ခင်ဗျားခေါင်းပေါ်ပြိုကျနေပြီဘော်လ်တဲယား

လူထူထူတစ်ရက်မှာ အ၀လွန်ရောဂါအကြောင်း လူထုစဉ်းစားနေမယ်။

ဇော်လူစိမ်း

ကဗျာရေးသူ၏ ခွင့်ပြုချက်အရ ဖော်ပြခြင်းဖြစ်ပါသည်။

အမှတ်တရ တံဆိပ်ခေါင်း

2011-08-30T21:56:00.000-07:00

ကြက်ဖတံဆိပ် ဘီယာဆိုင်ကနေမင်းကိုလှမ်းချိတ်လိုက်တာ
ရုံးနှစ်ကင်နဲ့ အာလူးနှစ်ကင် ရှေ့ချပြီးကိုင်နေကြတာ
လိုင်းကားစီးပြီးတော့ မင်းလစ်ခဲ့တော့
ဆိုင်ကယ်ကယ်ရီနဲ့ဆို ရေအကုန်အကျများနေလိမ့်မယ်
ဟေ့ကောင်၊ ပတ္တမြားကိုစိန်ဝင်းကို မင်းသိတယ်မို့လား
မွန်းလွဲ ၃နာရီဝန်းကျင်တုန်းက သူ့အသံလေထဲမှာ
လေထဲမှာ သူ့အသံ ၄ကြိမ်မြောက် ပျံ့နှံ့ခဲ့တာကွ
မိုးကတော့ ရွာဆင်ကြီးပဲ။မိုးတွင်းပဲကွာ
မိုးရွာမှ ပျိုးသာမှာ။ပျိုးသာမှ ဆန်နဲ့
ဝေးဖို့အကြောင်းဖန်တာ သက်သာမှာ
မင်းရဲ့“ဂျွန်” မိတ္တူဆွဲထားလိုက်မယ်
မင်းရဲ့ဂျွန်တယော၊မင်းရဲ့ ဂျွန်နှဲချောလေးပေါ့
ခေါင်းစဉ်ဖတ်ရတာနဲ့တင်
မင်း တော်တော်ကြွေပြထားမယ်ဆိုတာ ရိပ်မိပါတယ်ကွာ
မှတ်စုဒိုင်ယာရီမှ ... ဆိုတာလည်းပါတယ်။အဲဒါဘာလဲကွ
ဆုကလည်းတောင်းလိုက်သေးတယ်။မင်းကတော့ဖွဲ့ပြီ
မင်းရဲ့ရင်တွင်းညှစ် ဖွဲ့တင်လေးတစ်ပုဒ်ပေါ့ကွာ
ဒီမှာ၊ ကိုလူပျိုဂျီးက တဟဲဟဲနဲ့ ရယ်နေပြီဟေ့ကောင်
သူကလည်းဇာတ်လမ်းတစ်ပုဒ်ကို ရင်ဝယ်ပိုက်လို့
ဖုန်းကဒ်အမြန်ပြေးဝယ်ရခြင်းနဲ့
“သတိရတယ်” ဆိုတဲ့စကားကိုလွမ်းလွမ်းနဲ့ကျယ်ကျယ်ပြောနေတော့တာ
”ပွင့်အံဖွင့်ထုတ်ခြင်း” လို့တံဆိပ်ကပ်ရင်ရလောက်တယ်
သူ့အခြေအနေက ဆောက်လုပ်ဆဲ အဆောက်အဦ တစ်ခုလိုပေါ့ကွာ
တနည်းအားဖြင့် စက်စမ်းယဉ်အနေအထားပေါ့ကွာ
အပျော်ဓါတ်လေးဖြူးလို့ အတင်းတုပ်ရတာလည်း
ဘဝမှာ လိုအပ်တယ်ကွ။ဘဝမှာ ပျော်စရာအတင်းတုပ်ခြင်းလိုအပ်တယ်ဟေ့ရောင်
မသေချာတဲ့တေဇာကိုလည်း မင်းလှမ်းချိတ်ကြည့်လိုက်ပါလား
အတန်းဖျက်လို့ သေချာတဲ့တေဇာ ဖြစ်ချင်ဖြစ်လာမှာ
ပြောစရာတွေရှိနေတော့ စကားကြောကတော့ရှိနေမှာ အသေအချာပဲ
ဒုက္ခအဖြာဖြာနဲ့ လူ့ဘဝအရသာနေ့တွေမှာ
ဒါဟာ ငါတို့ရဲ့ပျော်စရာကောင်းတဲ့ ပြဿနာပေါ့ကွာ
ဘီယာဆိုတာ အအေးဓါတ်လေးရစ်ဖွဲ့နေတုန်း သောက်ရတာဟ
မင်းလည်းသိသားနဲ့၊ဒီမယ်ကိုရင်အောင်ပိုင်စိုး
မြန်မြန်သာလစ်ခဲ့ပေတော့။

အောင်နှင်းသစ်
၆.၆.၂၀၁၁

ငါနဲ့လွဲပေမယ့် ကျန်တာတွေအကောင်းအတိုင်းပဲရှိနေပါစေ

2011-07-26T09:55:00.000-07:00

ဘာသာစကားခေတ် ဘုန်းမီးနေလတောက်ပတဲ့ အခါသမယ

(ကိုရီးယား၊ ဂျပန်၊ တရုတ်၊ မလေးရှား၊ အင်္ဂလိပ်၊ ပြင်သစ် အစရှိတာတွေမပါဝင်)

ဘာသာစကားကဗျာ၊ ပို့စ်မော်ဒန်၊ ပို့စ် ပို့စ်မော်ဒန်၊ ဗန်းစကားကဗျာ

ဒေါ့ကူမန်ထရီကဗျာ၊ ပါဖောမန့်ကဗျာ၊ ပေါ့အက်အနုပညာတွေထွန်းကားတဲ့ကာလ

ဘုရားသခင်နူတ်တိုက်ချပေးတဲ့ ကဗျာသရုပ်တူရန် ဘန်ကောက်စံတော်ချိန်ကဗျာ

ဆူရီယလ်လစ်ဇင်မ်၊ ရှေးရိုးစွဲ မော်ဒန်၊ ကဗျာသေပြီ အစရှိသဖြင့်

ဘာတွေမှန်းမသိပါဘူးလို့ ပြောလိုက်မိရင် ဘေးရောက်သွားတော့မှာ

အပြောင်းအလဲအကြီးအကျယ်ကာလလို့သာဆိုနေ ကဗျာတွေကနေမြဲအတိုင်း

အခေါ်အဝေါ်တွေလည်း စစ်တုရင်ရွေ့ကွက်တွေအတိုင်း အဖြူ မဟုတ် အမည်း

အလုပ်အကိုင်အဆင်မပြေ ကဗျာလည်းမရေးတော့ဘူးဆိုတဲ့ ကောလဟာလ

ငြိမ်းချမ်းရေးကို အလေးထားသင့်ကြောင်း သီတဂူဆရာတော် မိန့်ကြား

ဟောင်းလောင်းပွင့်နေတဲ့ အရေးအသားအဟောင်း အခန်းတံခါးကိုလော့ခ်ချထားတယ်

ကဗျာဆိုတာပြုလုပ်ခြင်းဇေယျာလင်း၊ နှစ်ကာလများစာပေနှင့် မိုးဝေး

ကဗျာ၊ အရေးအသားများ၊ ရုပ်ရှင်ဝေဖန်ရေးနှင့် ဘလော့ဂါတောကျောင်းဆရာ

မြိတ်ပီတာစဘတ်မြို့သား၊ ခြူးခြူးကိုချစ်ဖို့အရေးကဗျာနှင့် မောင်ယုပိုင်

ဖလပ်ခ်ကဗျာမိတ်ဆက်၊ သိုးထိန်း(အန္တိမ)၊ မောင်ဖုန်းမြင့်၊ ကြက်သွန် စသဖြင့်

အချိန်နှင့်တပြေးညီ ချိန်သားကိုက်အမီလိုက် ဖော်ပြတင်ဆက်မှုတွေကိုလည်း

မလစ်ဟင်းရအောင် ကျင့်ကြံအားထုတ်၊ ဖတ်ရှု့လေ့လာ အတုယူနေရသေးသည်

ငါနဲ့မတူ ငါ့ရန်သူ အယူဝါဒရေးရာပိုင်းနှင့် အခြားကဗျာရေးသူများအတွက်

အရေးအသားချည်းသက်သက်၊ အေဖိုးစက္ကူသပ်သပ်၊ သရုပ်ဖော်ပုံသက်သက်

ဘာသာစကားပျံ့နှံ့စေပြီး မှတ်မိလွယ်ကူစေရန် အလွတ်ကျက်မှတ်သင်ယူပြီးပါက

အိပ်မက်ရိပ်စာပေ၊ အောင်ဇေယျလမ်း၊ လွတ်လပ်ရေးရပ်ကွက်၊ မြေညီထပ်သို့ပေးပို့ပေးပါရန်။

အောင်ပိုင်စိုး

၁၊ဂျူလိုင်၊၂၀၁၁

ဂျူလိုင်

2011-07-23T03:46:00.001-07:00

အမေ့လျော့ခံ မိုးသားတိမ်တိုက်တွေအရည်ပျော်ကျခဲ့ရတဲ့ မာတိကာများ
နံရံမှာချိတ်တွယ်ခံထားရတဲ့ အချိန်ကာလရဲ့လက်တံတွေရွေ့လျားနေကြ
လက်လျော့လိုက်ရတဲ့မျက်ဝန်းစိုလဲ့လေးကိုလည်း အမှတ်တရ
လက်ကြားထဲညှပ်ထားရတဲ့ စီးကရက်က လောင်ကျွမ်းပြာကျ
အဝေးရောက် တယောကလေးဆီက သင်္ကေတနားလည်မှုပေးသောချစ်ခြင်း
မျက်မှန်ကို စာကြည့်စားပွဲပေါ်ကစာအုပ်တွေပေါ်မှာ တင်ထားလိုက်တဲ့ အတ္တ
ကြည်လင်တောက်ပသော ငယ်ဘဝရဲ့ယူနီဖောင်းလေးကိုလည်း ပြန်တမ်းတ
မှတ်မှတ်ရရမိုးရေစက်တွေ ဘဝနောက်ကို ပြေးလိုက်နေကြတယ်
လီယိုရာသီဖွား အမှားများများနဲ့ဇာတိမွေးရပ်နဲ့ဝေးကွာနေသောကောင်လေး
လူ့ဘဝကို စတင်ရောက်ရှိခြင်း(၂၈)နှစ်တင်းတင်းပြည့်တဲ့လပေါ့
ကိုယ့်ကိုသတိရလို့ ဆိုသော အများသုံးပီစီအိုဖုန်းထဲက စကားသံတစ်ပိုင်းတစ်စ
အဆောင်ဆောင်အခန်းခန်းရွေ့လျားနေပျော်သော ၂၀၀၉-၂၀၁၀
အိမ်အမှတ်(၃၈/၄)ဆိပ်ကမ်းသာလမ်းက အမေ့အိမ်ကိုလွမ်းနေတယ်
အပင်နှစ်ဆယ်၊ဒဏ်ရာရအခန်းလေးဆီ ပြန်မရောက်ဖြစ်တော့ဘူး
မိုးတွေရွာနေချိန်ခဏ ငယ်ဘဝဟာ ရေးလက်စပန်းချီကားထဲဝင်ရောက်သွား
ချစ်သူရယ်သံတိုးဖွဖွက နားစည်နံရံမှာ ပဲ့တင်ထပ်လို့
ထွက်သွားစမ်းကွာ၊ရန်ကုန်-လပွတ္တာခက်ခဲကြမ်းတမ်းဝေးကွာလွန်းနေရ
သဘာဝပတ်ဝန်းကျင်ထိန်းသိမ်းရေးအခြေခံစိတ် ကြွပ်ကြွပ်အိတ်မသုံးစွဲရ
တမြန်နေ့က ပန်းကန်ပြားပျံတစ်စီးကောင်းကင်ထဲပျံဝဲနေသည်
လန်ဒန်ရွေမြို့တော်ကြီးမှသည် လာ့စ်ဗီးဂတ်သို့ အပြောင်းအလဲကာလ
ဆေးလိပ်မသောက်ရ၊ဘာဆိုဘာမျှမလုပ်ရန် အထူးတားမြစ်ထားသည်
သတိ၊မေတ္တာတရားကြီးများကျယ်ပြန့်သူများသာ ဝင်ရောက်ရန်
ဘာသာစကားအခြေပြုဝါဒီများလက်ရေးလှရေးကျင့်ရန်
ကဗျာပြည်သူများ ရသင့်ရထိုက်သော အခွင့်အရေးများကိုတောင်းဆိုပါ
မသေထမင်း၊မသေဟင်းများနှင့် ထမင်းစားပြီးက ပန်းကန်ဆေးရန်
အောင်ပန်း၊ကလော၊ပျဉ်းမနား ခရီးစဉ် ဘာဘွန်းသောက်ပြီးပြန်ခဲ့တယ်
ငါ့ဖက်ကမှားတာပါ၊ငါ့ဖက်ကမှားတာပါ အားလုံးကအမှန်တွေပါပဲ
သူရနီပူးတွဲဇော်လူစိမ်း ကဗျာစာအုပ်အမည် အမှုတွဲကဗျာ
မိုးတဖွဲဖွဲရွာသွန်းနေခိုက် ထီးဆောင်းပြီးကန်လမ်းထဲဖြတ်သန်းမိသည်
သစ္စာတရားမဲ့လို့ ဝါးဘလောက်သောက်မြစ်ကြီး တိမ်ကောခဲ့ရသည်
အစိမ်းရောင်ကန်စွန်းခင်းထဲနေရောင်ခြည် ညိနေသော အောင်ဟိတ်ချောင်း
တစ်ရာထဲကနေ တစ်ကိုနူတ်တော့ သုညသာကျန်ရစ်လေတယ်
ဆိုက်ဘာလောက၊ဖိုက်ဘာအော့ပ်တစ်ကြိုးများနှင့် အင်တာနက်ဆိုင်များ
နင့်ကိုမြင်ရင် နင် နင် နေတယ်ကဗျာစာသားများနှင့် ကိုလှိုင်းထက်
အထက်အောက်ဖိစီးမှုများ၊အရင်းကျမ်း၊မက်(စ်)ဝါဒနှင့် အနီရောင်
ကောင်းကင်တစ်ခုလုံးပြိုလဲတဲ့နေ့ပေါ့၊ ယမ်းနံ့တွေ မွှန်ထူသွားသည်
မင်းမရှိရင် အသက်မရှင်ချင်ဘူးအချစ်ရယ် မနေ့က ငါသေဆုံးသွားတယ်
ရန်ကုန်တက္ကသိုလ်နောက်ခံကားချပ်များနှင့် ကျောင်းဖွင့်ချိန်ကဗျာ
မထူးမမြန်ဘတ်(စ်)ကားများခေတ်စားလာသော မြို့တော်ရန်ကုန်
ဆိုက်ရောက်ထွက်ခွာ လက်ထဲကနာရီကိုကြည့်တော့ ညဟာလင်းနေတယ်
ပုံနှိပ်ထုတ်ဝေခြင်းမပြုရသေးသော ရာသီဥတုအား ကျေးဇူးတင်လျက်
အထက်ပါအကြောင်းအရာစာသားများနှင့် ဘယ်လိုမှ မသက်ဆိုင်သော ဂျူလိုင်
နှစ်ဆယ့်လေးရက်၊တစ်ထောင်ကိုးရာရှစ်ဆယ့်သုံးခုနှစ်၊အောက်မြန်မာပြည်။

အောင်ပိုင်စိုး
၂၀၊မေလ၊၂၀၁၁

အခြေအနေအရ အပြောင်းအလဲရှိနိုင်ပါကြောင်း

2011-06-19T05:11:00.001-07:00

အမှုန်လေးတစ်မှုန်၊အစက်လေးတစ်စက်၊အစွန်းအထင်းတစ်ခုခုကပ်ညိနေသည်
လမ်းချင်းတူရင်လူချင်းတွေ့မှာပါဆိုတော့ လူချင်းမတွေ့ရင်လမ်းချင်းမတူတော့ဘူးပေါ့
ကွန်ကရစ်လားရာလမ်းဖြစ်တယ်ဆိုလား ပဲ့ကြွေကျနေတယ် စပ်ဆက်လို့လည်းမရ
သံသယဝင်စရာ ပညာသင်ဆုရလို့ နိုင်ငံရပ်ခြားမှာကျောင်းဆက်တက်ဖြစ်သည်
မှတ်မိဦးမှာပေါ့ ဖယ်ထုတ်လိုက်တယ်၊ပယ်ဖျက်လိုက်တယ်၊ဖျက်ဆီးပစ်လိုက်တယ်
မန်ချက်စတာယူနိုက်တက်Vsလီဗာပူး အရူးတွေအလွန်အကြူးအောင်ပွဲခံနေကြပြီ
နေမြဲအတိုင်းလတ်ဆတ်မှုသည် စားသောက်ကုန်များဆီကနေ စွန့်ခွာထွက်သွားကြသည်
အစိမ်းလား အနီလားမကွဲပြားပေမယ့် ပွင့်သောပန်းတိုင်းသည် မွှေးပျံ့ပါလိမ့်မည်
ခင်ဗျားရေးနေတဲ့ဆောင်းပါးထဲ အယူအဆရေးရာ အချိုကဲအောင် သကြားနည်းနည်းရောသင့်သည်
ပရင့်ဆိုတာ စက်မှုတော်လှန်ရေးကာလရဲ့ ရှေးဟောင်းလက်ရာဆိုတော့ လစ်တော့
http://www.blogspot.comလမ်းကြောင်းအတိုင်းကဗျာဆရာများဝင်လာခဲ့ကြသည်
ခေတ်ပြိုင်ကဗျာရှိမနေသင့်တာကြာပြီဆိုပေမယ့် အပေါ်ယံသဘောတော့ရှိနေသေးသည်
လွန်ခဲ့တာလား၊လွန်မြောက်သွားတာလားသတ်မှတ်ချိန်ထက်စောရောက်နေတာရင်ခုန်စရာကောင်းပါသည်
မြုသိပ်နေတဲ့ကြားကနေ လက်တုန့်ပြန်လိုစိတ်ဟာနှလုံးသားကနေယိုစီးစိမ့်ကျလာသည်
အောင်မြင်ခဲ့ဖူး၊ကျော်ကြားခဲ့ဖူး၊တောက်ပဖူးသော ကြယ်လေးတစ်လုံးလည်းဖြစ်ခဲ့ဖူးပြီ
ရှုံးနိမ့်ခဲ့ဖူး၊သိမ်ငယ်ခဲ့ဖူး၊နိမ့်ကျခဲ့ဖူးသော လကွယ်ညများကိုလည်း ဖြတ်ခဲ့ဖူးပါပြီ
ဒီမှာတော့ နှင်းတွေကျနေသလို မျက်ရည်တွေကြောင့်
ပါတ်ဝန်းကျင်ကိုပြတ်ပြတ်ထင်ထင်မမြင်ရဖူး
မေတ္တာမထားလိုပေမယ့်မြဲမြံသော ကျေးဇူးတရားများကို
အောက်မေ့သတိရရှိနေခြင်းများနှင့်အတူ
အခြေအနေအရ အပြောင်းအလဲရှိနိုင်ပါကြောင်း။

အောင်ပိုင်စိုး
၁၉၊မေလ၊၂၀၁၁

နွေ

2011-05-29T07:00:00.001-07:00

အေးမြခြင်းဟာ လိုအပ်နေသောအရောင်။

ဆင်ဒရဲလား ၂ယောက်

2011-04-14T00:08:00.001-07:00

(၁)

ရေးမည့်သာ ရေးလိုက်ရသည်။ သမိုင်းနောက်ခံအား ခတ်နက်နက် တူးကြည့်လိုက်လျှင် ဆင်ဒရဲလားက ၂ယောက်ထက်ပင် ပိုနေသေး သည်ကို တွေ့မြင် ကြရပေလိမ့်မည်။

အမှန်မှာ ခရစ်တော် မပေါ်မီ နှစ်တစ်ရာလောက်ကတည်းက ဤဇာတ်လမ်း ကျောရိုးက ဖြစ်တည်နှင့်ပြီးသား။ ရှေးအီဂျစ်နိုင်ငံက ဂရိ ကိုလိုနီဒေသ နောခရေးထီးစ်(Naucratis) ဒေသမှာ မြစ်ဖျားခံခဲ့သော ပုံပြင်။ မူရင်း ဇာတ်ကောင်က ဂရိအီဂျစ် ကပြားမလေး ရိုဒိုဖီးစ် (Rhodopis)။ နှင်းဆီသွေးရောင် ပါးပြင်မို့မို့ဖြင့် မိန်းကလေး။ ထိုပင်မ ပုံပြင်မှ ကိုင်းပွား ဖြာထွက်သွားကြသော မူကွဲ ဇာတ်လမ်းများစွာ မှာ လူ့အဖွဲ့အစည်း အသီးသီးသို့ စိမ့်ဝင် ပျံ့နှံ့သွားလေတော့၏။

စိတ်ထားပုပ်လှသော မိထွေးနှင့် ဖခင် ဒုတိယ အိမ်ထောင်မှ ပါလာသည့် သမီးများ။ သရုပ်လွန် မှော်အတတ်။ ကျွတ်ကျကျန်ခဲ့သည့် ဖိ နပ်တစ်ဖက်။ ဖိနပ်ပိုင်ရှင် ရှာတော်ပုံ။ ၁၆၃၄ခုနှစ်က ပေါ်ပေါက်ခဲ့သော အီတလီ မူကွဲပုံပြင်။ Cenerentola အမည်ရှိ မိန်းမပျို။ နာမည် ကျော် ဂျာမာန်ညီနောင် ဖြစ် ကြသော Jacob and Welhelm Grimm တို့ ရေးသားစီရင်သည့် "ဂရင်းမ် ပုံပြင်များ" စာအုပ်တွင်လည်း "Aschenputtel" အမည်ဖြင့် ဆင်ဒရဲလား နောက်ထပ် မူကွဲ ပုံပြင်တစ်ပုဒ်ကို ရှာဖွေ ဖတ်ရှုနိုင်ကြပါသည်။

ဤမူပွား ပုံပြင် ဇာတ်လမ်းများအား ဥရောပ စာပေ ဘဏ္ဍာတိုက်ထဲမှာမှ တွေ့ရှိ ဖတ်ရှုခွင့်ရသည်တော့ မဟုတ်လှပါ။ ခရစ် သက္ကရာဇ် ၈၆၀ အချိန်လောက်ကတည်းက ကျွန်တော်တို့ 'ချစ်ကြည်ကြရသော' ဆွေမျိုးပေါက်ဖော် နိုင်ငံကြီးမှာ ယဲ့ရှင်း (Ye Xian) ဇာတ်လမ်းက ရှိနေနှင့်ပြီးသား။ တရုတ် ဆင်ဒရဲလား ပုံပြင်။ ကမ္ဘာ့ စာပေသမိုင်းမှာ ထုနှင့်ထည်ဖြင့် တည်တည်ခန့်ခန့် ပေါ်ထွန်းခဲ့သည့် "အာရေဗျ ည များ" ခေါ် "တစ်ထောင့်တစ်ည ပုံပြင်များ" တွင်လည်း ဤကဲ့သို့သော မျိုးတူ ပုံပြင် သုံးပုဒ်မျှ ဖတ်ရှုခွင့် ရရှိခဲ့ဖူးသည်။

သို့ရာတွင် တစ်ကမ္ဘာလုံး ပျံ့ပျံ့နှံ့နှံ့ နှစ်ခြိုက် စွဲလမ်းလျှက်ရှိသည့် ဆင်ဒရဲလား ပုံပြင်ကိုတော့ Charles Perrault (ချားလ်စ် ဖာရိုးထ်) ဆိုသူ ၁၆၉၇ခုနှစ်က ရေးသားခဲ့သည့် လက်ရာမွန် အနုပညာအဖြစ် မှတ်သားခဲ့ရ၏။ မိထွေးနှင့် ဖခင်၏ မယားပါ သမီးနှစ်ယောက်တို့ စေ ခိုင်းသမျှ ဇယ်ဆက်သလို မနေမနား လုပ်ပေးရရှာသော မိန်းကလေးတစ်ဦး။ ပါးပါးရှားရှား နားချိန် အနည်းငယ်တိုင်းမှာ မီးသွေးတုံးများ (cinders) ပေါ်၌ အမောဖြေ နားလေ့ရှိသဖြင့် သူ့အား"Cinderella"ဟု အမည်နာမ ပညတ်ခံခဲ့ရသူ။ ထိုအမည်ကို ကျွန်တော်က "မမည်း တူ" မြန်မာပြန်ဆိုကြည့်လိုက်လျှင် သဘောမတူ ကန့်ကွက်သူ များကြလိမ့်မည် ထင်ပါသည်။ အနှိမ်ခံ အပယ်ခံ မမည်းတူ ဘ၀မှ ဘုရင့် သား ကြင်ယာတော် အဖြစ်သို့ တွန်းပို့ပေးလိုက်သော ကံကုသိုလ်ထူး။ သူကတော့ ဖာရိုးထ် မူ ပုံပြင်ထဲက ဆင်ဒရဲလား တစ်ယောက်ပါ။

(၂)

ဆင်ဒရဲလား နောက်တစ်ယောက်ကတော့ အင်္ဂလိပ် ကဗျာဆရာ Ted Hughes [တဒ်ဟျူးစ်(၁၉၃၀_၉၈)]၏ “ချစ်လှစွာသော” ဇနီး သည် Sylvia Plath [ဆစ်လ်ဗိယ ပလာ့သ်(၁၉၃၂_၆၃)] ဖြစ်သည်။ ဤဆင်ဒရဲလားမှာ ပထမ ဆင်ဒရဲလားလောက် ကံကုသိုလ် မထူးချွန် လှပါ။

ဘုရင့်သားတော် ဖိတ်ကြားသည့် နန်းတော် ကပွဲခန်းမဆောင်မှာ ညသန်ခေါင်ယံ ၁၂နာရီထိုးသံကို စိုးတစ်ထိတ်ထိတ်၊ မပျော် တစ် ၀က် ပျော်တစ်ဝက်စိတ်ဖြင့် ခြောက်ခြောက်ခြားခြား ခံစား အားငယ်ရရှာသည့် မိန်းမပျိုတစ်ဦး။ မိခင်ဟောင်း နတ်မိမယ်၏ တံခိုး ဣဒ္ဓိ ပါတ်ကြောင့်သာ ရွှေမင်းသားလေးနှင့် ယှဉ်တွဲ ကခုန်ခွင့်ရသည့် မိန်းမငယ် ခံစား နာကျင်ရသော အငုံ့စိတ်နှင့် စိတ်ကျရောဂါ ဝေဒနာ တို့အား ဖွဲ့နွဲ့စပ်ဆိုထားရာ ရိုမန်တစ်ဆန်ဆန် အချစ် ကဗျာတစ်ပုဒ်။

Cinderella

The prince leans to the girl in scarlet heels,
Her green eyes slant, hair flaring in a fan
Of silver as the rondo slows; now reels
Begin on tilted violins to span

The whole revolving tall glass palace hall
Where guests slide gliding into light like wine;
Rose candles flicker on the lilac wall
Reflecting in a million flagons' shine,

And glided couples all in whirling trance
Follow holiday revel begun long since,
Until near twelve the strange girl all at once
Guilt-stricken halts, pales, clings to the prince

As amid the hectic music and cocktail talk
She hears the caustic ticking of the clock.

Sylvia Plath

_From Collected Poem (Amazon 1981)

(၃)

ဆစ်လ်ဗိယ ပလာ့သ် ရေးဖွဲ့သော Cinderella ကဗျာသည် Sonnet ပုံသဏ္ဍာန် သီကုံး စပ်ဆိုမှု။ confessional poem ခေါ် ကိုယ့် ဇာတ် ကြောင်း ကိုယ်ပြန်လည် ရေးဖွဲ့သော ကဗျာ အမျိုးအစား။ ကဗျာကို လေးကြောင်း သုံးပါဒနှင့် နှစ်ကြောင်း တစ်ပါဒတို့ဖြင့် ဖွဲ့စည်းထား သည်ကို တွေ့မြင်နိုင်ပါသည်။ ကာရန်စံနစ်ကတော့ abab cdcd efef gg။

ကဗျာ အကြောင်းအရာကလည်း ဘာမျှ အဆန်းတကြယ် မဟုတ်လှပါ။ စာဖတ်တတ်သူ အားလုံးနီးပါးနှင့် ရင်းနှီး ကျွမ်းဝင်ပြီးသား နတ် သမီး ပုံပြင်။ ပလာ့သ်က ထိုပုံပြင်ထဲမှ ဇာတ်ကွက်တစ်ကွက်ကို ကောက်နှုတ် ရေးဖွဲ့ထားသည်သာ။ အတိအကျဆိုရလျှင် ကပွဲ ခန်းမ ဆောင်ထဲက ညသန်ခေါင်ယံ ၁၂နာရီ ထိုးလုလု အချိန်။

ကဗျာအား လွယ်လွယ်ကူကူပင် နှစ်ပိုင်း ခွဲခြမ်း ကြည့်ရှုနိုင်၏။ ကြက်သွေးရောင် ဖိနပ် ၀တ်ဆင်ထားသော မိန်းမပျိုနှင့် တွဲဖက် ကခုန် လျှက်ရှိသော မင်းပျိုမင်းလွင်တစ်ဦး။ ဂီတ သံစုံတီးဝိုင်း။ ကပွဲ မှန်နန်းဆောင်။ ကပွဲလာ မင်းပရိသတ် ဧည့်သည်တော်များ။ လိုင်းလက် ပန်း နံရံပေါ်မှာ လင်းလိုက် မှိန်လိုက် မီးရောင် လင်းသွန်ပေးလျှက်ရှိသည့် နှင်းဆီရောင် မီးတိုင်များ။ ၀ိုင်ပုလင်းကြီးများမှ ဖျတ်ဖျတ်လက် လက် ရောင်ပြန်ဟပ်နေသော ပြန်လင်းတန်းများ။ ပထမပါဒနှင့် ဒုတိယပါဒများထဲက လှပသော နောက်ခံ အခင်းအကျင်းနှင့် ရိုမန်းတစ် ဆန်လှသော ပတ်ဝန်းကျင် အခြေအနေ သရုပ်ဖော် ရေးသားစီကုံးမှု။

တတိယပါဒနှင့် စတုတ္ထပါဒများတွင် မိန်းမငယ်၏ ဂနာမငြိမ်သည့် စိတ္တဗေဒအား ရေးဖွဲ့ထားသည်ကို ဖတ်ရှုရပါသည်။ ၁၂နာရီ ထိုးခါနီး လာလေလေ ထိုမိန်းမပျို ပို၍ ပို၍ သွေးပျက်လာလေလေ။ စိတ်ညှို့ခံထားရသကဲ့သို့ ညင်ညင်သာသာ ရွေ့လျှား ကကွက်ဖော် နေကြ သည့် စုံတွဲများ၏ ပေါ့ပါး သွက်လက် ပျော်ရွှင်ခံစားမှု။ ၁၂နာရီ ထိုးပေတော့မည်။ အပြစ်မကင်းသည့် စိတ်အခြေအနေဖြင့် ကခုန်နေရာမှ ရုတ်တရက် ရပ်တံ့။ ဖြူဖတ်ဖြူလျှော် မျက်နှာ။ မင်းသားလေး ပျောက်ကွယ်သွားတော့မည်ကို စိုးတစ်ထိတ်ထိတ်ဖြင့် တွဲမှီ တိုးကပ်ထားမိ။ ဆူဆူညံညံ ဂီတသံနှင့် ကောက်တေးလ် စကားဝိုင်းက ပွင့်ထွက်လာသော စကားသံများအကြားမှာ ထိုမိန်းမငယ် ကြားနေရသည် မှာကတော့ သူ့ပျော်ရွှင် သာယာမှုအား ဆုံးခန်းတိုင်စေမည့် နာရီ တစ်ချက်ချက် မြည်သံ။ ပေါက်ကွဲလုလု အချိန်ကိုက် ဗုံးတစ်လုံးကဲ့သို့။

အဆိုပါ “ဆင်ဒရဲလား” ကဗျာကို အောက်ပါအတိုင်း အကြမ်းဖျင်း ဘာသာပြန်ဆိုကြည့်နိုင်ပါသည်။

မင်းသားလေးက ကြက်သွေး ဖိနပ်စီးသူ မိန်းမငယ်ကို မှီလို့

သူ့မျက်လုံးက စွေစောင်းစောင်း၊ ငွေယပ်ကြောင့် ဆံပင်တွေ တစ်ဖွားဖွား

တေးသွားက နှေးသွား၊ အခုတော့ ထပ်ကျော့

မှေးထောက်ထားတဲ့ တယောတွေ တေးကွက်ပြောင်းဖို့ အားယူကြ

ဆုံလည် ဖန်နန်းဆောင် တစ်ခွင်လုံး

ပရိသတ်တွေ ၀ိုင်လို အလင်းထဲ မသိမသာ လျှောဝင်နေကြ၊

နှင်းဆီ အလင်းတိုင်တွေ လိုင်းလက်ပန်း နံရံပေါ်မှာ မှိတ်တုတ် မှိတ်တုတ်နဲ့

ဝိုင်ပုလင်း တစ်သန်း ပြန်လင်းရောင် တစ်ဖျတ်ဖျတ်

လျှောရွေ့နေတဲ့ စုံတွဲတွေ ပတ်ချာလည် မိန်းမောလို့

အထနှေးတဲ့ အပျော်ကြူးပွဲမှာ အရှိန်ရကြ

ဆယ့်နှစ်နာရီ ထိုးလုလုအထိ တစိမ်း မိန်းမငယ် ချက်ချင်းပဲ

မလုံမလဲစိတ်နဲ့ ရပ်တံ့၊ ဖြူဖတ်ဖြူလျှော်၊ မင်းသားလေးကို တွယ်ကပ်မိ

မရပ်မနား ဂီတနဲ့ ကောက်တေးလ် စကားဝိုင်းထဲမှာ

သရော်တော်တော် နာရီ ချက်ချက်သံ သူကြားနေပေါ့။

(၄)

ဆစ်လ်ဗိယ ပလက်သ် ဖူးလ်ဘရိုက်ထ် ပညာသင်ဆုဖြင့် ကိန်းဘရစ်ဂ်ျ တက္ကသိုလ်၊ ညူးနမ် ကောလိပ် (Newnham college) သို့ ရောက်ရှိလာချိန်မှာ တဒ်ဟျူးစ် တစ်ယောက် ကျောင်းပြင်ပ ရောက်ရှိသွားနှင့်လေပြီ။ သို့သော် ဆွဲငင်အား ကြီးမားလှသော တက္ကသိုလ် ပရ၀ုဏ်သို့မူ အကြောင်းကိစ္စ တစ်မျိုးပြီး တစ်မျိုးဖြင့် တစ်ဝဲလည်လည် ခဏခဏ အလည် ရောက်ရှိနေမြဲ။ တက္ကသိုလ် ကျောင်းတက်နေ ဆဲ သူငယ်ချင်းတစ်ယောက်၏ ကဗျာမဂ္ဂဇင်းမှာ ပင်တိုင် ကဗျာရေးသူ။ ပလာ့သ်သည် ထိုမဂ္ဂဇင်းထဲက ဟျူးစ်၏ ကဗျာများအား ဖတ်ရှုစွဲ လမ်းကာ လူကိုယ်တိုင် တွေ့ဆုံလိုစိတ် ပြင်းထန်နေချိန်။

ကဗျာမဂ္ဂဇင်း ထုတ်ဝေသည့် အထိမ်းအမှတ် အခန်းအနားသို့ ပလာ့သ် ဆိုက်ဆိုက်မြိုက်မြိုက် တက်ရောက်လာပြီး သူတို့နှစ်ယောက် ရင်းနှီး ခင်မင်သွားကြ၏။ ၁၉၆၁ခုနှစ်က ထုတ်လွှင့်ခဲ့သည့် ဘီဘီစီ လူတွေ့မေးမြန်းခန်း အစီအစဉ်တစ်ခု၌ သူတို့နှစ်ယောက် စတင် တွေ့ဆုံချိန်မှာ ၁၃ရက်၊ သောကြာနေ့ ဖြစ်သည်ဟု ပြန်ပြောင်း အမှတ်တရ ပြောပြခဲ့ဖူးသည်။ အနောက်တိုင်းသား အယူသည်းသူများအ တွက် မြန်မာလူမျိုးတို့ ခြောက်ခြား ကြောက်ရွံ့ကြသည့် ပြဿဒါးနေ့ရက်လိုမျိုး။ လအနည်းငယ်အကြာ ၁၉၅၆ခုနှစ်၊ ဇွန် ၁၆ရက်တွင် သူတို့နှစ်ယောက် လက်ထပ်ဖြစ်သွားကြ၏။ ၀ါသနာတူ၊ စရိုက်တူ ကဗျာဆရာ ဇနီးမောင်နှံ ဘ၀မှာ ပလာ့သ်တစ်ယောက် မိုးမမြင် လေမမြင် အပျော်ကြီး ပျော်ရွှင် ခံစားခဲ့ရသည်။ ဆစ်လ်ဗိယ ပလာ့သ်၏ ရွှေရောင် နှစ်ကာလများ။

၁၉၆၀ခုနှစ်၊ ဧပြီ ၁ရက်နေ့တွင် သမီးဦး ဖရီးဒ (Frieda) ကို မွေးဖွားခဲ့သည်။ အောက်တိုဘာလတွင် သူ့ ပထမဦးဆုံး ကဗျာပေါင်း ချုပ် 'The Colossus'ကို ထုတ်ဝေ ဖြန့်ချီခဲ့သည်။ ၁၉၆၁ခုနှစ်၊ သြဂုတ်လတွင် သူ့ကိုယ်ရေး အထုပ္ပတ္တိဆန်ဆန် ၀တ္ထုရှည် 'The Bell Jar'ကို ရေးသား ပြီးစီး လက်စသတ်ခဲ့၏။

၁၉၆၂ခုနှစ်၊ ဇန္န၀ါရီလမှာ သားငယ် နစ်ခလာ့စ် (Nicholas) အား မွေးဖွားပြီးခါစမှာပင် ပလာ့သ်သည် ဆင်ဒရဲလား ပုံပြင်ထဲက နာရီ ချက်ချက် မြည်သံကို စတင် သတိပြုမိလိုက်မိ၏။ သန်ခေါင်ယံ ဆယ့်နှစ်နာရီသို့ တစ်ဖြည်းဖြည်း တိုးရွေ့ ချဉ်းကပ်နေသည့် နာရီ တစ် ချက်ချက် မြည်သံ။ သာမာန် လူတစ်ဦးအဖို့ တိုးတိုးမြှင်မြှင် ထင်ကြရပေမယ့် ဆင်ဒရဲလားအတွက် ပေါက်ကွဲခါနီး အချိန်ကိုက်ဗုံးတစ် လုံးကဲ့သို့။ ယုံကြည် ကိုးစား ချစ်ခင် လေးစားရသော ခင်ပွန်းသည် ဟျူးစ်၏ အိမ်ထောင်ရေး ဖောက်ပြန်မှုအား စတင် သိရှိ ရိပ်မိချိန်။

ဇူလိုင်လ၌ ဟျူးစ်က အက်ရှား ၀ီဗေးလ် (Assia Wevill) ဆိုသူ အမျိုးသမီးတစ်ယောက်နှင့် “ခြေပုန်းခုတ်”နေသည်ကို ပက်ပင်းမြင် တွေ့လိုက်ရသောအခါ ပလာ့သ်သည် သူကိုယ်တိုင် ဆင်ဒရဲလားကဲ့သို့ တန်ခိုး ဣဒ္ဓိပါတ် ပျက်ပြယ်သွားပြီဟု သူ့ကိုယ်သူ သိရှိ ရိပ်မိ သွားလေပြီ။ စက်တင်ဘာလ၌ သူတို့ ဇနီးမောင်နှံ ကွာရှင်း ပြတ်စဲလိုက်ကြ၏။ ခင်ပွန်းသည်၏ သစ္စာပျက်ယွင်း ဖောက်ပြန်မှုအား တစ်နုံ့ နုံ့ ခံစားနေလျှက်ကပင် Ariel ကဗျာပေါင်းချုပ်အတွက် ခံစားချက် ထက်မြက် အားကောင်းလှသော ကဗျာပုဒ်ရေ ၂၆ ပုဒ်ခန့် ရေးသား သီ ကုံးနိုင်သေး၏။

ငယ်စဉ်ကတည်းက နာတာရှည် စွဲကပ်ခဲ့ရသော စိတ်ကျရောဂါမှာ ပို၍ပို၍ အခြေအနေ ဆိုးရွားလာသည်။ ဆရာဝန် တိုက်ကျွေးသော စိတ်ကျရောဂါပျောက်ဆေးများ အဆက်မပြတ် သောက်သုံးနေသော်လည်း ထူးခြား သက်သာ မလာပါ။ နောက်ဆုံး ၁၉၆၃ခုနှစ်၊ ဖေဖော် ၀ါရီလ ၁၀ရက်နေ့တွင် ပလာ့သ်တစ်ယောက် ဓာတ်ငွေ့သုံး မီးဖိုထဲသို့ ဦးခေါင်းကို ထိုးသွင်းကာ ကိုယ့်ကိုယ်ကိုယ် အဆုံးစီရင် သတ်သေ သွားလေတော့သည်။

သစ်စိုး

ဇန်န၀ါရီ ၂၅၊ ၂၀၁၁ခုနှစ်။

မြန်မာကဗျာ ရေစီးကြောင်းထဲ အားကောင်းမောင်းသန် စီးဝင်လာသော မြန်နှုန်းမြင့် ဘလော့ကဗျာများ

2011-04-07T21:36:00.001-07:00

အနုပညာဆိုတာသူများအပေါ်မှီခိုပြီးအလွယ်လမ်းလိုက်တဲ့ကိစ္စမဟုတ်ဘူး၊ကိုယ်ပိုင်၊ကိုယ့်အသွေးအသား
ညှစ်ထုတ်ဖန်တီးယူတဲ့ကိစ္စ၊ လမ်းရိုးလမ်းဟောင်းထဲမှာနေပြီး အလွယ်ကြိုက်တဲ့သူတွေက သမိုင်းထဲမှာနေတဲ့ လူတွေဖြစ်တယ်။ အသစ်ထွင်ချင်တဲ့သူတွေ၊ လမ်းသစ်ဖောက်ချင်တဲ့သူတွေက သမိုင်းထဲမှာ မနေတဲ့သူတွေလို့ ကျွန်တော် သဘောရပါတယ်။
ဆရာဇော်ဇော်အောင်

တိတ်ဆိတ်ခြင်းဟာ သီးခြားရပ်တည်နေသလား၊ ဘာသာစကားကိုအသုံးပြုပြီးကဗျာနဲ့အခြားသိမှုနယ်ပယ်တွေကို ချဲ့ထွင်လို့ရသလား။ အနုပညာကိုအသုံးချပြီး ကဗျာနယ်ပယ်ကို အသစ်ပြုပြင်တည်ဆောက်လို့ ရသလား။ ကဗျာဆိုတာ စာမျက်နှာတွေပေါ်မှာသာ နေရာရနိုင်သလား။ သတင်းနည်းပညာနဲ့ အိုင်တီပညာရပ် တွေက ကဗျာနဲ့ ကဗျာဆရာအကြား ပိုမိုဝေးကွာသွားစေနိုင်သလား။ သတင်းနည်းပညာနဲ့ အိုင်တီပညာရပ်တွေ သာ မရှိခဲ့ရင် ကဗျာဖန်တီးလို့ မရနိုင်တော့ဘူးလား။ စိတ်ထဲ လှုပ်ရှားနေမိသည်။ မေးခွန်းတွေက အဖြေတွေကို တိတိပပ သယ်ဆောင်လာနိုင်မည်ဟု ယုံကြည်နေမိပါသည်။ဆရာသစ္စာနီကတော့ အလင်္ကာဝတ်ရည်ဂျာနယ်မှာ စားပွဲ၊ ကုလားထိုင်နဲ့ ကဗျာရေးတဲ့ခေတ်ကုန်ပြီဟု ရေးခဲ့သည်။ လွမ်းမိပါသည်။ လွန်ခဲ့သောနှစ်ကာလများက ကဗျာကို စွဲလမ်းရင်ခုန်တပ်မက်ခဲ့သည်။ လစဉ်ထုတ် မဂ္ဂဇင်းများမှ ကဗျာများကို စောင့်ဖတ်ရင်း ကဗျာသည် အသွေးအသားထဲ စိမ့်ဝင်ပျံ့ နှံ့လာသည်။ ကဗျာကို ဗလာစာမျက်နှာများပေါ်တွင် ရေးသားပြီး ၀ါသနာတူရာ သူငယ်ချင်းများကဗျာစာအုပ်လေးများစုထုတ်ရင်းကဗျာပေါ်တိမ်းမူးခဲ့ကြသည်။နောက်ပိုင်းတော့မဂ္ဂဇင်းစာမျက်နှာများထက်တွင် ကဗျာများကို အစဉ်တစိုက် ရေးဖွဲ့ ခဲ့သည်။ အဲဒီနှစ်ပိုင်းတွေကတော့ လူသားတစ်ဦးနဲ့တစ်ဦး ချစ်ခြင်းမေတ္တာတွေ၊ လူသားချင်းစာနာမှုတွေ၊ သဘာဝပတ်ဝန်းကျင်ပြုပြင်ထိန်းသိမ်းလိုမှုတွေ၊ မတရားမှုကို တုံ့ပြန်ရဲသော တရားဓမ္ဓတွေ၊ ယဉ်ကျေးမှု အမွေအနှစ်တွေကို စာမျက်နှာများကိုအသုံးပြုပြီး ကဗျာအနေနဲ့ အလေးပေး ရေးဖွဲ့ ခဲ့သည်။ခေတ်ရဲ့ရေစီးကြောင်းသည် လျင်မြန်စွာဖြတ်သန်းစီးဆင်း၍ နေပေသည်။ နှစ်တစ်နှစ်နှင့် အခြား နှစ်တစ်နှစ်သည် များစွာကွာခြားသွားခဲ့သည်။ နည်းစနစ်၊ ၀ါဒ၊ အယူအဆရေးရာပေါင်း မြောက်များစွာနှင့်အတူ ကဗျာသည် ရင့်ကျက်၍လာပေသည်။ အရင်သိမှတ်နားလည်ခဲ့ကြတဲ့အနုပညာစံနှုန်းတွေ၊ တန်ဖိုးတွေ၊ ဂုဏ်ရည်တွေ၊ နည်းဥပဒေသတွေ၊ အကဲဖြတ်မှုတွေအားလုံးကို ကျောခိုင်းစွန့်ခွာ ထားခဲ့ရတော့မည်။ အမှန်တကယ် ပြောကြစတမ်းဆိုရင် ဖြတ်သန်းလွန်မြောက်သွားရမည့်လမ်းခရီးကား အမျိုးမျိုးအစားစား ရှိနေနိုင် ပါသည်။ပင်လယ်ပြင်ကြီးကိုဖြတ်သန်း၍ဖြစ်စေ၊တောင်တန်းကြီးတွေကိုကျော်လွန်ဖြတ်သန်း၍ဖြစ်စေ၊လေယာဉ်ပျံ
ကြီးကိုစီး၍ဖြစ်စေ ရည်ရွယ်သောခရီးပန်းတိုင်ဆီသို့ ဆိုက်ရောက်နိုင်ရေးသည်သာ အဓိက လိုအပ်ချက်ဖြစ်သည်။ ကဗျာဆိုတာ ခံစားမှုဥာဏ်မြင့်မားတဲ့သူတွေသာ ဖတ်ရှုခံစားနိုင်၊ ဖန်တီးရေးသားနိုင်တဲ့ အနုပညာတစ်ရပ်လို့ပဲ ကျွန်တော်က ထင်မြင်မိပါသည်။သတင်းနည်းပညာခေတ်ကြီးသည် ကမ္ဘာကြီး၏မြန်နှုန်းကို မြှင့်တင်နိုင်ခဲ့သည်။ မိုင်ပေါင်းရာချီဝေးကွာ သော ခရီးအကွာအဝေးများ၊ ဆက်သွယ်မှုများကို အလျင်အမြန် ချုံ့ပစ်နိုင်ခဲ့သည်။ ကမ္ဘာကြီးသည် အိုင်တီနည်း ပညာအစွမ်းကြောင့် ရွာကြီးတစ်ရွာအသွင် ဖြစ်ခဲ့သည်။ ကလစ်တစ်ချက်နှိပ်လိုက်ရုံ၊ အန်းတားတစ်ချက် ခေါက်လိုက်ရုံမျှနှင့်ပင် ကမ္ဘာတစ်ဖက်ခြားကို ဆက်သွယ်နိုင်သည်။ လိုအပ်နေသော အချက်အလက်၊ သတင်း၊ နည်းပညာ၊ ဗဟုသုတ အချက်အလက်များစွာကို အင်တာနက်စာမျက်နှာများပေါ်မှ ရှာဖွေလာနိုင်သည်။ နည်းပညာ၊ အတတ်ပညာ၊ အနုပညာတို့ ပေါင်းစည်းဆက်စပ်ခြင်းရလာဒ်အဖြစ် Web Blog စာမျက်နှာများမှ တစ်ဆင့် မြန်နှုန်းမြင့် ဘလော့ကဗျာ များကို ဖန်တီးနိုင်ခဲ့သည်။ ကဗျာဆိုင်ရာ အနုပညာဘလော့များသည် ၂၀၀၉ ခုနှစ်နောက်ပိုင်းတွင်မှ အများအပြား ပေါ်ထွက်လာခဲ့ ခြင်းဖြစ်သည်။

၎င်းတို့အထဲတွင် လမ်းအိုလေး ဘလော့၊ http://lanolay.wordpress.com သည် မြန်မာကဗျာဆရာအများစု၏ ကဗျာများ၊ ၀တ္ထုများ၊ အက်ဆေးများကို စုစည်းတင်ပြထားသည့် နာမည်ကြီးအနုပညာဘလော့ပင်ဖြစ်သည်။၁၉၉၈ ခုနှစ်တစ်ဝိုက်စတင်ခဲ့သော ဘလော့တစ်ခုလည်းဖြစ်ပြီး၊ကဗျာဆိုင်ရာအကိုးအကားများအဖြစ် ခေတ်ပေါ်ကဗျာအများစုကိုလေ့လာနိုင်ပါသည်။
အခြားသောဘလော့များကို အောက်ပါလိပ်စာပေးထားသည့်အတိုင်း ဖတ်ရှုနိုင်သည်။

တောကျောင်းဆရာဘလော့
http://www. openmindblog.info
On Blogger Since – About 2008

တင်မင်းထက် (ရွှေဝါပြည်) ဘလော့
http://tinminhtet.blogspot.com
On Blogger Since – June 2009

Burmese Poetry Foundation Blog.
http://www.burmesepoetryfoundation.org
On Blogger Since – About 2009
EqualSignPoetryEtics Z E Y A R L Y N N -ဇေယျာလင်းဘလော့
http://www.equalsignpoetryetics.com
On Blogger Since – About 2010

ကောင်းကင်ဘလော့
http://www.kaungkin.com
On Blogger Since –

မောင်ယုပိုင် -ကဗျာနှင့်အရေးအသားများ
http://www.mgyupie.co.cc
On Blogger Since – About March 2010

ညိမ်းညိုဘလော့
http://nyeinnyo.blogspot.com
On Blogger Since – October 2007

အောင်ရင်ငြိမ်း - အပျင်းပြေစကားလုံးများနှင့်ဆော့ကစားခြင်း ဘလော့
http://www.aungyinnyein.co.cc
On Blogger Since – July 2010

သစ်ကောင်းအိမ်ဘလော့
http://thitkaungeain.blogspot.com
On Blogger Since – About 2006

မိုးလှိုင်ည (နှစ်ချို့ ကော်ဖီတစ်ခွက်နဲ့ ငါ့မြို့ ပျက်ညတွေ) ဘလော့
http://www.moehlaingnya.net
On Blogger Since – About 2007

ဘုန်းနေသွန်း - အမှတ်တမဲ့… နှင်း … ဘလော့
http://maungphone.wordpress.com
On Blogger Since – March 2009

အိန္ဒြာဘလော့
http://eaindrar.blogspot.com
On Blogger Since – October 2008

မနော်ဟရီဘလော့
http://manorhary.blogspot.com
On Blogger Since –
Plus Equal Minus - experimentally everything
http://www.pemskool.org
On Blogger Since –September 2009

အောင်ပိုင်စိုး၊ သူရနီ (အဓိပ္ပါယ်ဖော်ပြရန်ခက်ခဲသော ကဗျာ) ဘလော့
http://aungpaingsoemyint.blogspot.com
On Blogger Since – October 2009
အထက်ဖော်ပြပါ ဘလော့အများစုမှာ မြန်မာကဗျာဆရာ/မ များ ဖန်တီးပြုလုပ်ထားသော ဘလော့များ ဖြစ်ပါသည်။ဖော်ပြရန်ကျန်ရှိသေးသည့်အခြားဘလော့များလည်းအများအပြားကျန်ရှိနေပါသည်။တစ်ချို့ကိုဖော်ပြနိုင်ခြင်းမရှိသည်မှာ ကျွန်တော်၏လိုအပ်ချက်သာဖြစ်ပါသည်။ထင်သာမြင်သာရှိစေရန်ဖော်ပြခြင်းဖြစ်သောကြောင့် အခြားအမည်ဖော်ပြရန် ကျန်ရှိသော အနုပညာဘလော့အများအပြားရှိနေသည်ကိုဖော်ပြနိုင်ခြင်းမရှိသည့်အတွက် အနူးအညွတ်တောင်းပန်ပါကြောင်း ပြောကြားလိုပါ သည်။ယနေ့ခေတ် ကဗျာဆိုင်ရာရေစီးကြောင်းထဲ ဘလော့ဂါ ကဗျာဆရာများအားကောင်းမောင်းသန်စီးဝင်လာခဲ့ကြသည်။ထို့အတူနည်းပညာကိုအသုံးပြုပြီးမြန်မာကဗျာဆရာများသည်လည်းအင်တာနက်စာမျက်နှာများပေါ်မှတစ်ဆင့်မြန်နှုန်းမြင့်ဘလော့ဆိုဒ်များကိုထူထောင်လာခဲ့ကြသည်။ ကြိုဆိုထိုက်သူများကိုကြိုဆိုခြင်းသည်မင်္ဂလာတစ်ပါးပင်ဖြစ်သည်။ပရင့်ကဗျာဆရာများ၊ဘလော့ကဗျာဆရာများ၊ ကဗျာဆရာဘလော့ဂါများ၊ပရင့်စာဖတ်ပရိသတ်များ၊အွန်လိုင်းစာဖတ်ပရိသတ်များ၊သဘောတူသူများ၊ကွဲလွဲလိုသူများပါမကျန်ကြိုဆိုအပ်ပါကြောင်း ၂၀၁၁ကမ္ဘာ့ကဗျာနေ့အမှတ်တရ စာစုမှတစ်ဆင့် ပြောကြားလိုက်ပါသည်။

မှတ်ချက်။ ။အထက်ပါစာတမ်းအား ကမ္ဘာ့ကဗျာနေ့အခန်းအနားနှင့် အလယ်ရိုးမကဗျာဆရာမောင်သင်းခိုင်(၇၁)နှစ်ပြည့်မွေးနေ့အခမ်းအနားတွင်ရွတ်ဖတ်ခဲ့သောစာတမ်းဖြစ်ပါသည်။

အောင်ပိုင်စိုး
မတ်လ ၂၀၁၁(အလယ်ရိုးမ၊ ပျဉ်းမနားမြို့)

သဘာဝပတ်ဝန်းကျင်ထိန်းသိန်းရေးစိတ်ကို အခြေခံပြီး AirCon; ကုမ္ပဏီတစ်ခုမှာ အလုပ်ဝင်လုပ်နေတယ်

2011-02-05T04:22:00.001-08:00

ဘယ်ကိုရောက်နေတာလဲလို့ လာလာမေး မနေနဲ့
မေးခွန်းဆန်ဆန်ဘဝအတွေးအခေါ်တွေမလိုအပ်ဘူးလို့ မေ့ပစ်ရမယ့်ခေတ်ကြီးပဲပေါ့
မနက်ဆို အိပ်ရာထ၊ မျက်နှာသစ်၊ နံနက်စာစား၊ အလုပ်သွား
ညနေဆို အလုပ်ကပြန်၊ လိုအပ်တဲ့ပစ္စည်းထုတ်၊ ရေချိုး၊ အဝတ်အစားလဲ
တစ်ခါတရံ လက်ဖက်ရည်ဆိုင်မှာ ဝိုင်းဖွဲ့၊ အင်တာနက်ဆိုင်ထိုင်
ထပ်တလဲလဲလွှင့်ထုတ်နေတဲ့ မလိုအပ်သော စက်ဝိုင်းလိုလည်နေတဲ့ ကမ္ဘာကြီးပဲပေါ့
အလုပ်နဲ့ကွမ်းကြိုက်ရာရွေးဆိုတော့ အလုပ်ကောကွမ်းပါရွေးချယ်လိုက်သလိုမျိုး
ဒီနေ့ပြောမှဖြစ်မယ့်စကားကို မနက်ဖြန်အတွက်နေရာရွှေ့ထားလိုက်တယ်
နေဖို့အကြောင်းအရာက ဖယ်ခွာတိမ်းရှောင်လိုခြင်းဟာ အမှန်တရားဆီဆိုက်ရောက်ခြင်းပဲ
လူ့စွမ်းအားအရင်းအမြစ်လို့ တစ်နေ့သုံးခါရွတ် ကျောက်တုံးကိုရေညှစ်နေရတဲ့အရသာ
မသိရင်မေးဆိုပြီး မေးရင်ဘာမှမပြောတဲ့ အကြောင်းအရာများသာ တစ်နေ့ပြီးတစ်နေ့များလာတယ်
မပျော်ဘူးလို့ မပြောဖြစ်အောင် ပျော်နေတယ်လို့ပဲ ကိုယ့်ကိုယ်ကိုယ်လှည့်စားထားတယ်
စပေါ့တီဗီချန်နယ်မှာအလုပ်လုပ်နေတဲ့ သူငယ်ချင်းလည်း အလုပ်ကနေနူတ်ထွက်လိုက်တယ်
Betterfly ကနေ မီရှယ်လ်နိုင်းတွေဆီ အလွတ်ပြောင်းရွှေ့လိုနေတဲ့လူကြီးမင်းကတော့ မတုန်မလှုပ်
ဂျွန့်ကို “ကျွန်တော်ဘယ်တော့မှ စိတ်မညစ်တော့ဘူးလို့” မနေ့ကလေးတင်ပြောလိုက်မိတယ်
လူစင်စစ်ကနေ လေယာဉ်ပျံဖြစ်ချင်နေတဲ့သူငယ်ချင်းကတော့ Facebook သုံးနေမြဲပဲ
ဘယ်ကောင်းကင်ကမှလက်မခံတော့တဲ့ ကြယ်ကြွေတစ်ပွင့်ထဲလျှပ်စစ်တွေစီးဝင်တော့မယ်
ဘဝဆိုတာ ပညာရှာ၊ စီးပွားရေးလုပ်၊မိန်းမယူပြီး သားသမီးပွားစီးဖို့ပဲလို့
ကဗျာဆရာဘဝကနေ အနားယူသွားတဲ့ ၁၄/စီးပွားရေးသမားကြီးတစ်ယောက်ကပြောနေတယ်
အပြောင်းအလဲကာလက မကြာခင်မျှော်၊ အပြောင်းအရွ့ကာလက မကြာခင်မျှော်
ဖြည့်စွက်ပြင်ဆင်စရာကွက်လပ်တွေအများကြီးနဲ့ဒါဝင်ရဲ့သီအိုရီဆီပြန်သွားနေတဲ့ နှစ်များမှာ
ကျွန်တော် သဘာဝပတ်ဝန်းကျင်ထိန်းသိန်းရေးစိတ်ကိုအခြေခံပြီး
AirCon; ကုမ္ပဏီတစ်ခုမှာ အလုပ်ဝင်လုပ်နေပါတယ်။ ။

အောင်ပိုင်စိုး
၅၊ ဖေဖော်ဝါရီ၊ ၂၀၁၁
နေပြည်တော်

မင်း ငါ့ကို ဖုန်အလိမ်းလိမ်းနဲ့ စောင့်

2011-01-13T22:36:00.001-08:00

_နေ့စဉ် စောင့်မျှော်နေသူ ဇနီးသည်သို့

မင်းရဲ့ နာမမှာ ဘာတစ်ခုမျှ မကျန်တော့၊ ဘာတစ်ခုမျှ
ငါ့ကို စောင့်နေတာက လွဲလို့၊ ငါတို့အိမ်က ဖုန်မှုန်ှုတွေ
အလိမ်းလိမ်းနဲ့
ထုနဲ့ ထည်နဲ့ တစ်ဖွားဖွား၊ အိမ်ထောင့်တိုင်းမှာ
မင်းတောင် ခန်းဆီးကို မလှပ်ချင်တော့
အလင်းက အခြေတကျ ဖြစ်နေတာကို မနှောင့်ယှက်စေဖို့

စာအုပ်စင်ပေါ်က လက်ရေး အညွှန်းစာမှာ ဖုန်တွေ ပေလို့
ကော်ဖောပေါ်မှာ အဆင်အသွေးက ဖုန်မှုန့်တွေ ရှုလို့
မင်း ငါ့ဆီ စာရေးနေခိုက်
ကလောင်သွားက ဖုန်နဲ့ ရောယှက် ခြစ်လိုက်တဲ့ ချစ်ခြင်း
ငါ့မျက်လုံးတွေ နာကျင်မှုနဲ့ ဆောင့်အထိုးခံလိုက်ရ
မင်းက တစ်နေ့လုံး အဲဒိမှာ ထိုင်နေပေါ့
လှုပ်ဖို့တောင် မ၀ံ့မရဲမို့
မင်းခြေလှမ်းတွေ ဖုန်မှုန့်ကို နင်းမိမှာ စိုးလို့
အသက်တောင် ထိမ်းရှုဖို့ အားထုတ်မိ
ဒီအဖြစ်ကို ရေးဖြစ်ဖို့ ခတ်ဆိတ်ဆိတ်နေ။
ဒီလို တစ်ချိန်လုံး
မွန်းကြပ်ကြပ် ဖုန်မှုန့်တွေက
သစ္စာခံမှုသာ ကမ်းလှမ်းပေါ့

မင်းရဲ့ အမြင်၊ အသက်ရှုတာနဲ့ အချိန်က
ဖုန်မှုန့်တွေကို ပျံ့စေနေခဲ့
မင်းအတ္တ အောက်ခြေမှာ
အုတ်ဂူ တစ်လက်မပြီး တစ်လက်မ
မြင့်တက်လို့ ခြေထောက်ကနေ
ရင်ဘတ်အထိ
လည်ပင်း ရောက်တဲ့အထိ

မင်းသိမှာပေါ့ အုတ်ဂူက
မင်းရဲ့ အသင့်မြတ်ဆုံး နားခိုရာ
ငါ့ကို စောင့်စားရာ နေရာပ
ကြောက်စရာ ထိတ်စရာ ကင်းမဲ့
ဒါကြောင့် မင်း ဖုန်မှုန့်ကိုသာ ရွေး
အမှောင်ထဲမှာ၊ တည်ငြိမ် မွန်းကြပ်လို့
စောင့်ပေါ့၊ ငါ့ကို စောင့်နေပေါ့
မင်း ငါ့ကို ဖုန်အလိမ်းလိမ်နဲ့ စောင့်
နေရောင်နဲ့ လေအဝှေ့ကို ရှောင်
ဖုန်မှုန့်က မင်းကို သင်္ဂြိုဟ်ပါစေ
ဖုန်မှုန့်မှာ မင်း အိပ်မောကျပါစေ
ငါပြန်ရောက်ချိန် အထိ
မင်း ပြန်လည် နိုးထလာမှာ
မင်းကိုယ်နဲ့ ၀ိဥာဉ်က ဖုန်တွေကို ခါချရင်း

အံ့စရာပေါ့၊ သေရာမှ ပြန်ထဖို့။

လျှူလျှောက်ဘို (၂၀၁၀ ငြိမ်းချမ်းရေး နိုဘဲလ် ဆုရ ပုဂ္ဂိုလ်)

သစ်စိုး

You Wait for Me with Dust
(Exclusive: Verse from the 2010 Nobel Peace Laureate)

for my wife, who waits every day

Nothing remains in your name, nothing
but to wait for me, together with the dust of our home
those layers
amassed, overflowing, in every corner
you’re unwilling to pull apart the curtains
and let the light disturb their stillness

over the bookshelf, the handwritten label is covered in dust
on the carpet the pattern inhales the dust
when you are writing a letter to me
and love that the nib’s tipped with dust
my eyes are stabbed with pain
you sit there all day long
not daring to move
for fear that your footsteps will trample the dust
you try to control your breathing
using silence to write a story.
At times like this
the suffocating dust
offers the only loyalty

your vision, breath and time
permeate the dust
in the depth of your soul
the tomb inch by inch is
piled up from the feet
reaching the chest
reaching the throat

you know that the tomb
is your best resting place
waiting for me there
with no source of fear or alarm
this is why you prefer dust
in the dark, in calm suffocation
waiting, waiting for me
you wait for me with dust
refusing the sunlight and movement of air
just let the dust bury you altogether
just let yourself fall asleep in the dust
until I return
and you come awake
wiping the dust from your skin and your soul.
What a miracle – back from the dead.

Lui Xiaobo
translated by Zheng Danyi, Shirley Lee and Martin Alexander

Vol 18: Winter 2010
ASIA LITERARY REVIEW
ဘာသာပြန်သူ သစ်စိုး

ကိုယ်တိုင်ရေးကဗျာဖြစ်ကြောင်း ဝန်ခံကတိမပြုလိုပါ

2011-01-04T01:38:00.001-08:00

အဆင်မပြေရာအဆင်ပြေကြောင်းမပြေလည်တဲ့နေ့ကိုရောက်နေတယ်။ပြေလည်မယ်လို့
စိတ်ကတွေးရင်းပိတ်ဆို့နေတယ်၊မူးနောက်နေတယ်၊အကျဉ်းအကျပ်ထဲကျရောက်နေရတယ်။
စိတ်ရောကိုယ်ပါအလည်လွန်နေတဲ့စိတ် တိတ်တိတ်နေဖို့
ဆက်သွယ်ရေးဧရိယာပြင်ပရောက် ကဗျာဆရာတစ်ယောက်
စာအုပ်တွေ၊အင်တာနက်တွေ၊မဂ္ဂဇင်းတွေ၊ ချစ်သော၊
ခင်သောလူတွေနဲ့ပါအဆက်အသွယ်ပြတ်တောက်နေသည်။မင်းစိုးရာနှင့်ဘုန်းနေသွန်းကို
သတိရနေသည်။ကိုသူရနီအဆင်ပြေမှာလားစိတ်ပူနေသည်။ဒေသစွဲမကင်းသော၊
အယူအဆစွဲမကင်းသောလူကြီးကိုယ်နှင့်ကလေးစိတ်ရှိသောကဗျာဆရာကြီးအားအွန်လိုင်းပေါ်
ရောက်ခိုက် စကားပြောမိပြန်သည်။နောက်ကိုလှည့်ကြည့်လိုက်တော့
မြင်ကွင်းတစ်ချို့ကမပီပြင်၊မပြတ်သား၊မထင်ရှားဖြစ်၍နေသည်။စိတ်ထဲမှာစွဲထင်ကျန်ရစ်နေအောင်အဟောင်းကို
စွဲလန်းသောစိတ်ရောဂါအခံတွေနဲ့အယူအဆဝါဒရေးရာတွေတိုးမိတိုက်မိနေကြတုန်းပဲလေ။မိတ်ဆွေ
ကဗျာဆရာတစ်ယောက်ကတော့စစ်အေးကာလကျရောက်နေတဲ့ကဗျာဆိုင်ရာအနေ
အထားလို့ပြောတာ လက်ခံချင်နေမိသည်။ကဗျာဆိုတဲ့ ဘာသာဗေဒ၊စကားလုံးများနဲ့
ပြုလုပ်တည်ဆောက်ထားတဲ့အကြောင်းအရာတစ်ခုဟာဘာကြောင့်လူ့ယဉ်ကျေးမှုအဖွဲ့
အစည်းထဲမှာ နေရာတစ်နေရာ မရခဲ့တာလဲ? အယ်လ်စီဒီ ကွန်ပြူတာစခရင်ပေါ်မှ
လွင့်နေသောစိတ်ကိုလိုက်ဖမ်းနေရင်း ကီးဘုတ်ပေါ်မှ စာသားအမှားတွေကို
backspace နဲ့ ခဏ၊ ခဏ၊ ခဏပြန်ပြန်ဖျက်နေရသည်။မနေ့က၊တစ်နေ့ကကျကျန်ခဲ့သောကွန်းမန့်အမှားများနဲ့
Facebook စာမျက်နှာလေးအား သတိတရရှိနေသေးသည်။ မှားပြီးရင်းမှားနေသော၊
ပြင်ပြီးရင်းပြင်နေရသော ကမ္ဘာကြီးအား အားနာနေမိပြန်သည်။နေသည် အရှေ့အရပ်မှ
ဝင်ရောက်၍ အနောက်အရပ်ရှိရာဆီ ပြန်ထွက်သွားကြောင်း လူတကာကို ရှင်းပြ
မနေသင့်တော့ပေ။သုံးနေလက်စ Gmail စာမျက်နှာပေါ်မှ Chat လိုင်းကို Invisible
လုပ်ထားလိုက်သည်။ရေးလက်စလက်ရှိစာသားများအားအဓိပ္ပါယ်ကောက်ယူနေသူမှာသင်ဖြစ်နေပါကကိုယ့်ကိုယ်ကိုရူးသွပ်
နေကြောင်းသတိပြုမိပေလိမ့်မည်။မပြောမဖြစ်ပေမယ့်ပြောစရာစကားများချန်လှပ်ခဲ့ကြောင်းကိုလည်း
တစ်ဆက်တည်းပြောကြားလိုပါသည်။ ဤစာသားများ ဒီမှာပြီးဆုံးကြောင်း
ပုဒ်မကိုချ၍ လက်စသတ်လိုက်သည်။

အောင်ပိုင်စိုး
၈၊ဒီဇင်ဘာ၊၂၀၁၀

အဆောက်အအုံတွေနဲ့ ကွယ်ကောင်း/ကွယ်နေလိမ့်မယ်

2011-01-02T04:25:00.001-08:00

ဂုဏ်ယူစရာကာလတွေကိုစိတ်လိာလက်ရရှိတာနဲပ ကနုတ်ပန်းတွေကို ထည့်ဆွဲလိုက်တယ်
စိတ်နေစိတ်ထားနဲ့ ကြေကွဲမှုအတိုင်းအဆတချို့ကို ခန့်မှန်းကြည့်ဖို့ ၀ါကြန့်ကြန့်ဓါတ်ပုံတွေကိုရေးလိုက်တယ်
ပထဝီနဲ့ချစ်ကျွမ်းဝင်မှုကို ဇာတ်လမ်းသဘောအရပြချင်တဲ့အခါ သစ်ပင်တွေက Yes တွေပဲလေ
အ,တီး,အ,တ နဲ့ဘာမှမရှိတော့တဲ့ဘဝကို ထုတ်ကြွားချင်လို့ ဂျစ်ကားအစုတ်ကြီးတွေလည်းပါချင်ပါမယ်
ဒူးလေးနှစ်ဖက်ထောက်နေတဲ့ ဆာလောင်မှုတွေကိုဖော်ပြချင်လို့ ဆေးသားဝိတ်ပြည့်အောင်မတင်တော့ဘူး
ခင်ဗျားပန်းချီကားထဲမှာ အရင်လို တိမ်အုပ်တို့ ညှို့မှိုင်းနေတာတွေ၊ ကြယ်ကြွေကောက်တဲ့ ဘာတို့၊ညာတို့
တစ်နေရာဆီကို တစ်ယောက်တည်းငေးရီနေတာတွေ၊ ညနေခင်းအိမ်ပြန်ငှက်တွေ
တစ်ဆောင်းသစ်ဒဏ်ရာတွေ စသဖြင့် ... မမြင်မတွေ့ရတော့ပါလား
ပါ,ပါတယ်၊ သတိမထားမိလို့နေမှာပါ။ဒါပေမယ့်တိမ်တွေကို ကျွန်တော်အိမ်ပြန်သယ်လာခဲ့ပြီ။
သံသယကိုပြန်လည်ဖာထေးရတာတွေ၊ အိပ်ရေးပျက်တာတွေ၊ ငွေရေးကြေးရေးကိုပြန်ငေါ့တဲ့ အထာတွေ
နောက်ဆုံးတော့လည်း ကျွန်တော့်နှလုံးသားဒတစ်ခုလုံးကို ပန်းချီကားထဲပဲ ဝကွက်အပ်လိုက်တော့တယ်။
နို့ ...ဘာထူးလဲ။ ခွေးဆိုဆိုတာ ဘယ်လိုလုပ်လူဆန်ပါ့မလဲလေ။သစ္စာခံယူခြင်း/မခံယူခြင်းက တစ်ပိုင်းထားလိုက်
ပြန့်ကျဲနေသလိုနဲ့ မခြောက်သေးတဲ့ ဆေးရာတွေဟာ ခင်ဗျားပြောတဲ့ တိမ်ညိုတိမ်မှိုင်းတွေပဲလေ
အကန့်အသတ်မဲ့ အဝေးသို့တန်းလန်းကျနေတဲ့ အရာတွေကတော့ တစ်နေရာရာကို ဆွေးဆွေးမြေ့မြေ့
ငေးရီနေခြင်းတစ်ချို့ပဲ။ မသေကောင်းမပျောက်ကောင်း အခြင်းအရာတွေ
၊မယောင်ရာဆီလူး ၊ မမေ့နိုင်သေးတဲ့အတိတ်ကို ပြန်လှန်ဆဲရေးနေခြင်းတွေ၊ကဗျာများဆီက
တဆင့်ခြေရာခံတာတွေဟာ ခင်ဗျားပြောတဲ့ ကြယ်ရောင်ကြယ်ပျက်၊ လရောင်လပျက်
အိပ်တန်းပြန်ငှက်တွေ၊ တစ်ဆောင်းသစ်ဒဏ်ရာဓဏ်ချက်တွေအဖြစ်ရယူလိုက ယူလိုက်ပါ
စကားမစပ် ... ခင်ဗျားပန်းချီကားတွေထဲက ကနုတ်ပန်းခက်တွေ၊ဝါကြန့်ကြန့်ဓါတ်ပုံတွေ
သစ်ရွက်သစ်ခက်နဲ့ ထေ့လုံးငေါ့လုံးတွေ၊ထော်လော်ကန့်လန့်နိုင်ခြင်းတွေ
ကြွားချင်ဝါးချင်တဲ့ ဟိတ်လုံးဟန်လုံးတွေ ... မမြင်မတွေ့တော့ပါလား
ရှိပါတယ်။ခင်ဗျား သတိမထားမိလို့နေမှာပါ။ ဒါပေမယ့် ပန်းချီကားတွေကိုတော့ ကျွန်တော်အိမ်ပြန်သယ်လာခဲ့ပါပြီ။

သူရနီ
14.Oct.2010

ကဗျာ့ နာရေးနှင့် အဖြစ်စုံ သနစ်စုံ

2010-12-19T01:21:00.001-08:00

သေပြီ ကဗျာ။ ပြောပြရတာလည်း ထပ်နေပြီ။ ခင်ဗျားတို့ ဘယ်လောက်တောင် ဖုံးနေဖိနေ၊ သက်သေ သက္ကာယတွေက အလျှံပယ်။ ၂၀၀၃ခုနှစ် တုန်းက ညူးစ်ဝီးခ်မဂ္ဂဇင်းမှာ ကဗျာ့နာရေးကို ကြေငြာခဲ့တယ်။ အနောက်နိုင်ငံက ကဗျာဆရာတွေ ဒေါသပုန် ထကြပေမဲ့ ဒီထုတ်ပြန်ချက်ကတော့ အ မှန်အကန်။ ကဗျာက အက်ကြောင်းတွေနဲ့ ပလပွ။ ကဗျာဆရာနဲ့ ကဗျာပရိသတ်တွေ တစ်မေးတည်း မေးနေကြလေရဲ့။ “ဘာဖြစ်တာလဲ ဟ။“လို့။

ညူးစ်ဝီးခ်ဆောင်းပါး ပုံနှိပ်ဖော်ပြလိုက်တော့ ကဗျာဆရာတွေ ဒေါသတကြီး တံတွေးတစ်ပျစ်ပျစ်၊ တောက်တစ်ခေါက်ခေါက်နဲ့။ ခမျာတွေမှာ ကဗျာ့ နာရေးကိစ္စနဲ့ ပတ်သက်လို့ ရွှေဥာဏ်တော် ကွန့်မြူးထားတဲ့ ဆောင်းပါးတွေကို ဒေါနဲ့မာန်နဲ့ တုန့်ပြန်ရေးသားကြပေမဲ့ အရေးစိုက် ဖတ်ရှုကြသူ တွေ နတ္ထိ။ ဘာဖြစ်လို့ ဒီဆောင်းပါးတွေကို ဖတ်ရှုအားပေးကြသူတွေ မရှိကြရတာလဲ။ ကျွန်တော်တို့တတွေဟာ တီဗီ ဇာတ်လမ်းတွဲတွေ ကြည့်ရှု၊ ဖေ့ဘွတ်ခ် (Facebook) မှာ အာရုံများနေကြ ဒါမှမဟုတ် ယူကျုဘ် (You Tube) ပေါ်က နောက်ဆုံးပေါ် ဗီဒီယိုတွေကို အရသာခံရင်း အလုပ်များ နေကြကြောင်းပါ။ ခွေးလှေးပျားနှံ့ဖြစ်နေကြတဲ့ ကြော်ငြာတွေ၊ အမြန်ကားတွေ၊ နိစ္စဓူဝ စိမ်းစိမ်းကားကား ဒွန္နယာကြီးထဲမှာ ကဗျာအငြိဓာတ်ဟာ လုံး လုံးလျှားလျှား ပျောက်ဆုံးသွားခဲ့လေပြီ။ ယခုအခါ ကဗျာရယ်လို့ ပီပီသသ မြင်နိုင်ရတဲ့ အခါသမယကတော့ ပစ္စည်းတွေ အရောင်းစွံရေးအတွက် ကြော်ငြာနေကြချိန်မှာသာ။

တစ်ချို့ကတော့ အခုခေတ်မှာ ကဗျာတွေ စည်ပင် ဖွံ့ဖြိုးနေကြပြီရယ်လို့ ဆိုကြရဲ့။ ဒါကလည်း အတိုင်းအတာ တစ်ရပ်လောက်သာ မှန်တာပါ။ က ဗျာဟာ ကျွန်တော်တို့နဲ့ လက်ပွန်းတစ်တည်း ရှိနေရိုး အမှန်။ ဒါပေမယ့် ကဗျာရဲ့ လေးနက် တည်ကြည်တဲ့ အရည်အသွေးနဲ့ကတော့ ဖီလာ ဆန့် ကျင်။ ဥပမာဆိုရင်တော့ မကြာသေးခင် လီဗိုင်းကြော်ငြာပြကွက်မှာ “ငါတို့ လိုတာမှန်သမျှ အကုန်ရ။“ ဆိုတဲ့ ကဗျာစာသားကို ရိုက်ပြထားတယ်။ ကွင်းပြင်ကို ဖြတ်ပြေးနေတဲ့ မိန်းမတစ်ယောက်ရဲ့ ပုံရိပ်နဲ့ကို တွဲပြထားတာ။ (အမေရိကန် ကဗျာဆရာ) ဝေါ့လ်ထ် ၀စ်ထ်မင်န် (Walt Whitman) ရဲ့ ကဗျာစာသား။ ဟိုးတုန်းကတော့ အတွေးတွေ၊ မြင်ထောင့်တွေ ကြွတက်လာအောင် ဆွပေးခဲ့တဲ့ဟာ။ အခုတော့ ဂျီးန်စ်ဘောင်းဘီ ကြော်ငြာမှာ သုံး နေလေရဲ့။

ကဗျာဆရာ တစ်ချို့တစ်လေကတော့ အရင်ထက်စာရင် အခုအချိန်မှာ ကဗျာ အရေးများနေတယ်ရယ်လို့ ပြောကြပါလိမ့်မယ်။ ကဗျာ သေပြီ မဂ္ဂ ဇင်းနဲ့ လုပ်ထားတဲ့ အင်တာဗျူးတစ်ခုမှာ ပီတာ ပါရဲရား (Peter Periera) ပြောထားတာ ရှိတယ်။ “ပုဂ္ဂလ လစ်ရစ် (personal lyric)၊ သမိုင်း ဇာတ် ပြောကဗျာ (historical narrative)၊ ပုံစံသေ ကဗျာ (formal poetry) ကနေ ဘာသာစကား ကဗျာ (language poetry)၊ အယူအဆရေး မပါတဲ့ က ဗျာ (non_conceptual poetry)၊ ဖလာ့ဖ် (flarf) တွေအထိ ကဗျာနည်းနာတွေ စုံအောင်ရှိနေတယ်။ ဆရာဝန်၊ အီရတ် စစ်ပြန်နဲ့ ဂေါပက ဘဏ္ဍာ ထိမ်း မန်နေဂျာဟောင်းတွေအထိ ကဗျာဆရာအမျိုးမျိုးရဲ့ ကဗျာစာအုပ်တွေ။ အခုအချိန်ကစပြီး နှစ်ရာပေါင်း များစွာကြာတဲ့အခါ လူတွေ ပြန်ပြီး တွေးမိကြလိမ့်မယ်။ ရေးလိုက်ကြတဲ့ ကဗျာတွေ များလှချည့်လား။”လို့။ ကဗျာတွေ ရေးနေကြတယ်။ ဒါပေမယ့် ဒါတွေဟာ အနာ ဂတ်နဲ့ပဲ ဆိုင်မှာပါ။ ပါရဲ့ရား ရည်ညွှန်းနေတဲ့ “များလှချည့်”ဆိုတဲ့ ကဗျာတွေဟာ ပစ္စက္ခ အချိန်မှာ ဖတ်ရှုဖို့ ရည်ရွယ်ထားတာ မဟုတ်ပါဘူး။ အနာဂတ်အတွက် သို လှောင်ထားတာပါ။ ကဗျာတွေဟာ ယဉ်ကျေးမှုသဘောထက် မှတ်တမ်းမှတ်ရာသဘောမျိုး ပိုဆောင်နေပါတယ်။ သေပြီ က ဗျာ။

ယနေ့ခေတ် ကနေဒါမှာ ကဗျာစာအုပ် ရောင်းချရမှုဟာ ပျမ်းမျှ ကြိတ်နှုန်း ၃၀၀မှ ၅၀၀လောက်သာ။ အကြီးအကျယ် အရောင်းသွက်ကာမှ အုပ် ရေ တစ်ထောင် ဒါမှမဟုတ် တစ်ထောင်ကျော်ကျော်။ စာရင်းဇယားအရ ပိုဆိုးသေး။ ၁၉၉၉ခုနှစ်မှာ ကဗျာ ၁,၀၀၀နီးပါးလောက် နှစ်စဉ် ပုံနှိပ်ခဲ့ တယ်။ နောက် နှစ်နှစ်ကြာတော့ ပုဒ်ရေ ၆၀၀လောက်အထိ အရေအတွက် ကျဆင်းသွားတယ်။ လွန်ခဲ့တဲ့ ၂၀၀၁ခုနှစ်က ကဗျာကို သိတ်စွံပုံမရတဲ့ “အနုပညာ”ကဏ္ဍထဲ အသွပ်သွင်း ခံလိုက်ရတယ်။ ကဗျာစာအုပ်တွေဟာ စာအုပ်ဆိုင် စင်ပေါ်မှာ တစ်ဖြည်းဖြည်း နေရာကျဉ်း ကျဉ်းလာနေပြီ။ ထုတ် ဝေဖြန့်ချိမှုဟာလည်း ကျသထက် ကျလာနေတယ်။ Chaptersဆိုတဲ့ စာအုပ်ဆိုင်က အရောင်းစာရေးကို တစ်ခါတစ်လေလောက် မေးကြည့်ရင် တစ် ခစ်ခစ်နဲ့ ရယ်မောနေလိမ့်မယ်။ ကဗျာဟာ ပုံနှိပ်လောကမှာ ရုပ်ပျက်ဆင်းပျက် ဖြစ်နေရုံမက လူကြိုက်များတဲ့ မဂ္ဂဇင်းနဲ့ စာပေဂျာနယ်တွေမှာ လည်း နေရာပျောက် ပျောက်လာနေပြီ။

ကဲ၊ အမှန်အတိုင်း ရင်ဆိုင် ကြည့်ကြရအောင်။ ကဗျာ သေပြီ။

ဘာကြောင့် သေသွားရတာလဲ။

ဒီမေးခွန်းကို လွယ်လွယ်လေး ဖြေလို့ မရပါ။ ဒီကျဆုံးခန်းဆီ ဦးတည် သွားနေတဲ့ အဖြစ်အပျက်တွေ၊ ရေးဟန် နည်းနာတွေ၊ လမ်းကြောင်းတွေက အနတ္တဂ္ဂမ။ ဂူးဂဲလ်ဆာ့ခ်ျ (Google Search) အဆိုအရတော့ ဗယ်လင်တိုင်းန်ဒေး (Valentine's Day) နဲ့ အမျိုးသား ကဗျာလ (National Poetry Month) သမယမှာ ကဗျာ စိတ်ဝင်စားမှု အရမ်း တက်ကြွကြတယ် ဆိုပါတယ်။ သဘောပေါက် ထားကြရမှာကတော့ ဂူးဂဲလ်မှာ “ကဗျာ” လို့ ဆာ့ခ်ျ လုပ်လိုက်ရင် ကိုယ့်ကဗျာစာအုပ် ကိုယ့်ဖာသာ ထုတ်နေရတဲ့ အပျော်တမ်း ကဗျာဆရာတွေရဲ့ စာမျက်နှာတွေသာ အဓိကထားပြီး တက်လာကြတာ ပါ။

ပို့စ်ထ်မော်ဒန် လှုပ်ရှားမှုကြောင့် ကဗျာကျရှုံးခန်း ဆိုက်ရောက်လာတာလို့ ကဗျာဆရာ တော်တော်များများ သဘောပိုက်ထားကြတယ်။ ပို့စ်ထ် မော်ဒန်ဝါဒဟာ ပစ်မလွဲ တရားခံ ဖြစ်နေပေမယ့် ဒီတစ်ခုတည်းကိုပဲ ယိုးစွပ်လို့တော့ မရပါဘူး။ “တပ်မက်သူ အများးစု” လို့ ခေါ်တွင်လို့ရတဲ့ ကဗျာမ ဖတ်တဲ့ စာဖတ်သူတွေဟာ ကဗျာကို နားလည်ရ ခက်တယ်၊ ဖတ်လို့ မရဘူး၊ ရှုပ်တယ်လို့ ယူဆနေကြတာကြောင့် ပို့စ်ထ်မော်ဒန် သို့မဟုတ် နောက် ဆုံးပေါ် အယူအဆသစ် ကဏ္ဍထဲ ဆွဲသွင်းလို့ မရတဲ့ ထုတ်ဝေနေဆဲ ကဗျာစာအုပ်တွေကလည်း မရေမတွက် နိုင်အောင်ပါ။ ပို့စ်ထ်မော်ဒန်ဝါဒ ကသာ ကဗျာကို အသေ သတ်လိုက်တယ်ဆို ဘာဖြစ်လို့ Visual Art (စက္ခုပသာဒ ပန်းချီ ရေးဟန်) ကို လက်ရှောင် ထားရစ်ခဲ့တာလဲ။ စာပေ ပူလစ် ဇာဆုရ စာအုပ်တွေ နှစ်တိုင်း ထောင်သောင်းချီပြီး ပြိုက်ကနဲ ရောင်းစွံနေတဲ့အချိန်မှာ ဘာဖြစ်လို့ ကနေဒါ ကဗျာစာအုပ်တွေ ပုံနှိပ်ထုတ်ဝေဖို့ အစိုးရ ဆီမှာ ထောက်ပံ့ကြေး လျှောက်လွှာ တင်နေကြရတာလဲ။ (ပရင့်ထာတွေ ပေါ်လာကြလို့သာပေါ့။ မဟုတ်လို့က ကဗျာစာအုပ် အများစု အနေနဲ့ အ စောကြီးကတည်းက ကိစ္စ ချောသွားပြီးသား။) ရှင်းရှင်း ပြောရရင် စာပေ ခံစား နှံ့စပ်သူတွေတောင်မှ ကဗျာစာအုပ် တွေကို ချောင်ထိုး ထားလိုက် ပြီလေ။ ဘာကြောင့်လဲ။ ကဗျာ့ အရသာက ပြောင်းနေပြီ။ စာပေဂျာနယ်တွေကလည်း ဖတ်သူအကြိုက်လိုက်ပြီး စကားပြေတွေ ပိုထည့်လာကြတယ်။ ရေးသူတွေကလည်း ပိုက်ဆံ သိတ်မရတော့ ကဗျာဘက် သိတ်မလှည့်ကြတော့ဘူး။ ကဗျာစာအုပ်က ၀င်ငွေတစ်အား နည်းလွန်းတာကြောင့် ကဗျာ ဆရာ အသစ် ဘယ်လိုလုပ် ပေါ်လာတော့မှာလဲ။ ကဗျာက ငွေဝင်လမ်း မဖြောင့်ဘူးလေ။

ကဗျာ အနေကျုံလာရခြင်းရဲ့ အကြောင်းတရားတွေထဲက တစ်ချက်ကတော့ ရောင်းပန်းဝယ်ပန်း ကြပ်သိပ်မှု (oversaturation of industry) ကြောင့်ပါ။ ကဗျာဆရာတွေ မှိုလို ပေါက်နေပေမယ့် ဖတ်သူ လောက်လောက်လားလား မရှိပြန်ဘူး။ အွန်လိုင်း ကဗျာဆရာ၊ အချိန်ပိုင်း ကဗျာဆရာ နဲ့ အဖတ်အရွတ် ကဗျာဆရာ ဆိုပြီး ကျော်ကြားမှု တစ်ရပ်ရပ် ရရှိအောင် ကြိုးပမ်း အားထုတ်နေကြတဲ့ ကဗျာဆရာတွေ ရိုက်သတ်လို့ မကုန်နိုင် လောက်အောင် ရှိနေကြပေမယ့် အရောင်းတွင်တဲ့ ကဗျာစာအုပ်၊ ဂျာနယ်နဲ့ မဂ္ဂဇင်းတွေကျတော့ မရှိကြပြန်ဘူး။ ဘယ် ကဗျာအယ်ဒီတာကို ဖြစ်ဖြစ် သူတို့ လက်ခံရနေတဲ့ ကဗျာစာမူတွေအကြောင်း မေးကြည့်လိုက်စမ်းပါ။ သူတို့ အဲဒိ ကဗျာတွေ ကုန်အောင်စင်အောင် မဖတ်နိုင်ဘူးလို့ ပြန်ဖြေကြ လိမ့်မယ်။ ဒါမှမဟုတ်ရင် ကဗျာ့ အရောင်းတွင်ကျယ်မှုကို မေးရင်လည်း တစ်ကယ့်ကို miniscule ပါးပါးရှားရှား?လို့ အဖြေပေးကြမှာ။ ဒိလောက် တို ရေရှားရေ ဖြစ်နေတဲ့ ဈေးကွက်ထဲမှာ နေရာတစ်ကွက်စာ ရဖို့ကတော့ တော်တော့်ကို ခက်လှပါတယ်။ ဒါကြောင့်မို့ ကဗျာဆရာ အများအပြားဟာ သူ တို့ ကဗျာတွေ ပုံနှိပ်ဖော်ပြခံရဖို့ အင်တာနက်ကို အားကိုးနေကြရပေါ့။

အင်တာနက် ကဗျာဆရာတဲ့လေ။ အခုအခါ ကဗျာအရှုပ်ထုတ်ကြီး ကိုင်တွယ်ရှင်းလင်းရေး မဟာတာဝန်ကြီးကတော့ ကဗျာ ဖတ်ရှုသူတွေဆီ ဆိုက် ဆိုက်မြိုက်မြိုက်ကြီး ရောက်လာခဲ့ပါပြီ။ ထွစ်အာ (Twitter) မှာ ကဗျာကို ဖော်လို (follow) လုပ်ဖြစ်လား။ ဒါဆိုရင် အဆီအငေါ်မတည့်၊ အူတိအူချာ စာလုံးရေ ၁၄၀ပါတဲ့ ဟိုက္ကူကဗျာနဲ့ တည့်တည့် တိုးမိရမယ်။ ကဗျာ ဘလော့ဂ် ၀င်ဖတ်သလား။ တည်းဖြတ်တဲ့ အဆင့်ကို ဖြတ်ကျော်စရာ မလိုတဲ့၊ ကိုယ့်ဖာသာကိုယ် ရွေးချယ်ပုံနှိပ်ထားတဲ့ ကဗျာပေါင်း သောင်းခြောက်ထောင်ကို ဖတ်ဖြစ်သွားတာပေါ့။ လက်ဖြစ် ပုံနှိပ်ဖြန့်ချိမှုဟာ လက်ဇြစ် ကဗျာ ကို မေးစရာ ဖြစ်လာတယ်။ အဲဒိ ကဗျာတွေကို လေးလေးနက်နက် ရေးထားတာလား။ ကဗျာ့ဥာဏ်စဉ် အားထုတ်မှုကော ရှိရဲ့လား။ ပြီးတော့ အွန် လိုင်းမှာ ကဗျာတစ်ပုဒ် တွေ့လိုက်မိတာတောင် အင်တာနက် မြန်နှုန်းကြောင့် ကဗျာ့ အဝေ့အ၀ိုက်တွေ အရသာခံ ဖတ်ရှုဖြစ်မယ့်အစား ခတ်သော့ သော့လေး ကျော်လွှားဖြစ်မိတယ်။ အင်တာနက် စာမျက်နှာကို ကလစ်ခ် (click) ဖွင့်လိုက်တာနဲ့ တစ်ပြိုင်နက် ကြော်ငြာ ဒါ မှမဟုတ် လင့်ခ် (link) အသစ်နောက် မြောပါသွားတာလည်း ရှိတတ်တယ်။

လက်ဖြစ် ပုံတူပွားခြင်း၊ အနက်ကောက်ခြင်းနဲ့ စက္ကန့်၃၀စာ သတင်း အရသာခံခြင်းဆိုတဲ့ လက်ငင်း ယဉ်ကျေးမှုဟာ စာဖတ်သူတွေကို အသေး စိတ် ဖတ်ရှုဖို့လိုတဲ့ စာမှန်သမျှ လစ်လျှူရှုဖြစ်အောင် တွန်းအားပေး နေတော့တာပဲ။ ယနေ့ခေတ် လူ့အဖွဲ့အစည်း ဖြစ်နေပုံက စားလို့ရတာကို မိုက် ခရိုဝေ့ဗ် မီးဖိုထဲ စက္ကန့်နည်းနည်း ကြာအောင် ပစ်ထည့်၊ ခတ်မြန်မြန် မြိုချပြီး အလုပ်ဆီကို အမောတကော ကားမောင်းသွားရတဲ့ အဖြစ်မျိုး။ ကျွန် တော်တို့မှာ မအားမလပ်နိုင်လောက်အောင် မိုဘိုင်းလ် ဖုန်းတွေ ရှိတယ်၊ လူမှု ဆက်သွယ်ရေး ၀က်ဘ်ဆိုက်ထ်တွေ ရှိတယ်၊ စိတ်အာရုံ အပြောင်းအ လဲ ဖြစ်စရာ တစ်ပုံတစ်ပင်တောင် ရှိတယ်။ မင်မရေစီး မီဒီယာထဲမှာ ကဗျာအတွက် ကျန်နေတဲ့ အချိန်တွေအားလုံးကို အလွန်အမင်း စတိုင်ထွားတဲ့ ပေါ့ပ်ဂီတက ထပ်ဆောင်း ဖြည့်ပေးထားတယ်။ ကဗျာဟာ အလေးအနက်ထား ဖတ်ရတဲ့စာ။ ကဗျာ ဖတ်တော့မယ်ဆိုရင် တိတ်တိတ်ဆိတ်ဆိတ်နဲ့ အချိန်ယူ စဉ်းစား ဖတ်ရှုဖို့လည်း လိုတယ်။ လူတွေရဲ့ အာရုံကျမှုဟာ အကြွစိတ်ဘက်ကိုပဲ တောက်လျှောက် မျောပါ နေတာကြောင့် ကဗျာလိုဟာ မျိုးကို စိတ်မ၀င်စားလှပါဘူး။

Simon Fraser University (ဆိုင်မင်န် ဖရေဇာ တက္ကသိုလ်) က လူမှုဆက်ဆံရေးဗေဒ ဆရာ Norbert Ruebstaat (နောဘားထ် ရူးဘ်စထားထ်) က “ကြော်ငြာ ယဉ်ကျေးမှုဟာ ကဗျာကို အပြတ်ရှင်းထည့်လိုက်တာ။”လို့ ဆိုပါတယ်။ တစ်ကြောင်းစာ ကဗျာစာသားနဲ့ အပျံစား ပုံရိပ်တွေ မျှားပြီး ကျွန်တော်တို့ကို ဈေးခေါ်နေတာပါ။ ကြော်ငြာကိုယ်တိုင်က အကိုးအကား အဆိုအမိန့်တစ်ရပ် ဖြစ်လို့နေပါပြိ။ [Marshall MacLuhan (မားရှဲလ် မက်လူလန်း) တစ်ယောက်တော့ ဂျိုင်းကားနေဦးမှာ။] ကျွန်တော်တို့ရဲ့ စာအုပ်တွေဖြစ်ဖြစ်၊ ကျွန်တော်တို့ ကိုယ်တိုင်ပဲဖြစ်ဖြစ် အဆီအငေါ်မတည့် ဖြစ်နေပေမယ့် ကျွန်တော်တို့ လူ့အဖွဲ့အစည်းဟာ ရောင်းကုန်တွေနဲ့ အခြေခံထားတာ။ ကဗျာဟာ ရောင်းရေးဝယ်တာ ယဉ်ကျေးမှုနဲ့က အံဝင်ခွင် ကျ မရှိလှပါ။ စားသုံးသူတန်ဖိုး ခေါင်းပါးလွန်းလှတယ်။ ကဗျာအဖိုးစားနားနဲ့ ပတ်သက်ပြီး ကဗျာဆရာတစ်ယောက် ယောက်ကို မေးကြည့်လိုက် လေ။ တစ်ဒေါ်လာတောင် ရကြတာ မဟုတ်ဘူး။ ဒါကပဲ အခြေအနေ ဟန်ကျနေသေးတာ။ Andrienne Rich (အေးဒရီးယင်းန် ရစ်ခ်ျ) ပြောထားတာ ရှိတယ်။

“မျှော်လင့်ချက် ရှိနေပုံ ရသည်။ ကဗျာသည် အရင်းခံ လိုအပ်ချက်ဖြစ်သော ရိုးသား လွယ်ကူမှု ဂုဏ်ရည်အား ဆက်ထိမ်းထားရန် လိုအပ်၏။ က ဗျာ့ တရားကိုယ်သည် အရောင်းမြှင့်ခြင်း၊ ဈေးကွက် ထိုးဖောက်ခြင်း၊ များများထုတ် များများရောင်းဝါဒ ဖော်နည်းကားများ၌ “အောင်မြင်မှု” လံ ကြုတ်ဇာတ် ခင်းနေသော မှိုင်းတိုက်ခြင်းမှ ကင်းရှင်းရပေမည်။ အထူးသဖြင့် လူအချင်းချင်း ဆက်နွယ်ပတ်သက်ခြင်း၊ အသင်းအပင်းဖွဲ့ခြင်း၊ အမြင် ဖလှယ်ခြင်းနှင့် ကြုံရာကျပန်း ဖန်တီးနိုင်စွမ်းတို့အား ထည့်မတွက်ကြပဲ အကောင်ဖြစ်ချင်သည့် စိတ်ကို ဆွပေးနေသော ဂုဏ်တုဂုဏ်ပြိုင် သဘော သဘာဝမှ ကင်းလွတ်စေရမည်။ ဤအချက်မှာ မျှော်လင့်ချက် ဖြစ်ကောင်းဖြစ်ပေမည်။ ကဗျာသည် သဘာဝဓာတ်အားဖြင့် အကျိုးအမြတ်၊ ဈေး ကွက် ထိုးဖောက်ခြင်း၊ များများသုံး များများထုတ်ဝါဒတို့နှင့် လားလားမျှ မပတ်သက်ပါ။” [What is Found There: Notebooks on Poetry and Politics စာအုပ်မှ။]

ကဗျာလို့ ၀ိဂြိုဟ်ပြုထားတဲ့၊ အောက်သိုးသိုး အနံ့ထွက်နေတဲ့ လောကကျဉ်းကျဉ်းလေးဟာ ခေါင်းအုံးပိပြီး အသက်ရှု မွန်းကြပ်နေလို့ ကဗျာ့အသံပ လံ ကြားနိုင်မယ့်သူ မရှိပါ။ ဒါမှမဟုတ် လူတိုင်းက လှည့်မကြည့်ကြတာလည်း ဖြစ်ချင်ဖြစ်မှာ။ ဒါပေမယ့် အရာရာတိုင်းဟာ အသစ်တစ်ဖန် ပြန်လည် မွေးဖွားဖို့ သေဆုံးနေကြရတာ။ စားသုံးသူသုံး ၀က်ဘ်ဆိုက်ထ်တွေ၊ လူမှု ဆက်သွယ်ရေး ၀က်ဆိုက်ထ်တွေနဲ့ အများပြည်သူ မနောခွေ့ သဘော တွေ့ ဖြစ်နေကြတာတွေဟာ ကုန်ပစ္စည်း အရောင်းတွင်ကျယ်ရေးကို မြှင့်တင် မောင်းနှင်ပေးနေတာကြောင့် ကြော်ရေးငြာရေး ကိစ္စအနေနဲ့ တစ် ကယ့်ကို အသက်ဆက် ရှင်သန်ခွင့် ရနေတာပါ။ ဒါကလည်း ကဗျာ့ အနာဂတ်အတွက် အတိတ်ကောင်း နိမိတ်ကောင်းပေါ့။ ကြော်ငြာသမားတွေ ဟာ ကြော်ငြာချိန်နဲ့ မဂ္ဂဇင်းထဲ ကြော်ငြာနေရာတွေက စွန့်ခွာသွားကြပါလိမ့်မယ်။ ကျွန်တော်တို့ လူမှု အဖွဲ့အစည်းဝင်တွေအားလုံး “မင်း မြင် တယ်၊ မင်း ၀ယ်တယ်။” ဆိုတဲ့ အရိုးခံတရားက လွတ်အောင် ရုန်းထွက်ကြပါတော့မယ်။ ဘယ်သူတွေ ဘာရောင်းနေကြသလဲ ဆိုတာကို ကျွန်တော် တို့ အစဉ်တစ်စိုက် စိတ်ဝင်စားကြမယ် မဟုတ်တော့ပါ။ ကျွန်တော်တို့ ရည်ရွယ်ရင်းနဲ့ အသုံးတွင်မှုကို မြင်ကြရမှာ။ တန်ဖိုးထားမှုကို မြင်တတ်ကြ ရမယ်။ ကဗျာဟာ ငွေရေးကြေးရေး ဆက်နွယ်မှု ကင်းလွတ်တဲ့ အဖိုးထိုက် အဖိုးတန် ဖြစ်နေတာကြောင့် ဒါဟာ မျှော်လင့်ချက် တစ်ရပ်ပါ။

ဒါကြောင့် ကဗျာသေရတာ။ ဒါပေမယ့် အဲလ်ဗစ်(ပရက်ဇလီ)လို နေရာတိုင်းမှာတော့ တွေ့မြင်နေကြရမှာ။ ကဗျာမှာ အနာဂတ် ရှိပါတယ်။ ကျွန် တော်တို့ဟာ လောက သံသရာထဲမှာ တစ်ဝဲလည်လည် ဖြစ်နေကြရတာ။ ကဗျာဟာ ၁၉၈၀လွန် နှစ်တွေကလို အငြိုးကြီးကြီးနဲ့ကို တစ်ကျော့ပြန် လာတော့မှာ။ Billy Collins (ဘိလီ ခေါလင်းဇ်) ပြောသွားတာ အကောင်းဆုံးပါ။ “ကဗျာ့ ပရိသတ်တွေ သိသိသာသာ နည်းနေတယ်ဆိုတာ သိပါ တယ်။ ဒါပေမယ့် ကဗျာဆီက ပဲ့စင်ထွက်ခဲ့ကြတဲ့ စာဖတ်သူတွေ တစ်ပုံတစ်ပင် ရှိနေကြသေးတယ်။ သူတို့ စိတ်ပြန်လည်လာကြဦးမှာပါ။” ဒါဟာ ဘာတစ်ခုမျှ ရပ်တံ့မနေတဲ့ ကမ္ဘာလောကထဲက ကျွန်တော်တို့ရဲ့ ရပ်တည်ချက်။ ကျွန်တော်တို့ဟာ စဉ်ဆက်မပြတ် ရွေ့နေ၊ မွမ်းမံ တည်းဖြတ်နေ၊ ဖြည့်စွက်နေ၊ ထိုးဆွနေ၊ ရုန်းကန်နေကြရ။ ဒါကြောင့် ကဗျာတစ်ပုဒ်နဲ့ တလေးတနက် စဉ်းစား ဆင်ခြင် တွေးတောဖို့ဟာ လိုသည်ထက် လိုနေတဲ့ ကိစ္စ။ ကဗျာဟာ မြှုပ်နှံ သင်္ဂြိုလ်ထားတဲ့ အုတ်ဂူထဲက တိုးထွက်လာဖို့ အဆင်သင့်။ ဘယ်လို ထွက်လာမယ်၊ ဘယ်အချိန် ထွက်လာမယ် ဆိုတာသာ ရှိနေတော့တယ်။ ဘာပဲဖြစ်ဖြစ် ဖုတ်ဝင်ကဗျာ ပြန်ပေါ်လာပြီး သူ့ကို အပြတ်ရှင်းလိုက်တဲ့ဟာကို ဒီကမ္ဘာမြေပေါ်မှာ မကြေပွဲ ပြန်နွှဲဖို့ ကျွန်တော်က တော့ မျှော်လင့်နေမိကြောင်းပါ။

Poetry is Dead မဂ္ဂဇင်း စာစဉ် ၁ (ဇန္န၀ါရီ ၁၈၊ ၂၀၁၀ခုနှစ်) မှ Daniel Zomparelli ၏ Poetry is Dead: What the Hell Happened? အက်ဆေးအား ဘာသာပြန်ပါသည်။

သစ်စိုး

စက်တင်ဘာ ၂၄၊ ၂၀၁၀ခုနှစ်။

ကဗျာတစ်ပုဒ်ရဲ့နောက်မှာ ငါကွယ်ရပ်နေတယ်

2010-12-04T05:50:00.001-08:00

ဦးခေါင်းကိုမော့ပစ်လိုက်ဖို့မျှော်လင့်ချက်ကို အရောင်တင်ဖို့
ရေကြည်ရာမျက်နုရာငါစီးဆင်းလာခဲ့တယ်
ခံစားချက်ကိုမေ့လျော့လိုက်အနာဂါတ်ကိုမျှော်ကြည့်လိုက်ဖို့
ချစ်ခြင်းမေတ္တာရှိရာ နှလုံးသားရှိရာ ငါစီးဆင်းလာခဲ့တယ်
အလုပ်အကိုင်အခွင့်အလမ်းငွေကြေးစေညွှန်ရာလိုက်ပါဖို့
ကွန်ကရစ်အမြန်လမ်းမကြီးတွေရှိရာ ငါစီးဆင်းလာခဲ့တယ်
မြန်နှုန်းကိုမြှင့်တင်လိုက်ဖို့ ဘလော့စာမျက်နှာတွေဆီခုန်တက်လိုက်ဖို့
အင်တာနက်ဆိုက်ဘာကဖီးတွေရှိရာ ငါစီးဆင်းလာခဲ့တယ်
ဆယ်နှစ်ဆယ်မိုးယုံကြည်ရာကို ယုံကြည်ကြောင်းခဲရာခဲဆစ်ပြောဖို့
ရေဆန်လမ်းအချိုးအကွေ့တွေရှိရာငါစီးဆင်းလာခဲ့တယ်
တစ်နေ့ပြန်ဆုံမယ်ပြောပြီးဘယ်တော့မှပြန်မလာတော့တဲ့လူတစ်ယောက်အတွက်
ကြေကွဲစိမ်းလန်းသော အမှန်တရားရှိရာ ငါစီးဆင်းလာခဲ့တယ်
အနုပညာ၊ဘာသာစကား၊အတက်ပညာ အချိုးညီရောစပ်ဖို့
မက်နေကျအိပ်မက်အသေတွေရှိရာ ငါစီးဆင်းလာခဲ့တယ်
ပင်မှဲ့လား၊ဖွဲ့စပ်လား တိတိကျကျမပြောနိုင်သူလူ့အန္ဓတွေအတွက်
ဒုက္ခပေးယုံသက်သက်ကမ္ဘာကြီးရှိရာ ငါစီးဆင်းလာခဲ့တယ်
တစ်နေ့လုံးဖုန်းမပြောဖြစ်ဘူး၊အင်တာနက်မသုံးဖြစ်ဘူးဆိုပေမယ့်
ဖိုက်ဘာအော့ပ်တစ်ဆက်ကြောင်းတွေရှိရာ ငါစီးဆင်းလာခဲ့တယ်
တစ်နေ့ပြီးနောက်ထပ်မနက်ဖြန် ကဗျာအကြောင်းအတိအကျပြောဖို့
အလယ်ရိုးမ အလယ်တည့်တည့် ငါစီးဆင်းလာခဲ့တယ်
အစဉ်အဆက်ပြောလာရတဲ့ ကတိစကားတွေကို ခလုတ်ပိတ်ပစ်ဖို့
အခန်းဆက်ပြသနေတဲ့ အဓိပ္ပါယ်မဲ့ပြဇာတ်ဟောင်းတွေကိုမေ့ပစ်ဖို့
လွန်ခဲ့သောနှစ်ကာလ အဟောင်းကြီးရှိရာ ငါပြန်စီးလာခဲ့ရင်း
ကော်ဖီခွက်ကိုရှေ့မှာချ စီးကရက်သောက်ရင်းရေးတဲ့ အထက်တန်းစားကဗျာ
ဒီကဗျာရဲ့နောက်မှာ ငါကွယ်ရပ်နေတယ်ဆိုတဲ့ အကြောင်း။

အောင်ပိုင်စိုး
၁၇၊နိုဝင်ဘာ၊၂၀၁၀

ညှို့ဆွတဲ့ မြို့ပြ

2010-11-28T02:37:00.001-08:00

တစ်လောက သတင်းတစ်ပုဒ်မှာ ဖတ်လိုက်ရတယ်။ ပီကင်းမြို့တော်ကို ပြောင်းရွှေ့နေထိုင်တဲ့ (ကျေးလက် တောရွာက)လူများ သက်ဆိုင်ရာအား အမေရိကန်ငွေ သောင်းဂဏန်းချီပြီး ဒဏ်ငွေပေးဆောင်ရမည် ဟူလို။ ကျေးလက်တောရွာတွေမှာ အခွန်အတုပ် အနှုတ်အသိမ်းကလည်း များပြားလှတယ် ဆိုပါတယ်။ တရုတ် လယ်သမားဦးရေ သန်းတစ်ရာလောက်မှာ တစ်ပတ်ပျမ်းမျှ တစ်ဒေါ်လာပင် ၀င်ငွေ ရှိကြတာမ ဟုတ်ကြ။ လယ်သမား မိသားစုလုံးရဲ့ နှစ်ပတ်လည်ဝင်ငွေကလည်း Testarossa အမျိုးအစား ဇိမ်ခံကား အတွက် အရန်ကားတာယာတစ်ကွင်း ၀ယ်လောက်အောင်ပင် မရှိပါ။ ဒါကြောင့် မြို့ပြစက်ရုံ အလုပ်သမား တစ်ယောက် ရဲ့ ၀င်ငွေမှာ သူတို့အဖို့ သွားရည်ကျလောက်စရာပင်။ တရုတ်လယ်သမားတွေ ရေကြည်ရာ မြက်နုရာကို ပြောင်းရွှေ့လိုကြတာလည်း အမှန်။ တကယ်တော့ သဘာဝကျလှပါတယ်။ ဒီပြဿနာဟာ တ ရုတ်အာဏာပိုင်တွေအဖို့ နောက်စေ့ကိုက်စရာ ဖြစ်နေပါပြီ။ ၁၉၉၀ခုနှစ် ကိန်းဂဏန်းအညွှန်းတွေ အဆို အရ ပီကင်းနဲ့ ရှန်ဟိုင်းမြို့တွေမှာတောင် လောလောဆယ် မှီတင်းနေထိုင်သူတွေ လူဦးရေ ဆယ်သန်း ကျော်နေပြီတဲ့။

ကျွန်တော်တို့နိုင်ငံက လူငယ်တစ်ချို့ ဂျပန်၊ ထိုင်း၊ စင်္ကာပူ၊ မလေးရှားနဲ့ တောင်ကိုရီးယားတို့မှာ shore job သွားလုပ်ကြတာကို ဒီဖြစ်ရပ်နဲ့ နှိုင်းယှဉ်ကြည့်မယ်ဆိုဆိုရင် ခံစားနားလည်နိုင်မယ် ထင်ပါတယ်။ ပညာတတ်ဆိုသူများကိုတောင် အဲဒိနိုင်ငံတွေမှာ 3D လို့ခေါ်တဲ့ dirty၊ difficult၊ dangerous လုပ်ငန်းတွေမှာ အလုအယက် လုပ်ကိုင်နေကြရ။

လွန်ခဲ့တဲ့ နှစ်၄၀အတွင်း အိန္ဒိယ၊ ဘုံဘေမြို့မှာ လူဦးရေ လေးဆလောက် ပွားလာခဲ့ပါတယ်။ ကျေး လက်ပြည်သူ မိသားစု၃၀၀လောက်ဟာ ဘုံဘေကို အလုပ်အကိုင် ရှာဖွေဖို့ နိစ္စဓူဝ ပြောင်း ရွှေ့ဝင်ရောက်နေပါ တယ်။ ဒီလူအများစုဟာ အာရှတိုက်ရဲ့ အကြီးမားဆုံး ကျူးကျော်ရပ်ကွက် “ဒါရ၀ီ”မှာ အစုတ်အပြတ် ကောက်သူတွေအဖြစ် ဘ၀ဆုံးခန်းတိုင်သွားကြ။ မိန်းမပျိုတွေကတော့ ဘုံဘေရဲ့ ပြည့်တန်ဆာ ၁၂,၀၀၀ (ခန့်မှန်းတွက် ကိန်းဂဏန်း) မှာ အပေါင်းလက္ခဏာအဖြစ်။ ဒီလိုမျိုး အနိဌာရုံတွေကို ဆရာမြသန်းတင့် ဘာသာပြန်တဲ့ သုခမြို့တော် (City of Joy) မှာ ဖတ်ရှုဖူးမှာပါ။ “ကျွန်တော်တို့မြို့က နောက်ထပ်ဝင်လာ မယ့် လူတွေကို ဆက်ပြီး လက်ခံမထားနိုင်တော့ဘူး။ ကျွန်တော်တို့နိုင်ငံကလည်း ဒီမိုကရေစီစနစ်ကို ကျင့် သုံးလေတော့ ဒီလိုပြောင်းရွှေ့နေထိုင်တာတွေကို တားဆီးဖို့ ခက်ပါတယ်။” လို့ဆိုတဲ့ ဘုံဘေမြို့တော်ဝန် ဟောင်း မာလီ ဒေါ်ရာရဲ့ ညည်းညူသံကို ကြားယောင်မိရဲ့။

တစ်ချို့နိုင်ငံတွေကတော့ လယ်သမားတွေ ကျေးလက်မှာပဲ ပိုနေမြဲ ကျားနေမြဲ ဆက်လက်နေထိုင်သာ အောင် အထူးအခွင့်အရေး မက်လုံးများနဲ့ ချော့မြှူလုံးပန်းနေကြပြီ။ မြေယာ ဝေငှခြင်း၊ ဘဏ်တိုးနှုန်း သက် သက်သာသာနဲ့ ငွေချေးခြင်း၊ လယ်ယာသုံး စက်ကိရိယာတွေကို အရစ်ကျ ငွေချေစနစ်နဲ့ ရောင်းချခြင်း၊ ကမ္ဘာ့ ကောက်ပဲသီးနှံဈေး ကျနေလျှင်ပင် လယ်သမားများ အကျိုးစီးပွား မထိခိုက်စေရေးအတွက် အစိုးရ က ဈေးမြှင့်ဝယ်ယူခြင်း စသည်ဖြင့်...။ ဥပမာ- ဂျပန်နိုင်ငံ။

ယနေ့ကမ္ဘာမှာ လူဦးရေဆယ်သန်းအထက် မြို့ကြီးများ ၁၃မြို့အနက် ခုနစ်မြိူ့က အာရှတိုက်မှာ။ ကျွန် တော်တို့ရဲ့ မြို့တော် ရန်ကုန်မှာတောင် ၂၀၁၉၀ခုနှစ်မှာ လူဦါ်ရေ ငါးသန်းအထက် ရှိပေလိမ့်မယ်လို့ demography ကျွမ်းကျင်သူတွေက မှန်းဆတွက်ဆနေကြပြီ။ မြိုပြလူဦးရေ ပိုလျှံ့မှုဆိုတာကလည်း ဘယ်ရှု ထောင့်က ကြည့်ကြည့် တစ်ကယ်တော့ ရင်မောစရာ။ လေထုညစ်ညမ်းမှု၊ ပြည်သူကကျန်းမာရေး၊ ရာဇ ၀တ်မှု၊ အိမ်ရာပြဿနာ၊ ယာဉ်ကြောပိတ်ဆို့ခြင်း၊ အလုပ်လက်မဲ့ ပြဿနာ၊ ဆင်းရဲငတ်မွတ်မှုနဲ့ အခြားအ ခြား ပြဿနာပေါင်း သောင်းခြောက်ထောင်။

* * *
ကျွန်တော့်ဇနီးမှာ သူ့အောက် အသက်၂၀လောက် ငယ်တဲ့ မောင်နှစ်ယောက် ရှိပါတယ်။ မိဘတွေက ကိုး တောင်မြစ်ကမ်းမှာ ဆားလုပ်ငန်း (ယခုအခါတော့ လယ်လုပ်ငန်း) လုပ်ကိုင်နေကြလို့ မြစ်ဝကျွန်းပေါ် မြို့ ငယ်တစ်မြို့မှာ ကျွန်တော်နဲ့အတူ နေထိုင်ကြတာ သူတို့သက်တမ်းတစ်လျှောက်။ ဆယ်တန်းမှာ ညီအကို နှစ်ယောက် အပြိုင်အဆိုင်ပဲ တစ်ဖုန်းဖုန်းကျရှုံးနေလို့ ကျွန်တော်ကတော့ သူတို့ကို မိဘများနဲ့ လက်ရည် တစ်ပြင်တည်း လုပ်တိုင်စားသောက်စေလိုလှပါတယ်။ သူတို့မိဘတွေကလည်း အသက်အရွယ် အိုမင်းလှ ပြီမို့ သူတို့ရဲ့ အကူအညီကို မျှော်လင့်နေတာကလည်း သဘာဝကျပါတယ်။

ကျွန်တော်က ဆူပူကြိမ်းမောင်းလိုက်။ မိဘတွေက ချော့မော့ ခေါ်ယူသွားလိုက်။ သူတို့ညီအကို တောကို ခဏလောက် ပြန်သွားကြမြဲ။ ဒါပေမယ့် ပွင့်လင်းရာသီဖြစ်တဲ့ သီတင်းကျွတ်လမှာ ဆယ်တန်းပြန်ဖြေဖို့၊ ကျူ ရှင်တက်ဖို့ ဆင်ခြေတွေနဲ့ ကျွန်တော့်ဆီ ပြန်ရောက်နေကျ။ ကျွန်တော်တို့မိသားစုကလည်း သူတို့မိဘတွေ ပိုင်တဲ့အိမ်မှာ “ကပ်နေ”ရတာမို့ သူတို့ကိုမာမာထန်ထန် မပြောသာ။ တစ်ခါတစ်ခါ သူတို့နှစ်ယောက်ကို “အ လုပ်အကိုင်= ကျောင်းသား”လို့ ရိသဲ့သဲ့ပြောတိုင်း သူတို့ ပြုံးစေ့စေ့။ စာလည်းမကျက်။ စာမေးပွဲကိုလည်း တစ်နှစ်မျှ ဆုံးခန်းတိုင်အောင် မဖြေကြ။ ဒီလိုနဲ့ သူတို့လည်း မြို့မှာပဲ အိမ်ထောင်ကျသွားကြ။

မိဘတွေရဲ့ရွာမှာ သူတို့ ဘာလို့ မပျော်ပိုက်ကြတာလဲ။ မြို့ပြကလည်း သူတို့အပေါ် ဘယ်လို ဆွဲငင် ဓာတ်များ သက်ရောက်နေကြသလဲ။ ကျွန်တော်လည်း မပြောတတ်ပါ။ အမှန်အတိုင်း ၀န်ခံရရင် ကျွန်တော်ကိုယ် တိုင်ကပင် မြို့နီးချုပ်စပ် တျေးရွာတွေကို တစ်နှစ်လျှင် တစ်ခေါက်တောင် အလည်အပတ် ရောက်ဖူးတာမဟုတ်။ ဒါကြောင့် (သူတို့ဖြစ်ရပ်ရဲ့)အဖြေကို ရှာဖွေရန် ခက်လှပါတယ်။

ဒီလိုနဲ့ မြို့ပြရဲ့ ညှို့ဓာတ်ကို စိတ်ဝင်စားလာမိပြန်တယ်။ မြို့ပြနဲ့ ကျေးလက်တို့ ဘယ်လောက် ကွာဟနေ ကြပါသလဲ။ ယခုအချိန်မှာ ကမ္ဘာကြီးကိုတောင် ကျဉ်းမြောင်းလှပြီလို့ ပညာရှင်တွေ အများ အပြားက ညည်းညူပြောဆိုကြရဲ့။ Global village ဆိုလား။ ဘာကိုတင်စားတာလဲ။ လမ်းပန်း ဆက် သွယ်ရေးအရလား။ သတင်းစားသုံးမှု အနှိုင်းအရလား။ ကျွန်တော်ကိုယ်တိုင်လည်းေ၀၀ါးဝါးပင်။ မြို့ပြ ရဲ့ ညှို့ဓာတ်ဆိုတာ ရှိ ကောင်းပါသလား။

You've just been Told

to move to
Wolfe island:
a rounded island in a wide
river at the edge of a wide, dark lake.
You've been told
to move to Wolfe Island. What
will you find there?
Wolves?
Traps for wolves?
You've
been told to move to Wolfe Island.
What can you take along when you go?
All the kitchenware.
All the hammers and saws.
This book and that book.
Whatever your choice was.
You'll take a free ferry
to Wolfe Island. The car
has its brake set and won't roll.
The ferry clanked into the dock
of the island.
What do you find there?
A small town. A red stop sign.
Island of squared-off fields
in a pond of trees.
Little-box houses in square
yards. Clouds spread over the trees,
as flat as icing. Fences,
green wheat. A second shore.
A road with a name like
Button Edge Road?
Can't we go back and look?
Later. Don't worry.
Now we live here.

Elizabeth Macklin

* * * *

အမေရိကန် ခေတ်ပေါ်ကဗျာက ခတ်ရိုးရိုးလေးပါ။ ၀တ်လ်ဖ်ကျွန်းကို ပြောင်းနေကြမလားလို့ ချစ်သူက က ဗျာဆရာမကို တိုက်တွန်းနေတာ။ ၀တ်လ်ဖ်ကျွန်းဆိုတာ ညိုမှောင် ကန်ပြင်ကျယ်အစွန်း မြစ်ပြင်ကျယ်ထဲက ကျွန်းဝိုင်းလေး။

“လယ်ကွင်းကိုဖြတ်၊ ရိုးပြတ်ကိုကျော်...ပြည်သူခေါ်သော ဘ၀လမ်း...စိန်ပန်းကတ္တရာ မြေမှခွာ...ပြည်သူ့ သစ္စာ ရင်ခွင်မှာ...”ဆိုတဲ့ အသုံးလုံးလှုပ်ရှားမှုကာလက ကျွန်တော်တို့ရင်ကို လှုပ်ခါစေခဲ့တဲ့ သီချင်းတစ်ပိုင်း တစ်စကိုတောင် ပြန်လည်ကြားယောင်မိပါရဲ့။ မော်စီတုံးခေတ် “ကျေးလက်မှာ သင်ယူကြ”ဆိုတဲ့ ဆောင် ပုဒ်နဲ့ခေတ်ပြိုင်။ အဲဒိနောက်ပိုင်းမှာ ကမ္ဘောဒီးယား ကွန်မြူနစ်ခေါင်းဆောင် ပိုပေါ့က ဓနရှင် ဘူဇွာ အတွေး အခေါ်တွေကို ချွေးနဲ့ဆေးကြောဖို့ ပညာတတ်တွေကို ကျေးလက်မောင်းပို့ခဲ့တာ မှတ်မိကြသေးရဲ့လား။

အဲဒိကျွန်းမှာ ဘာတွေတွေ့ရမလဲ။ ၀ံပုလွေထောင်ချောက်တွေလား။ ချစ်သူက သူမကို ဘာတွေယူသွားမှာ လဲလို့ မေးလိုက်တယ်။ မရှိမဖြစ် မီးဖိုချောင်သုံး ပစ္စည်းများ။ တူနဲ့ လွှများ။ သူမစိတ်ကြိုက် ဟိုစာအုပ်၊ ဒီစာအုပ်။ မြို့နေလူတန်းစားလည်းဖြစ်၊ ကဗျာဆရာမလည်းဖြစ်တော့ ကျေးလက်ဒေသမှာ ဖတ်စရာမရှိရင် ဒုက္ခ။

ကျေးလက်မှာ ကျေးလက်ရနံ့ကို ရှူရှိုက်ရမှာ။ တောမြို့ကလေး တစ်မြို့။ သစ်ပင်တွေ ၀ိုင်းရံနေတဲ့ ရေကန် တစ်ကန်။ လေးထောင့်စပ်စပ် ဂျုံခင်းများ။ သစ်ပင်တွေပေါ်မှာ ပြန့်ကြဲအုံ့မှိုင်းနေတဲ့ တိမ်များ။အဲဒိတောမြို့ က ဘတ်ထင်အဲ့ဂ်ျ လမ်းကလေး။ ကဗျာဖတ်သူတောင် ကျေးလက်အလှအပကို စိတ်ကူးယဉ် စီးမြောလို့။ သူတို့နဲ့ပဲ လိုက်ပါသွားချင်လောက်အောင် ဆွဲငင်အားကောင်းပေရဲ့။

အဲဒိမှာ အဇ္ဈတ္တအတွင်းစိတ်က ကျွန်တော်ရဲ့ လှပတဲ့ အိပ်မက်ကို ဇက်ခွံ့ပေးလိုက်ပြန်ကော။ “ဒီမြို့ပြကို ပြန်လာပြီး အလွမ်းပြေ ကြည့်လို့မရဘူးလား။”တဲ့။ ဒီမေးခွန်းဟာ ကဗျာဖတ်သူ (ကဗျာဖတ်သူ ခေတ်ပြိုင် လူငယ်တွေအားလုံး)ကို နှိုးဆွလိုက်တာပါ။ ဒါကဗျာရဲ့ ဇာတ်ထွတ်(climax)။

ချစ်သူက သူမရဲ့ ညှိုးငယ်မျက်နှာကို ထောက်လှမ်းမိပုံရရဲ့။ ချက်ချင်းဆိုသလိုပဲ မျက်ဖြေစကားတစ် ခွန်းကို တစ်ဆက်ထည်း တုံ့ပြန်လိုက်ပါတယ်။ မကြာပါဘူး။ မပူပါနဲ့။ ငါတို့ ဒီမှာ (ဒီမြို့ပြမှာ) ပဲ နေကြမှာပါတဲ့။

ဟုတ်ပါတယ်။ ကျွန်တော်တို့ကို ဒီမြို့ပြက ဘယ်လောက်တောင် နှိုးဆွနေမှာလဲ။ ကျွန်တော်တို့ကကော ဒီ မြို့ပြရဲ့ ညှို့ချက်က ရုန်းထွက်ခွင့်ရကြမှာလား။ အဖြေရှာကြည့်ကြပါစို့။

* * * *

ပြောပြီးသား

ဝတ်လ်ဖ်ကျွန်းကို
ပြောင်းဖို့။
ညိုမှောင်ကန်ပြင်ကျယ်စွန်း၊ မြစ်
ကျယ်ထဲက ကျွန်းဝိုင်း။
ပြောပြီးသား
ဝတ်လ်ဖ်ကျွန်းကို ပြောင်းဖို့။ မင်း
ဟိုမှာ ဘာတွေ့ရမလဲ။
ဝံပုလွေတွေလား။
ဝံပုလွေထောင်ချောက်တွေလား။
ဝတ်လ်ဖ်ကျွန်းကို
ပြောင်းဖို့ပြောပြီးသား။
မင်းဘာတွေ ယူသွားမှာလဲ။
မီးဖိုချောင်သုံးပစ္စည်းတွေ။
တူနဲ့လွှတွေအားလုံး။
မင်းစိတ်တိုင်းကျ
ဒီစာအုပ်နဲ့ ဟိုစာအုပ်။
ဝတ်လ်ဖ်ကျွန်း ကူးတို့ကြုံ
စီးရမယ်။ အိမ်ကကား
ဘရိတ်ကြပ်နေလို့ မလိမ့်နိုင်ဘူး။
ကူးတို့က ကျွန်းရဲ့ ဆိပ်ခံတံတားကို
ဒုတ်ခနဲ ၀င်တိုက်ပေါ့။
မင်းဟိုမှာ ဘာတွေ့မလဲ။
တောမြို့တစ်မြို့။ အနီရောင်မှတ်တိုင် တစ်တိုင်။
လေးထောင့်စပ်စပ် ဂျုံခင်းများရှိရာကျွန်း
အုံ့ဆိုင်းသစ်ပင်များနဲ့ ကန်ထဲက။
စတုရန်းပုံ ခြံဝန်းထဲက သေတ္တာလို
အိမ်ကလေးများ။ သစ်ပင်တွေပေါ်က ပြန့်ကြဲ တိမ်များ။
ရေခဲနေသလို ပြားချပ်လို့။ ခြံစည်းရိုးများ၊
ဂျုံပင်စိမ်းစိမ်း။ ဒုတိယ ကမ်းခြေ။
ဘတ်ထင်အဲ့ဂ်ျလို
နာမည်မျိုးနဲ့ လမ်းတစ်လမ်းဆိုလား။
ငါတို့ ပြန်လှည့်ကြည့်လို့ မရနိုင်တော့ဘူးလား။
မကြာဘူး။ မပူပါနဲ့။
ငါတို့ ဒီမှာပဲ နေကြမှာ။

-အဲလဇ္ဇဘက်သ် မက္ကလင်းန်

Ref: Newsweek May 9, 1994.

The New Yorker June 14, 1993.

သစ်စိုး

ရနံ့သစ်မဂ္ဂဇင်း ၊ အမှတ် ၃၉

နိုဝင်ဘာလ ၊ ၁၉၉၅ ခုနှစ် ။

လွန်ခဲ့တဲ့(၁၅)နှစ်လောက်က ဆရာသစ်စိုးဘာသာပြန်ထားတဲ့ ကဗျာရေးရာ ဆောင်းပါးလေးတစ်ပုဒ်ပါ။အဆင်သင့်တာနဲ့ပြန်တင်ပေးဖြစ်တယ်။လက်ရှိမြန်မာကဗျာရှုခင်းနဲ့ ကိုက်ညီ/မကိုက်ညီ ဖတ်ရှုဆင်ခြင်သင့်ကြောင်းပါ။

မော့ဝ်ဇဲ့တုန်းနဲ့ စကားစမြည်

2010-10-20T08:17:00.001-07:00

ကျုပ်ကို ကွယ်လွန်သွားပြီဖြစ်တဲ့ ဘိုးဘေးဘီဘင် တစ်ယောက်လို ဆက်ဆံတာ မကြိုက်ဘူး။
_ မော့ဝ်၊ ၁၉၆၆ခုနှစ်။
ကျွန်မတို့ရဲ့ လေးစားမြတ်နိုးစရာ ဥက္ကဌကြီး မော့ဝ် ရှင့်၊
ခေတ်ကောင်းတဲ့ အချိန်တုန်းက ကျွန်မ ရှင် ပြောတာ ကြားမိတယ် ထင်ရဲ့
အရုဏ်တက်ချိန် နန်းတော် ခေါင်မိုးပေါ်က
ကောင်းကင်ကို လက်ယမ်းရင်း စကားလုံးတွေ မိန့်ခြွေ
တပ်နီတွေ သွေးရူးသွေးတမ်း အော်ဟစ်သံ ပဲ့တင်လို့။

ရှင့်ရဲ့ အခံရဆိုးတဲ့ အနိစ္စဟာ အချိန်မတိုင်မီ ဖြစ်ခဲ့
ငလျှင်နဲ့ နေကြတ်ချိန်ကြား ကာလမှာ
နေမင်းကြီး ကွယ်ပျောက်ပေါ့။ “ခွေးတစ်ကောင် စားပစ်လိုက်တာ။”
ရှင့် အတွေးအခေါ်တွေ လမ်းပေါ် ချီတက်ခဲ့
စာအုပ် အနီလေးတွေ စစ်ပြင်နေကြ။

ရှင့်ဇနီးက သူဟာ ရှင့်ခွေးတဲ့၊
ဘယ်သူ့ကိုပဲ ရှူးတိုက်တိုက် ပြတ်သွားအောင် ကိုက်ထည့်လိုက်မတဲ့။
ဂယောင်ခြောက်ခြားနဲ့ ဟောင်နေရင်း၊ လက်နဲ့
ဒူးရိုးတွေ သူကိုက်ဝါးပစ်ခဲ့။ ခုံရုံး အတင်ခံရမှ
သူ့လျှာက လွဲလို့ ဘာများ ကိုက်ဝါးခဲ့ဖြစ်သလဲ။

ကြွေးကြော်သံတွေ ဘာလဲလို့ ကျွန်မကို ရှင်းပြပါလား၊
စာသား အနက်က ဘာလဲ၊ ဒါတွေက ဘာဖြစ်လို့
ဝိဥာဉ်နဲ့ စိတ်ဓာတ်တွေကို အဆိပ်ခတ်ရတာလဲ။ ရှင်ကတော့
စာအုပ်တွေနဲ့ အဲဒိ စာအုပ်တွေ မြုတ်နေတဲ့ တိုင်းပြည်နဲ့အတူ အိပ်ပျော်နေခဲ့ပေမယ့်။

ကိုယ့်ကိုယ်ကိုယ် ပြန်မေးကြည့်လိုက်မိရဲ့၊ ဘာဖြစ်လို့ ရှင့်ကို
စကားပြောဖြစ်နေရသလဲ သွားလေသူကြီးရေ။
ပါရီက ကြက်မြီးပါတီမှာ ရှင်ကတော့ ခေသူမဟုတ်
ဆွီဒင် ဂျာနယ်လစ်က ရှင့်ကဗျာကို ရွတ်တယ်
ရှင် ဘာဖြစ်လို့ သူရဲကောင်းတွေကို ချီးမြှောက်တာလဲတဲ့။

သမိုင်းမှာ ပွဲသိမ်း ဝေါဟာရ မရှိတာ ရှင်းလောက်ရဲ့
မိတ်ဆွေနဲ့ ရန်သူ အချိန်အဆက အဆုံးအဖြတ်ပေးလိုက်ပေါ့။
ရှင် တိုင်းပြည်ကို အနီရောင် ဆိုးခဲ့တာ ထောက်မပြကြပေမယ့်
တိုးရစ်တွေ မဟာရံ တံတိုင်းမှာ အသွားအလာ ရပ်မသွားအောင် ဖြစ်ခဲ့။
ငိုညည်းတဲ့ နိုင်ငံကို ကျွန်မ မယုံဘူး၊
ငိုကြွေးတဲ့ လူတွေကို ကျွန်မ မယုံဘူး။
ဝတ်ရုံဖြူတွေနဲ့ ထွက်ရပ်ပေါက် ပုဂ္ဂိုလ်တွေ ရှင်မြင်မိရဲ့လား။

သေနေတဲ့ လောကဘုံကို ရှင်အိပ်မက် မက်ဖြစ်သလား။

ဖျူနာ ဇဲ့ လောရိန်း
Cha: An Asian Literary Journal /
September 2010 (Issue 12)
Fiona Sze-Lorrain သည် တရုတ်လူမျိုး ဂီတ ပညာရှင်၊ စာရေးဆရာမနှင့် စာပေ
ဘာသာပြန်သူ။ Water the Moon (Marick Press, 2010) ကဗျာစာအုပ် ရေးသားခဲ့။
အင်္ဂလိပ်၊ ပြင်သစ်နှင့် တရုတ် ဘာသာများဖြင့် ကိုယ်တိုင် ရေးသား၊ ဘာသာပြန်။
သူမ၏ ဂီတလက်ရာ စီဒီချပ် In One Take အား လာမည့် ရွက်ကြွေရာသီ၌
တစ်ကမ္ဘာလုံးသို့ ဖြန့်ချီရန် စီစဉ်လျှက်ရှိ။ Cerise Press က အယ်ဒီတာ
အဖွဲ့ဝင် တစ်ဦး။ ပါရီမြို့ရှိ Vif E'ditions စာအုပ်တိုက်၌ လက်ရှိ
တာဝန်ထမ်းဆောင်လျှက်ရှိ။

A Talk with Mao Tze-tung

by Fiona Sze-Lorrain

I don’t like being treated as a
dead ancestor
— Mao, 1966
Our most esteemed Chairman Mao,
there are days when I thought I heard you
on the rooftop of a palace at dawn
waving to the sky and mouthing some words
echoed by Red Guards in hysterical chants.

Your painful death was not timely,
between an earthquake and an eclipse,
when the sun disappeared — "a dog ate it up!"
Your thoughts marched in the streets,
little red books going to war.

Your wife said she was your dog,
whoever you asked her to bite, she bit hard.
Fevered and barking, she devoured hands
and knees. Brought to trial, what
did she bite except her own tongue?

What are slogans, tell me the answer, what
are words and why do they poison
spirits and minds, though you slept with
books and the nation buried them?

I ask myself, why am I talking to you, dead man?
At a cocktail party in Paris, you are nowhere
till a Swedish journalist recites your poetry
and wonders why you praise heroes.

Clearly history has no last word,
they sweep it away by weighing pros and cons.
No one refutes you made the nation red, for
tourists never cease to swarm the Great Wall.
I do not believe in a weeping nation,
I do not believe in her mourning people.
Do you see immortals in white robes?

Do you dream of dead kingdoms?

--from Water the Moon.

--
သစ်စိုး

အဓိပ္ပါယ်ဖော်ပြရန် ခက်ခဲသော ကဗျာ ဘလော့တစ်နှစ်ပြည့်မြောက်ခြင်းအမှတ်တရစကား

2010-10-10T07:26:00.001-07:00

အချိန်ကာလတွေကတော့တစ်နေရာပြီးတစ်နေရာ ရွေ့လျားပြောင်းလဲနေတက်တာဟာဓမ္မတာပါပဲ။
နောက်ကိုလှည့်ကြည့်လိုက်ရင်တော့ မြင်ကွင်းတစ်ချို့ဟာ မပီပြင်၊မပြတ်သား၊မထင်မရှားဖြစ်နေတက်ပါတယ်။
တစ်ချို့အဖြစ်အပျက်တွေကတော့ စိတ်ထဲမှာ စွဲထင်နေကျန်ရစ်လောက်အောင်ပင် ပြတ်ပြတ်ထင်ထင်မြင်နေမိပြန်ပါတယ်။
ဒါဟာဘာကြောင့်လဲဆိုတာကတော့ ထင်ရှားခိုင်လုံတဲ့သက်သေအထောက်အထားတွေနဲ့ ပြောဆိုလို့မရနိုင်အောင်
ထူးဆန်းနေခြင်းဖြစ်စဉ်တစ်ခုခုကြောင့်လို့ပြောဆိုနိုင်ပါတယ်။ ကဗျာ ဆိုတဲ့ဘာသာဗေဒ၊စကားလုံးများနဲ့
ပြုလုပ်တည်ဆောက်ထားတဲ့အကြောင်းအရာတစ်ခုဟာ ဘာကြောင့်လူ့ယဉ်ကျေးမှုအဖွဲ့
အစည်းတစ်ခုထဲမှာနေရာတစ်နေရာမရခဲ့တာလဲ?ကျွန်တော်တို့ ကဗျာဖန်တီးရေးသားနေတဲ့
ကဗျာဆရာဆိုသူတွေရော၊ကဗျာချစ်သူ လူတန်းစားအားလုံးကရော ကြိုးစားအဖြေရှာဖို့လိုနေတဲ့
အချိန်အခါကိုရောက်ရှိနေပါပြီ။တစ်ချို့ကလည်း အဟောင်းကိုစွဲလန်းတဲ့ စိတ်ရောဂါအခံတွေနဲ့
ကဗျာ၊ကဗျာ၊ကဗျာ ဆိုပြီး အသစ်တင်သွင်းလာတဲ့ ကဗျာနည်းနာနိသယတွေကိုအကြောက်အကန်ငြင်း
ဆန်တော်လှန်နေတာကိုတွေ့မြင်နေရပါတယ်။ဆိုလိုတာကတော့ အယူအဆ၊၀ါဒရေးရာတွေတိုင်းမှာခိုင်မာတဲ့
သက်သေ၊အကိုးအကားတွေတည်ရှိနေပါတယ်။ရေရှည်တည်တံ့ခိုင်မြဲတဲ့ ပြောင်းလဲခြင်းဆိုင်ရာဝါဒတွေကိုလည်း
မနှစ်သက်တဲ့သူတွေလဲရှိနေနိုင်ပါတယ်။ဒါပေမယ့် ဝါဒတစ်ခုကိုမနှစ်သက်၊အမြင်မကြည်လင်ဖူးဆိုလျင်တောင်
အဲဒီဝါဒကိုတော့ မကြိုက်နှစ်သက်ကြောင်းအကိုးအကားပြသနိုင်ဖို့ ဒီဝါဒကို ပြန်လည်ချေပနိုင်ဖို့ လေ့လာသင့်တာတော့အမှန်ပါပဲ။
မိတ်ဆွေကဗျာဆရာတစ်ဦးကတော့ စစ်အေးကာလရောက်နေတဲ့ ကဗျာဆိုင်ရာ အနေအထားလို့ပြောနေတာကို
လက်ခံချင်နေပါတယ်။ ဘယ်လိုပဲဖြစ်စေကာမူကျွန်တော်တို့ကတော့ ကဗျာကိုစွဲလန်းနှစ်သက်တဲ့စိတ်အခံတွေနဲ့
ကဗျာတွေကိုဆက်လက်ရေးသားနေမှာ အမှန်ပါပဲ။ ပရင့်ဖော်ပြခွင့်ရရှိနေကြတဲ့ ကဗျာဆရာတွေရော၊ဘလော့ပေါ်က
ကဗျာဆရာတွေပါ ဘယ်သူဘယ်ဝါကတော့ ဘာဖြစ်တယ်ဆိုပြီးအငြင်းပွားနေကြတဲ့အချိန်ကာလတစ်ခုကိုလည်း
ကျွန်တော်တို့ အတော်အသင့်ကျော်ဖြတ်ပြီးပြီလို့လည်း ယုံကြည်နေမိပါတယ်။
ကျွန်တော်တို့ကလည်း (အဓိပ္ပါယ်ဖော်ပြရန်ခက်ခဲသော ကဗျာ)ကဗျာဘလော့လေးတစ်ခုကို လွှင့်တင်ဖြစ်ခဲ့တာ
ဒီOctober 16 ရက်နေ့ဆို ဒီကဗျာဘလော့လေး တစ်နှစ်တင်းတင်းပြည့်မြောက်ခဲ့ပါပြီ။
ဒီကဗျာဘလော့လေးတစ်နှစ်ပြည့်မြောက်တဲ့ အမှတ်တရအနေနဲ့ ကျွန်တော်တို့ရဲ့ နောင်တော်ကဗျာဆရာ(ကို)ခင်အောင်အေးရဲ့
ကဗျာထဲက ကဗျာဗေဒ ဆိုတဲ့ ကဗျာဆိုင်ရာ သဘောထားတခုနဲ့ သူ့ကဗျာ ၂ ပုဒ်ကိုတင်ဆက်လိုက်ပါတယ်

အမှားပြောသူများရော၊အမှန်မြင်သူများပါမကျန် ကျေးဇူးတင်ထိုက်သူများအားလုံးကို ဒီစာမျက်နှာလေးကနေ အထူးကျေးဇူးတင်ရှိကြောင်း တစ်ဆက်တည်းပြောကြားလိုပါတယ်။

သူရနီ၊အောင်ပိုင်စိုး
(အဓိပ္ပါယ်ဖော်ပြရန် ခက်ခဲသောကဗျာ)

ကဗျာထဲက ကဗျာဗေဒ

2010-10-10T07:10:00.001-07:00

ဒီဘက်ပိုင်းမှာ ကဗျာပြန်ရေးဖြစ်တော့ အရသာကော ကဗျာကိုကိုင်တွယ်ပုံကော သိသိသာသာ ပြောင်းလာခဲ့တယ်။ သိသိသာသာဆိုတာ ခုမှ ပြန်ကြည့်ပြီးပြောရတာပါ။ ပြောင်းနေတုန်းကတော့
ပြောင်းမှန်းမသိ တအိအိလေး ပြောင်းလာတာ။ အဲ ခုနောက်ပိုင်း ကဗျာရေးတဲ့ အခါ (ကဗျာရေးတယ်
ပြောပြော ကဗျာတပုဒ် ဖန်တီးထုတ်လုပ်တယ်ပြောပြော making a poem ပဲပြောပြော စိတ်မဆတ်
တော့ပါဘူး) စကားလုံးတွေ ဝေါဟာရတွေ စာကြောင်းတွေအပေါ်မှာ အများဆုံးအားပြုတာမို့ ကိုယ့်
အဖို့ကတော့ ကဗျာရေးတယ် ဆိုတာကိုပဲ အာတွေ့တယ်။ခု နောက်ပိုင်း သုံးတဲ့ နည်းအသစ်တချို့ကို ဇေယျာလင်းရဲ့ မေးခွန်း ၃ ခု ကိုဖြေတုန်းက ခေါင်းထဲ အမြန်ရောက်လာတာတွေ ပြောခဲ့ဖူးတယ်။

အရင်က မလုပ်ဖူးပဲ ခုမှ အရသာတွေ့တဲ့ နောက်တနည်းကတော့ ကဗျာဗေဒ ကို ကိုယ်ရေးတဲ့ကဗျာထဲ ထည့်ရေးတယ် ဆိုတဲ့ သဘောတရားကို အခြေခံထားတဲ့ နည်းတနည်းပါပဲ။ ကိုယ့် အမူအကျင့်အတိုင်းပဲ
ဘယ်နည်းကိုမှ သိသိသာသာ ထူထူထဲထဲ မသုံးချင်တာကြောင့် အရသာတွေ့ရုံကလေးပဲ ဆွဲသုံးလိုက်
တယ်။ တခြားနည်းတွေလည်း ရောနှောပါနေမှာပဲ။ ယုတ်စွ အဆုံး မော်ဒန်တုန်းက ကောင်းခဲ့တာလေး
တွေလဲ အကွက်ကြုံရင် ကြုံသလို ထည့်သုံးလိုက်တာပဲ။ ကဗျာအသစ်နဲ့ ပတ်သက်လို့ အင်္ဂလိပ်လို တိုက်ရိုက်လေ့လာနိုင်စွမ်း မရှိပါဘူး။ တာဝန်သိတတ်သူတွေ ဘာသာပြန်တဲ့ အထဲက (ဇေယျာလင်း
အများဆုံး) ကိုယ့်စိတ်အခံနဲ့ ကိုက်တာတွေကို လကံ္ခရယူ သုံးစွဲပါတယ်။ ကိုယ်ပိုင်တီထွင်မှု နည်းနည်း
ကို အဲဒီထဲ လောင်းထည့်လိုက်တာပါပဲ။

ခင်အောင်အေး

ခုကဗျာ ၂ ပုဒ်ကို နမူနာအဖြစ် အောင်ပိုင်စိုးရဲ့ ဘလောက်မှာ post လုပ်လိုက်ပါတယ်။
(ကဗျာအကြောင်း ကဗျာထဲထည့်ရေးတယ်ဆိုတာ ထင်ရှားစေချင်လို့ကို ကဗျာ ဆိုတဲ့ စကားလုံးကို
ခေါင်းစဉ်မှာ ပါအောင် တမင်ထည့်ထားတာ)

ကဗျာ မကောင်း ကောင်းအောင် ရေးနည်း နိဿရည်း

2010-10-10T07:02:00.001-07:00

ထောပတ်နံ့ နည်းနည်းရတယ် အဲဒီဟင်းလျာက ဈေးအကြီးဆုံးဟင်းပွဲ ဂုဏ်ပြုအစီအစဉ်
အကယ်ဒမီ ပွဲလောက်နဲ့ တန်းညှိလို့ရတယ် ကန်စွန်းပလ်ိန်းဆိုပိုကောင်းမယ် အဲဒါဆို ကွန်ပလိန်း
တက်လို့လဲရတာမို့ ချစ်သူရဲ့စိမ်းကားစကားကြောင့် ပင်လယ်သွားမယ် ဒါပဲ မပိုချင် မလိုချင် ဒီ ခွကျကျ
ဆန္ဒ ရည်မှန်းချက် အလိုမတူပဲ ပေါင်းရတဲ့ လင်သားလို မင်းဆက်ဆံရေး ဒီထက်ပိုရေးလဲ ဒီထက်
မပိုတော့ပါဘူး ရှင်သန်ရေး နည်းဗျူဟာ လူအုပ်ထဲ ကျည်ဆံတွေ မွှေ့ယမ်း ပစ်သွင်းလိုက်ရုံနဲ့ အနှစ်
နှစ်ဆယ် သုံးဆယ် ဒီလိုလဲ အဓမ္မတွေ မိုးကောင်းခွင့်ရပုံ မှိုပွင့်တွေလို နောက်ထပ် အမျိုးအမည်မသိ
မှိုတွေ အထပ်ထပ်ပွင့် မညီတာတွေ disorder ပုံပျက်ပန်းပျက် မဟန်တော့တဲ့ ဟန်ချက် ဖျစ်ဖျစ်မြည်
နေတဲ့ လဲမကျသွားအောင် ထိန်းထားရမှုတွေ ကုန်ပါပြီ လက်ကျန်ကို ကွက်ကျန်နဲ့တည်းဖြတ်ြပီး
ခွက်ကျန် ကိုပါ တရှိန်ထိုးမော့ချလိုက်ပြီ ရုပ်ဝါဒီကျကျ ဘလက်ကော်ဖီကျကျ အပေါ်ယံအရေပြားကျကျ
ဒီနေ့တိတိကျကျမှာ သင့်အယူ မှန်ကန်ဘို့ သတင်းစာအဟောင်းတွေ ပလတ်စတစ် အိမ်သုံးပစ္စည်းနဲ့
လဲလှယ်ရေး အစီအစဉ် ဈေးကွက်စီးပွားရေးကော ဇီးကွက်စီးပွားရေးကော ဇီးကပ်စီးပွားရေးပါမကျန်
တိုရန်တို မက်ဆိုပိုတေးမီးယန်း သင့်လျှာတွေ့ရာ အာတွေ့ရာ အမည်နာမ ဘာကမှ ဘာကိုမှ ဘာတွေ
ဖြစ်စေ ဘာတွေရစေ စေလိုရာစေနိုင် တန်ခိုး ဒါကြောင့် ညေးမူ သဇင်ပန်းရောင်းရတယ် ခေါင်ရည်ရောင်း
ရတယ် အဲဒီမှာ ကဗျာက ပိုကောင်းသွားပါတယ်။ ။

ခင်အောင်အေး

၁၁၊ ဧပြီ၊ ၂၀၁၀ ဘန်ကောက်စံတော်ချိန် ၂၁း၃၈ နာရီ

ကဗျာအကြောင်း ရေးကြီးခွင်ကျယ်လုပ်ပြီး ရေးလိုက်တဲ့ ကဗျာ

2010-10-10T06:23:00.001-07:00

ဘာမှမပါဘူး ကျီးကန်း ဆက်ရက်နဲ့ သာလိကာ ဇာတ်ကောင်သုံးကောင်ထဲ
ဘလော့ဂ် ဖိုးအိုနိုင်း တင်းန်ပနီးဇ် စထရိ ဖော်တီဝမ်း အိတ်တင်းန် ဖစ်ဖ်တီတူး
သဲပြင် အခက်အခဲကျော် ကစားကွင်း ဆေးရောင်စုံ သန့်ရှင်းရေးသမား တဒီဒီ
စက်မောင်းလျက် ငါ ဖုံးဆက်လိုက်တိုင်း အပြင်မှာ ချည့်ပဲ ဖိလစ်ပိုင် ရွေးကောက်ပွဲ
နယူးယောက် ဗုံးပေါက်ကွဲ ဘာမှမပါဘူး ဇာတ်ကောင် ဘယ်နှစ်ကောင်လဲ ခရစ်စတင်း
အွန်းဂ် ဆိုင်ကယ်မော်ဒယ်နှင့် ကြံ့ခိုင်မှု ပုံစံ ၁၇၅၉ ခုနှစ် ပဲခူးတွင် မွန်တို့ ပုန်ကန်ထကြွ
သောအခါ မုန်လာဥဝါလိုလား ကြက်ဥလိုလား အမှောင်ထဲမှာ ပိုမှောင်နေပြန်ပြီ ကမ္ဘာလိပ်
မကြီးပုံပြင် မအိပ်နိုင်သောညများ ဘာမှ မပါဘူး ကံနှစ်မျိုးစလုံးကောင်းသည် စားပွဲပေါ်မှာ
ကြည့် အတိုးအဆုတ် ငြင်သာ ညက်ညော သူ့ပါးပြင် သနပ်ခါးညိုညက် တောပိုင်းကျကျ
မျက်စေ့သူငယ်အိမ် မိုး တဖျောက်ဖျောက် ရွာနေတာကို တွေ့လိုက်တော့ ဘာမှ မပါဘူး
လိုင်းတွေကိုလည်း မညီ ညီအောင်ညှိရသေးတာ လက်ဝင်တယ် စင်မြင့်ပေါ်သူ့ကိုတွေ့တာ
ဘာမှမဆန်း အိမ်ဖြူတော်မှ အိမ်ဖြူတော်မှ အပ်ကြောင်းထပ် မြစ်လား ရေစီးကြောင်းလား
ပင်မရေစီးလား အပ်ကြောင်းထပ် ရွေ့အောင်တွန်းနေရင်း ချွေးတဒီးဒီး တဒီဒီ သန့်ရှင်းရေး
သမား စက်မောင်းလျက် ဆေးရောင်စုံ ဆိုင်ကယ်မော်ဒယ်နှင့် ပုံစံ ကြံ့ခိုင်မှု ဘာမှ မပါဘူး
ဇာတ်ကောင် ခရစ်စတင်း အွန်းဂ် မုန်လာဥအဝါလိုလို ကြက်ဥလိုလို ကံနှစ်မျိုးစလုံးကောင်း
တိုင်းစကွဲ ဗုံးကွဲနဲ့ ဖိလစ်ပိုင် ရွေးကောက်ပွဲ ရဟတ်လို လည်နေတာ မွှတ်မွှတ် သူ့ကိုယုံလို့
နောက်တယောက်ဆီ ပုံလိုက်တာပေါ့ အီရတ်မှာတော့ မဲတွေ ပြန်ရေသတဲ့ ကဲ ဘယ်မှာလဲ
ကဗျာအကြောင်း ဘာမှလဲမပါဘူး ။ ။

ခင်အောင်အေး
၎၊ မေ၊ ၂၀၁၀ စင်္ကာပူစံတော်ချိန် ၁၁း၁၆ နာရီ

သမိုင်းတစ်ကွက်၊ လျှပ်တစ်ပြက် ဓာတ်ပုံ၊ ကဗျာတစ်ပုဒ်။

2010-09-10T12:22:00.001-07:00

The Photo

[After the infamous 1968 photograph of a Viet Cong officer executed
by South Vietnam's national police chief.]

What hurts the most
is not how death
is made permanent
by the camera's flash
the irony of sunlight
on gunmetal
but the hand gripping the pistol
is a yellow hand,
and the face squinting
behind the barrel
a yellow face.

Like all photographs
this one fails
to reveal the picture.
Like where the bullet
entered his skull
the phantom of a rose
leapt into light, or how
after smoke cleared
from behind the fool
with blood on his cheek
and the dead dog by his feet

a white man
was lighting a cigarette.

Ocean Vuong
Vol. 16, Summer 2010 ASIA LITERARY REVIEW

ဇာတ်ရည်လည်စေရန် ဗီယက်နမ်နိုင်ငံ အမျိုးသား လွတ်မြောက်ရေး
ပင်မစစ်ပွဲကြီးအတွင်း အရေးပါသော စစ်ပွဲငယ်များအနက် တစ်ပွဲဖြစ်ခဲ့ သည့်
Tet Offensive (မျောက် နှစ်သစ်ကူးပွဲတော် ထိုးစစ်) အကြောင်း ရှင်းပြရန်
လိုမည် ထင်ပါသည်။

တက်ထိုးစစ်ကို ၁၉၆၈ခုနှစ်၊ ဇန္န၀ါရီလ ၃၁ရက်နေ့တွင် စတင်ခဲ့သည်။
တောင်ဗီယက်နမ် အမျိုးသား လွတ် မြောက်ရေးတပ်ဦး (ဗီယက် ကောင်း)နှင့်
ဗီယက်နမ် ပြည်သူ့တပ်မတော် (မြောက်ဗီယက်နမ် တပ်မတော်) တို့က ဗီယက်နမ်
သမ္မတနိုင်ငံ (တောင်ဗီယက်နမ် ရုပ်သေးအစိုးရ)၊ အမေရိကန်နှင့် မဟာမိတ်
တပ်ဖွဲ့များ အား လက်ဦးမှုရယူလျက် အလစ်အငိုက် ၀င်ရောက်တိုက်ခိုက်ကြသော
စစ်ဆင်ရေး။ အမှန်မှာ မြောက်နှင့် တောင် နှစ်ဖက်စလုံးက နှစ်သစ်ကူးသမယ
ပျော်ပွဲရွှင်ပွဲ ကာလအတွင်း နှစ်ရက်ကြာအောင် အပစ်အခတ် ရပ်စဲထားကြရန် ရေဒီ
ယိုအသံလွှင့်ချက်များ ကြေ ငြာထုတ်လွှင့်ပြီး ဖြစ်ကြသည်။

ထိုးစစ် ရည်ရွယ်ချက်မှာ တောင်ဗီယက်နမ် တစ်ဝှမ်းလုံးရှိ ဗျူဟာကျသည့်
စစ်ဖက်နှင့် အရပ်ဖက် အချက်အ ချာ နေရာများအား တိုက်ခိုက် ရန်နှင့်
ဆိုင်ဂုံ ရုပ်သေးအစိုးရအား ဖြုတ်ချနိုင်ရေးအတွက် အထွေထွေ လူထု
အုံကြွမှုတစ်ရပ် စတင်ဖော်ဆောင်နိုင်ရေးတို့ ဖြစ်သည်။ ကွန်မြူ နစ်
တပ်အင်အား ၈၀,၀၀၀ကျော်က စီရင်စု မြို့ကြီး ၄၄မြို့အနက် ၃၆မြို့၊
ကိုယ်ပိုင်အုပ်ချုပ်ခွင့်ရမြို့ ခြောက်မြို့အနက် ငါးမြို့၊ ခရိုင်အဆင့်
၂၄၅မြို့အ နက် ၇၂မြို့ နှင့် မြို့ တော်ဆိုင်ဂုံတို့ အပါအ၀င်
မြို့၁၀၀ကျော်အား ၀င်ရောက်တိုက်ခိုက်ခဲ့ကြ၏။

တက်ထိုးစစ် ဒုတိယနေ့တွင် ငုယင် ဗန်လင်း ဆိုသူ ဗီယက်ကောင်းတစ်ဦးအား
ပြင်းထန်လှသော လမ်းပေါ် တိုက်ပွဲ တစ်ပွဲ၌ အရှင် လက်ရ ဖမ်းဆီး ရမိခဲ့သည်။
တောင်ဗီယက်နမ် သတင်းဇစ်မြစ်များ အဆိုအရမူ ငု ယင် ဗန်လင်းသည်
တောင်ဗီယက်နမ် ရဲတပ်ဖွဲ့ အရာရှိများကို ပစ် မှတ်ထား တိုက်ခိုက်ခဲ့သည့်
ဗီယက် ကောင်း ပါးကွက်သားတပ်ဖွဲ့အား ဦးဆောင်ခဲ့သူဟု အဆိုရှိခဲ့သည်။
တိုက်ပွဲ၌ ရဲအရာရှိ မိသားစု အ မြောက် အများ တိုက်ခိုက် သုတ်သင်ခံကြရသည်။
ပစ်သတ်ခြင်းခံခဲ့ရသူများတွင် ကလေးငယ် ခြောက်ဦးတို့ ပါဝင်ခဲ့ ကြသည်
ဟူ၍လည်း ဆို ကြပြန်သည်။ ငုယင် ဗန်လင်းကို လူသေကောင်များ စွန့်ပစ်ထားရာ
မြောင်းတစ် မြောင်း အနီးမှာ ဖမ်းဆီးရမိသည်ဟု တောင်ဗီယက်နမ် သ တင်းဌာနက
ထုတ် ပြန်ကြေငြာခဲ့၏။

ထိုစဉ်က ဗီယက်နမ် သမ္မတနိုင်ငံ အမျိုးသား ရဲတပ်ဖွဲ့ ရဲချုပ်ဖြစ်သူ
ဗိုလ်မှူးချုပ် ငုယင် ငေါ့လုန်း ရှေ့ မှောက်သို့ အကျဉ်းသားအား နောက် ပြန်
လက်ထိပ်ခတ်လျက် ဖမ်းဆီးခေါ်ဆောင်သွားကြ၏။ ငေါ့လုန်းက ခါးတွင်ထိုးထားသော
ပစ္စတိုတစ်လက်ကို ဆွဲထုတ်ကာ အကျဉ်းသား နားထင်သို့ တေ့ပြီး သေနတ်မောင်း အား
ဖြုတ်ချလိုက်၏။ ထိုအကျဉ်းနည်း သေဒဏ်စီရင်မှုအား အင်န်ဘီစီ ရုပ်မြင်သံကြား
သတင်းထောက် ဗိုဆူး (Vo Suu)နှင့် အေဖီ ဓာတ်ပုံသတင်းထောက် အက်ဒီ အဒမ်စ်
(Eddie Adams)တို့က မှတ်တမ်းတင် ထားနိုင်ခဲ့ကြသည်။ "ဗိုလ်ချုပ် ငုယင်
ငေါ့လုန်း ဗီယက်ကောင်း အကျဉ်းသားတစ်ယောက်အား အဆုံးစီရင် နေပုံ"
စာတန်းထိုးထားသော ဓာတ်ပုံနှင့် မှတ်တမ်းရုပ်ရှင် နှစ်မျိုးစ လုံးမှာ
နိုင်ငံတကာ သတင်းလောက၌ အထင်ရှားဆုံး ပုံရိပ်များ ဖြစ်သွားကြပြီး
ဗီယက်နမ်စစ်ပွဲနှင့် ပတ်သက်၍ အမေရိကန် လူထု ဆန္ဒသ ဘော ထားများ စတင်
ပြောင်းလဲသွားစေခဲ့၏။

အက်ဒီ အဒမ်စ် ရိုက်ကူးသော ဓာတ်ပုံမှာ အသက်ဝင်လှသည်။ ဗီယက်နမ် စစ်ပွဲ
အနိဌာရုံအား ဓာတ်ပုံတစ် ချပ်တည်းဖြင့် ထဲထဲဝင်ဝင် သရုပ် ဖော်
တင်ပြနိုင်ခဲ့သည်။ သေနတ် မောင်းခလုတ်အား ညှစ်နှိပ် ဆွဲဖြုတ်နေ သူ တစ်ဦး။
အမည်းရောင် ဘောင်းဘီတိုနှင့် ရှပ်အင်္ကျီအနက်ကွက် ၀တ်ဆင်ထားလျက်
မျက်နှာထားမဲ့မဲ့ အမူအရာဖြင့် ကျည်ဆံထိမှန်ခံရသူ အကျဉ်းသား တစ်ယောက်။
မတ်မတ်ရပ် လဲမကျသေးမီ အနေအ ထား။ ကျည်ဆံက သူ့ဦးဏှောက်ကို ဖောက်ထွက်သွား၏။
၁၉၆၉ခုနှစ် ပူလစ်ဇာဆုရ ဤဓာတ်ပုံအား အနီးကပ် ကြည့်ရှုစစ်ဆေးကြသောအခါ ကျည်ဆံ
ထိပ်ဖူး တစ်ဖက် နားထင်မှ ဖောက်ထွက်သွားသည်ကို မြင်ကြရ သည်ဟု လေ့လာသူများက
ဝန်ခံပြောဆိုကြသည်။

သုံးလအကြာ ဗီယက်ကောင်း လျှို့ဝှက်စခန်း တစ်ခုအား စီးနင်း တိုက်ခိုက်
ချေမှုန်းစဉ် ဗိုလ်မှူးချုပ် လုန်း တစ်ယောက် စက်သေနတ်မှန်ပြီး အပြင်းအထန်
ဒဏ်ရာ ရခဲ့သည်။ ဆေးကုသရန် သြစတြေးလျှနိုင်ငံသို့ ခေါ်ဆောင်သွားသော်လည်း
သူ့အား ဆန့်ကျင်ဆန္ဒပြ ကန့်ကွက်ခံရ သ ဖြင့် ၀ါရှင်တန်မြို့ရှိ ဝေါ်လ်ထာ
ရီးဒ် ကြည်းတပ်ဆေးရုံသို့ ပြောင်းရွှေ့ဆေးကုသခံခဲ့ရသည်ဟု သတင်းများတွင်
ရေးသားဖော်ပြကြသည်။
ညာဘက် ခြေတစ်ချောင်း ဖြတ်တောက်ခံရပြီး ဆိုင်ဂုံသို့ ပြန်ရောက်လာသူ မစ္စတာ
လုန်းသည် စိတ်သစ်လူ သစ် ဘ၀သို့ ပြောင်းလဲသွားဟန် တူသည်။ ရာထူးမှ
အနားယူလိုက်ပြီး မိဘမဲ့ ကလေးများ ထိန်းသိမ်းစောင့် ရှောက်ရေး လူမှုဝန်ထမ်း
လုပ်ငန်း၌ စိတ်အာရုံကို နှစ်ထားလျက် အားသွန်ခွန်စိုက် လုပ်ဆောင်လာခဲ့၏။
ဆိုင်ဂုံမြို့အား ကွန်မြူနစ်တို့ တိုက်ခိုက် သိမ်းပိုက်လိုက်သောအခါ
ထွက်ပြေးလွတ်မြောက်ရန် အမေရိ ကန် တပ်များထံ မေတ္တာရပ်ခံသည်ကို
လစ်လျူရှုခံခဲ့ရသော်လည်း တောင်ဗီယက်နမ် အစိုးရပိုင် လေယာဉ်တစ် စင်းဖြင့်
ထွက်ပြေးလွတ် မြောက်သွားခဲ့သည်။

အမေရိကန်ပြည်ထောင်စုတွင် အခြေစိုက် နေထိုင်စဉ် ကာလအတွင်း
စစ်ရာဇ၀တ်မှုဖြင့် တိုင်းပြည်မှ နှင် ထုတ်ခံရလုနီး ကံကြမ္မာဆိုးနှင့်
တည့်တည့်တိုးရပြန်သည်။ ထို့နောက် စစ်ရာဇ၀တ်မှု အပြစ်ဒဏ်မှ ကင်း
လွတ်ခံခဲ့ရပြီး မြောက်ပိုင်း ဗာဂျီးနီးယပြည်နယ်၊ Burke မြို့၌ ပီဇာမုန့်
ဆိုင် ဖွင့်လှစ်ရောင်းချ အသက်မွေး ၀မ်းကျောင်းကာ
ဇာတ်မြှုတ်နေထိုင်ခဲ့ရသည်။ ၁၉၉၁ခုနှစ်မှစ၍ သူ့နောက်ကြောင်းသမိုင်းအား
လူအများ ကျယ်ကျယ်ပြန့်ပြန့် သိရှိလာကြပြန်သဖြင့် ဆိုင်၏ ရောင်းအား
သိသိသာသာ ကျဆင်းထိခိုက်လာခဲ့သည်။ နောက်ဆုံး ၁၉၉၈ခုနှစ်၊ ဇူလိုင်
၁၄ရက်နေ့တွင် မစ္စတာ ငုယင်ငေါ့ လုန်း တစ်ယောက် ကင်ဆာရောဂါဖြင့်
ကွယ်လွန်သွားခဲ့သည်။

၁၉၉၈ခုနှစ်၊ ဇူလိုင် ၂၇ရက်နေ့က ပုံနှိပ်ဖြန့်ချိသည့် Time မဂ္ဂဇင်း၌ အက်ဒီ
အဒမ်စ် ရေးသားသော ငုယင် ငေါ့လုန်းအတွက် နာရေးဂုဏ်ပြု မှတ်တမ်းမှာ
စိတ်ဝင်စားဖွယ်ကောင်းလှ၏။ "ကျွန်တော်သည် လူသားတစ် ဦးက
အခြားလူသားတစ်ယောက်အား ပစ်သတ်နေသည့် မှတ် တမ်းတင် ဓာတ်ပုံတစ်ပုံအတွက်
၁၉၆၉ခုနှစ် ပူလစ်ဇာဆု ရရှိခဲ့သည်။ ထိုဓာတ်ပုံထဲက ပစ်သတ်ခံရသူနှင့်
ဗိုလ်ချုပ် ငုယင် ငေါ့လုန်းတို့ နှစ် ယောက်စလုံး တို့မှာ
ကွယ်လွန်သွားကြရှာလေပြီ။ ဗိုလ်ချုပ်က ဗိယက်ကောင်းကို ပစ်သတ်ခဲ့သည်။
ကျွန်တော်က ဗိုလ်ချုပ် အား ကင်မရာဖြင့် အဆုံးစီရင်လိုက်မိသည်။
ဓာတ်ပုံများသည် ကမ္ဘာ့ အစွမ်းအထက်ဆုံး လက်နက်တစ်ရပ် ဖြစ်နေကြဆဲ။
အများပြည်သူတို့အနေဖြင့် ဓာတ်ပုံ များအား ယုံကြည်ကိုးစားတတ်ကြ၏။ ပြန်လည်
ပြုပြင် မွမ်းမံ မထားသော ဓာတ်ပုံများတောင်မှ လိမ်ညာတတ်ကြသည်။
ဓာတ်ပုံများသည် တစ်စိတ်တစ်ပိုင်း အမှန် တရားမျှသာ...။"စသည်ဖြင့်
ဖွဲ့ဖွဲ့နွဲ့နွဲ့ ရေးသားဖော်ပြထား၏။

ပိုမို စိတ်ဝင်စားဖွယ် ကောင်းသည်မှာတော့ ၂၀၁၀ခုနှစ်၊ နွေရာသီထုတ် Asia
Literary Review တွင် ပုံနှိပ် ဖော်ပြထားသော ဗီယက်နမ် ကဗျာဆရာ Ocean
Vuong ရေးသားစပ်ဆိုသည့် The Photo ကဗျာ။ အမှန်မှာ ကဗျာဆရာ အိုရှင်
ဗောင်းသည် ၁၉၈၈ခုနှစ်ဖွား။ မျောက် နှစ်သစ်ကူးပွဲတော် ထိုးစစ်
ဖြစ်ပွားပြီး နှစ်ပေါင်း နှစ်ဆယ်ကြာမှ လူ့လောကထဲသို့ ရောက်ရှိလာခဲ့သူ။
သို့သော် ထိုကဗျာဆရာသည် နှောင်း ခေတ် က သွေးစွန်းခဲ့သော သမိုင်းအား
ကိုယ်ပိုင် ဆင်ခြင်သိဖြင့် သုံးသပ်နိုင်စွမ်းရှိသည်။ ယနေ့ခေတ် ကဗျာဆ
ရာတစ်ဦး၏ ရိုးသားပွင့်လင်းသော အယူအကောက်ကို ခံစားလေ့လာနိုင်စေရန်
သူ့ကဗျာအား ဘာသာပြန် တင်ဆက်လိုက်ရပါသည်။

ဓာတ်ပုံ

[တောင်ဗီယက်နမ် အမျိုးသား ရဲတပ်ဖွဲ့၊ ရဲချုပ် အဆုံးစီရင်
ကွပ်မျက်လိုက်သော ဗီယက်ကောင်း
အရာရှိ တစ်ဦး၏ ၁၉၆၈ခုနှစ်က မဖွယ်မရာ ဓာတ်ပုံအား ခြေရာကောက်ခြင်း။]

အခံရ အခက်ဆုံးကတော့
သေနတ် သတ္ထုသားပေါ်က
နေရောင်ခြည်ရဲ့ လှည့်စားချက်
ကင်မရာ လျပ်တစ်ပြက် မီးရောင်
ဘယ်လို မရဏကို
မော်ကွန်းတင်လိုက်တာ မဟုတ်
ဒါပေမယ့် ပစ္စတို ဆုတ်ထားတာ
လူဝါတစ်ယောက်ရဲ့ လက်၊
သေနတ်ပြောင်း နောက်က
မျက်လုံး ပေလကတ် ရှုံ့မဲ့မဲ့နဲ့
လူဝါတစ်ယောက်ရဲ့ မျက်နှာ။

ဓာတ်ပုံအားလုံးလိုပဲ
ဒီပုံက ပျက်ကွက်
ဇာတ်ကြောင်းကို လှစ်ပြဖို့။
ခေါင်းခွံရိုးထဲ
ကျည်ဆံဝင်သွားတဲ့နေရာက
နှင်းဆီတစ္ဆေ
အလင်းထဲ ခုန်ထွက်၊ မဟုတ်ရင်
ပါးပေါ် သွေးပေနေတဲ့
လူ့အန္ဓနောက်က
မီးခိုးငွေ့ ပြယ်အသွား
သူ့ခြေထောက်ရင်းမှာ ခွေးအသေတစ်ကောင်

လူဖြူတစ်ယောက်
စီးကရက် မီးညှိနေအခိုက်။
အိုရှင် ဗောင်း

သစ်စိုး

စက်တင်ဘာ ၁၊ ၂၀၁၀ခုနှစ်။

ကဗျာက ပြောပြောနေတယ် ကဗျာဆရာမရပ်နဲ့တဲ့

2010-09-05T01:00:00.001-07:00

တယ်လီဖုန်းပေါ်က နံပါတ်တွေလက်နဲ့ဖိရင်း
ပြက္ခဒိန်ပေါ်က နေ့စွဲအော်မြည်သံကို စောင့်နေရတာ
ပျံပျံလွင့်လာတဲ့ ကဗျာငယ်ဘဝရဲ့  (အလျားx အနံ )ရနံ့အစစ်အမှန်
ကဗျာခံစားချက်ကို အပိုအလိုမရှိ ဖျက်ဆီးခံလိုက်ရတဲ့မနက်ဖြန်
စီးကရက်ကိုလက်ကြားညှပ်ပြီးစိတ်ကိုဖြေလျော့ထားလိုက်တယ်
ကဗျာသုံးစွဲသူများနဲ့ ထိတွေ့မှုလွန်ကဲတဲ့ ကဗျာရဲ့  သရုပ်သဏ္ဍာန်
အနော်ရထာလမ်းကနေ(၃၈)လမ်းထဲ လျှံကျလာနေတဲ့
လစဉ်ထုတ်မဂ္ဂဇင်းတွေထဲ ကဗျာမှိုနံ့စွဲရောဂါ စွဲကပ်ပါနေတာ
/ကပ်ညိတွယ်လာတာ လွန်ကုန်ပြီလား
အမှုန်အမွှားမကင်းစင်ပဲ သွေးထဲသားထဲစိမ့်ဝင်လာနေတာ
ခံစားချက်မပါပဲ တည်နေရာ၊နယ်နိမိတ်တွေကျော်ဖြတ်လာရတာ
ကြမ်းပြင်နဲ့ကျော၊ ကဗျာနဲ့စကားလုံး သံမှိုနဲ့အသေစွဲကပ်ထားတယ်
ဈေးကွက်ထဲထိုးဖောက်လာဖွယ်ရှိတဲ့ ကဗျာမော်ဒယ်အမျိုးအစား
ကဗျာအင်တာဗျူးတွေကလည်း ကိုယ့်ရှေ့ ချထားတဲ့ကော်ဖီခွက်လို
တော်တော်နဲ့မသောက်ဖြစ်ပြန်ဘူး
ကဗျာအရည်အသွေး၊ကဗျာအနှစ်သာရ က
တက်မလာတော့ ဈေးကွက်ကိုထိုးဖောက်ရခက်နေတာလေ
ကဗျာဈေးကွက်အတွင်းမှာရှိတဲ့ ကဗျာစက်မှုဇုံထုတ် ကဗျာများမှာ
ပြည်ပ/ပြည်တွင်း ကဗျာပြောင်းလဲမှုပေါ်မူတည်၍
ကဗျာဈေးအတက်အကျ ထပ်မံဖြစ်ပေါ်နိုင်တယ်လို့ သိရှိရပါတယ်။

အောင်ပိုင်စိုး
၂၊ စက်တင်ဘာ၊ ၂၀၁၀

ညလုံးပေါက်ကဖေး( Night Cafe )

2010-09-01T02:01:00.001-07:00

ညလုံးပေါက်ကဖေး

ရင်ဘတ်ကြယ်သီး
ပြုတ်ထွက်သွားအောင်ပြောလို့
မစ္စတာကိုလက်ထပ်ခဲ့
ညစ်ပေနေတဲ့ ဘွတ်ဖိနပ်အကြောင်းပြောပြီး
မစ္စစ်ကို လမ်းခွဲခဲ့
ဘုရားကျောင်းနဲ့ မလုံလောက်လို့
ညလုံးပေါက်ကဖေးတွေ
ဖွင့်ခဲ့ရတယ်.....။

Night Cafe

In his proposal with
a breast-button detached off,
she got married a Mr.
Fussing about these dirty boots,
he divorced the Mrs.
Churches are there not that enough;
night cafes have been run.

THURA NE

Translated by ; T.S

ဆန္ဒအလျောက်ဖြစ်လာသော မျက်ရည်များဖြင့်သာ

2010-08-30T01:16:00.001-07:00

အခန်းအပြင်ဖက်မှာ မိုးကသည်းသည်းမဲမဲရွာနေသည်
ဒီအဖြေပဲဆက်တိုက်ထွက်နေတဲ့ ကမ္ဘာကြီးကို ရပ်လိုက်သည်
ညတစ်နာရီဆယ့်ငါးမိနစ် စပေါ့ချန်နယ်ကလာမယ့် မန်စီးတီး Vs လီဗာပူး
ပြူတင်းတံခါးပေါက်ကို ခုပဲပိတ်လိုက်တော့ တစ်ကယ်ပဲဖျားနေပြီ
တစ်ကိုယ်လုံးကိုက်ခဲနေတဲ့ ပိန်းကြာရွက်ပေါ်ရေမတင်သော ဒီကိုဂျင်
နာကျင်ဖျင်းစပ်နေခြင်းမှာဒီမျက်နှာကြီးကိုထပ်မံဖြည့်စွက်လိုက်သည်
လူကြီးမင်းခေါ်ဆိုသောဖုန်းမှာ စက်ပိတ်ထားပါသဖြင့် ခေါ်ဆို၍မရနိုင်ပါ
စာတွေ့ဗဟုသုတအပြင် ကဗျာ, ဖတ်ကျင့်ကိုပါ ပြင်ဆင်ထားသင့်သည်
ထွက်သွားစမ်းကွာ၊ တံစက်မြိတ်ကနေ ရေတွေစီးကျနေသည်
အဝေးတစ်နေရာကနေ တကူးတက လာလာနေရတာ မမောဘူးလား
တယ်လီဖုန်းကေဘယ်ကြိုးတွေဆီ တွားတက်ခဲ့မိသည်
ကဗျာရေးသူသာမက ကဗျာဖတ်သူပါ ပါဝင်ပတ်သက်ခွင့်ရှိသော
ပျော်စရာမကောင်းဘူးလား၊ အပျော်ဖတ်ဝတ္ထုများကိုကြိုဆိုပါ
ပုံသဏ္ဍာန်မပျက် ပါးစပ်မှာ အပြုံးပွင့်လေးကပ်ထားသည်
အချိန်ကုန်မြန်ဆန်လွယ်ကူသော နံရံကပ်နာရီများ ရောင်းရန်ရှိသည်
အများကြိုက် DVD ကားထဲကဇာတ်လိုက်ကိုလက်ပြန်ဖြတ်ရိုက်လိုက်သည်
မေးခွန်းတွေထဲပိတ်မိနေသော အမှန်ဖြေဆိုလိုမှုကို ကလော်ထုတ်လိုက်မိသည်
တစ်စုံတရာ တန်ဖိုးသတ်မှတ်မထားသောမျှော်လင့်ခြင်းများစွာဖြင့်
ဒီစာမျက်နှာလေးကို ဂတ်စ်မီးခြစ်လေးနဲ့ မီးကူးစက်လိုက်တယ်။

အောင်ပိုင်စိုး
၂၅၊ သြဂတ်စ်၊ ၂၀၁၀

ဒါကြောင့်ပြောတာ မင်းက, ကလေးလေးပဲလို့

2010-08-28T04:57:00.001-07:00

ပြောမယ့် စကားအသုံးအနှုန်းကအစ ရွေးချယ်ယူငင်သုံးစွဲတယ်
ဒီနေ့ကစပြီး နောက်ထပ်(၃)ရက်တိတိမခေါ်တော့ဘူး
စကားပြောလို့မနိုင်တာနဲ့ စကားကိုအတင်းရပ်ပစ်တာ
ပြောနော်၊ ဆက်ပြော၊ အခုပြော၊ ရှင်းအောင်ပြော၊ လာမရစ်နဲ့နော်
ဒါကြောင့်ပြောတာ မင်းက, ကလေးလေးပဲလို့ ...
ရိုရိုသေသေကြီးပြောရတာ အကျင့်မပါသေးဘူး
အသက်လေးနဲနဲကြီးတယ်ဆိုပြီး ဆရာမလုပ်နဲ့နော်
စိတ်ဆိုးနေလား၊ နည်းနည်းလွန်သွားတယ်၊ ဆောရီး
ဒါပဲပြောနေတာပဲ၊ ကလေးပဲ ကလေးစိတ်ရှိတာဆန်းလား
ဒါကြောင့်ပြောတာ မင်းက, ကလေးလေးပဲလို့ ...
အဆင်ပြေသလို ကတိတွေ ခဏခဏမပေးတက်ဘူး
ပေးပြီးရင်လည်းတည်တယ်၊ လုပ်နိုင်မှပဲပေးတယ်
ခင်းထားတဲ့ ပရိယာယ်လမ်းအတိုင်း လျှောက်ဝင်လာတယ်
တော်ပြီထပ်မပြောတော့ဘူး၊ ထပ်ပြောရင်ရန်ဖြစ်ရတော့မယ်
ဒါကြောင့်ပြောတာ မင်းက, ကလေးလေးပဲလို့ ...
အဆုံးသတ်ပေးတာလား၊ကျေးဇူးတင်တယ်ပြောဦးလေ
ဘယ်လိုလူလည်း ဆက်ဆံရေးကမကောင်းလိုက်တာ
ကလေးမဟုတ်ဘူးနော်၊ အတည်ပြောတာ ကလေးမဟုတ်ဘူး
ဟာ ၊တော်ပြီ၊ ဘယ်လိုဖြစ်နေလည်း၊ သည်းမခံနိုင်ရင်မခေါ်နဲ့
ဒါကြောင့်မို့ ပြောတာ မင်းက, ကလေးလေးပဲလို့ ။

ရည်ညွှန်း -Gtalk မှစာသားများ

အောင်ပိုင်စိုး
၂၄၊ သြဂတ်စ်၊၂၀၁၀

Poet's Choice By NAETHIT( နေ့သစ် )

2010-08-24T02:18:00.001-07:00

ဒီကဏ္ဍလေးရဲ့ နောက်ထပ်စာမူရှင်ကတော့ လက်ရှိ ကဗျာတွေရေးသားနေတဲ့လူငယ်ကဗျာဆရာ
လေး နေ့သစ်ပဲဖြစ်ပါတယ်။နောက်ထပ် ကျွန်တော်နဲ့ ထနောင်းပင်များဆိုတဲ့ ကဗျာဘလော့လေးကို
ရေးသားဖန်တီးတည်ဆောက်ထားတဲ့
ကျောက်ပန်းတောင်းနယ်သား(အညာသား)လူငယ်ကဗျာဆရာလေး ဖြစ်ပါတယ်။ ကဗျာဆရာ
နေ့သစ် က ဒီဘက်ခေတ် လူငယ်တစ်ယောက်ရဲ့ စိတ္တဇကိုအထူးပြုထားတဲ့
လူငယ်တစ်ယောက်ရဲ့ အချစ်အကြောင်းဖွဲ့ဆိုခြင်း ကဗျာတစ်ပုဒ်၊ဒီကဗျာထဲမှာ ...
မာနကို ခုခံကာကွယ်ထားတဲ့ကဗျာဆရာရဲ့ အတ္တ နဲ့တစ်ဖက်ကလည်း အဲ့ဒီ့မာနကြောင့်
ခံစားရတဲ့ကျဆုံးမှုတွေကို
တုန်လှုပ်ပျံ့လွင့်ခံစားနေရတဲ့ကဗျာလေးတစ်ပုဒ်ကို ကဗျာဆရာ နေ့သစ် က
ဘယ်လိုအချိန်၊ဘယ်လိုပတ်ဝန်းကျင်၊ဘယ်လိုခံစားချက်တွေနဲ့ရေးဖွဲ့ဖန်တီးဖြစ်ခဲ့ကြောင်းကို
အပြည့်အစုံမဟုတ်တောင်
အနီးစပ်ဆုံး ချဉ်းကပ်ခံစားဖတ်ရှုနိုင်စေရန် ရည်ရွယ်တင်ဆက်ခြင်းမျှသာ
ဖြစ်ပါတယ်။ Poet's Choice ကဏ္ဍအတွက် ကဗျာဆရာများရွေးချယ်ခြင်းကတော့
ဒီဘလော့လေးကို ရေးသားတင်ဆက်သော ကျွန်တော် အောင်ပိုင်စိုး၏
တစ်ကိုယ်ရည်စိတ်ခံစားချက်သာဖြစ်ပါကြောင်း ပြောကြားလိုပါတယ်။
နောက်ထပ် ကဗျာဆရာများရဲ့ ရွေးချယ်ကြိုက်နှစ်သက်သော စာမူများကိုလည်း
ဆက်ကာဆက်ကာ ဖော်ပြပေးသွားမည်ဖြစ်ကြောင်း
ဘလော့ဂါများ၊ကဗျာဆရာများ၊ ဘလော့စာဖတ်ပရိသတ်များအားအသိပေးအပ်ပါသည်ခင်ဗျား...။
သည်ကဗျာဆရာအကြိုက်(Poet's Choice)ကဏ္ဍလေးဖြစ်ပေါ်လာစေရန် စာမူပေးပို့ပေးသော
ကဗျာဆရာ နေ့သစ် အားကျေးဇူးအထူးတင်ရှိပါကြောင်း
သည်ဘလော့စာမျက်နှာလေးမှတစ်ဆင့်ပြောကြားအပ်ပါသည်။

အိပ်မက်ဟာ ပါရီမြို့ ကြီးဆီ ခရီးထွက်သွားခဲ့ပြီ

2010-08-24T01:48:00.001-07:00

မျက်နှာကျက်က ပန်ကာအိုကြီးဟာ တ၀ီဝီလည်လို့ 
လူတွေက ကားမှတ်တိုင်မှာ တစ်စုံတစ်ရာကို ငေးမောစောင့်ဆိုင်းလို့ 
တိကျတဲ့ချိန်းဆိုမှုတစ်ခုရဲ့ ၊နေ၀င်ချိန်၊ဆေးရုံအပျက်၊
ကျွန်တော့်စိတ်ဟာ လက်နှိပ်စက်ရိုက်သံတွေလို
အမှောင်ထဲကနေမိုက်မိုက်မဲမဲထွက်ပေါ်လာခဲ့တယ်။
ကျွန်တော့် သူငယ်ချင်းတွေ၊ကျွန်တော့်မိတ်ဆွေတွေ
သက်တမ်းရှည်အဆောက်အအုံဟောင်းတွေ၊ခိုအသေတွေ
ဇီးကွက်တစ်ကောင်ရဲ့ အော်သံက ညကိုလှန့် နှိုးသွားတယ်
အရာခပ်သိမ်းဟာ ဆေးလိပ်ငွေ့ လို မေ့လွယ်ပျောက်လွယ်၊
တစ်ချက်တစ်ချက် တိုးဝင်လာတဲ့ဂစ်တာသံသဲ့သဲ့က
နားစည်အမှေးပါးကို တဆစ်ဆစ်ကုတ်ဖဲ့
မော်တော်ကားတွေ တစ်စီးပြီးတစ်စီး၊
ကြွေကျလာတဲ့သစ်ရွက်ခြောက်တွေက မီးခိုးကျိန်စာတွေလို
ပြက္ခဒိန်အဟောင်း၊ပင်လယ်အဟောင်း၊မိုးရာသီအဟောင်း
ရထားဟာ ကာလတရားကို တရိပ်ရိပ်ဖြတ်ကျော်လာခဲ့ပြီ၊
လေပြင်းတစ်ချက်အဝေ့မှာ လွင့်ထွက်သွားတဲ့ကျွန်တော့်တည်ငြိမ်မှုက
လက်ဖျံရိုးထဲကို ကြမ္မာဆိုးတွေ ရိုက်သွင်းထည့်လိုက်တယ်၊
မဂ္ဂဇင်းစာမျက်နှာတွေ၊အပေါစားမိန်းမတွေ၊အောင်မြင်ကျော်ကြားမှုတွေ
မျက်နှာပြင်ပေါ်လိမ့်ဆင်းလာတဲ့ ချော်ရည်ပူတွေ
"နင် အဆင်ပြေရဲ့ လား အောင်မျိုးသန့် "
ညဟာ ကတ္တရာလမ်းမပေါ်ကို လှပသေသပ်စွာထိုးဆင်းသွားတယ်
ကျွန်တော့် တိတ်ဆိတ်မှုပေါ်မှာ လမ်းလျှောက်နေတာက အနက်ရောင်လူငယ်တစ်ယောက်၊
ရန်ကုန်မြို့ ရဲ့ ဆိတ်ငြိမ်ခြောက်ခြားမှုက ကြောက်ခမန်းလိလိ
နာရီစင်အိုကြီး ဓာတ်တိုင်ထိပ်ဖျားမှာ ငြိနေခဲ့တယ်၊
"ငါ သိပ်အဆင်ပြေတာပေါ့ တည်ကြည်ခင်
နင်သိပါတယ်၊ ငါက အလိုလိုနေရင်းကို အဆင်ပြေနေတဲ့ကောင်"
အိပ်မက်ထဲမှာ နှင်းဆီပွင့်တွေ သွေးသံရဲရဲနဲ့ ပွင့်လို့ ၊
ရပ်(ပ်)သီချင်းတွေ၊နာရေးကြော်ငြာတွေ၊နောင်တနဲ့ မိုက်မဲမှုတွေ
ကျွန်တော့်ခန္ဓာကိုယ်ပေါ် ဒလဟောပြိုဆင်းလာတယ်
မိန်းမတစ်ယောက်အတွက်နဲ့ 
သေနတ်ချင်းယှဉ်ပစ်ခဲ့တဲ့ ကဗျာဆရာပွတ်ရ်ှကင်အကြောင်းကိုတွေးရင်း
နာနာကျည်းကျည်း အော်ရယ်ပစ်မိတယ်၊
သံဆူးကြိုးနဲ့ တူတဲ့စရိုက်က
ကိုယ့်ယဉ်ကျေးမှုနဲ့ ကိုယ်မိုက်လို့ ကောင်းတုန်း၊
"ငါ ဟိုကို ဧပရယ်လဆန်းပိုင်းလောက် သွားဖြစ်မယ်ထင်တယ်"
ဘာကိုမှ ဂရုမစိုက်ဘဲ ကျွန်တော် အခမ်းနားဆုံး ကျရှုံးခဲ့တယ်
ရွှေတိဂုံမြောက်ဘက်မုခ် ဓာတ်လှေကားထဲ၊
ဘယ်တော့မှ အိပ်ရေးမ၀တဲ့အစ်ကိုတစ်ယောက်ရဲ့ မချိုမချဉ်အပြုံးထဲ၊
ကျွန်တော့်နောက်ဆုံးတွေ့ ရှိမှုက နောင်တရဲ့ နာနာကျင်ကျင်ရှိုက်ငင်သံ
ငွေစက္ကူတွေ တစ်ရွက်ပြီးတစ်ရွက်၊
ဆီးနှင့်မိုးစက်တွေက တဖွဲဖွဲကျဆင်းလျက်၊
လက်နဲ့ စမ်းကြည့်မိလိုက်တဲ့ ကျွန်တော့်အသိစိတ်က
အေးစက်စိုစွတ်နေတဲ့ကတ္တရာလမ်းကို အကြိမ်ကြိမ်ဖြတ်ကူးလို့ ၊
"အစစ အရာရာ အဆင်ပြေပါစေ တည်ကြည်ခင်
ကျန်းမာရေးလည်း ဂရုစိုက်ပါ"
သေသပ်လှပစွာထွက်ခွါသွားတဲ့ဝေးကွာခြင်းက မီးခိုးတွေ အူထွက်လာတယ်
ဟန်ဆောင်ဝတ်ဆင်ထားတဲ့ မာကျောခြင်းဟာ
ကိုယ့်ကိုယ်ကိုအဆုံးစီရင်ခြင်းဖြစ်ကြောင်း ကျွန်တော်သိခဲ့ရတယ်၊
ပင့်ကူမျှင်တွေ၊၀ါယာကြိုးတွေ၊လေထဲမှာ ပျံဝဲနေတဲ့ပြာမှုန်တွေ
နောက်ဆုံးတော့ အရာအားလုံးဟာ မီးသဂြိုဟ်စက်ထဲမှာ၊
မီးရထားတွေ တစ်စီးပြီင်္းတစ်စီး၊
လူတွေက တစ်ယောက်ပြီးတစ်ယောက်၊
ဒီလိုနဲ့  မာရီယာနာချောက်နက်ကြီးဟာ
သူ့ နက်ရှိုင်းမှုသူ ပြန်လည်တိုင်းတာလို့ နေခဲ့တယ်။

-နေ့ သစ်

လသာညတွေ၊ယိမ်းထိုးနေတဲ့ အုန်းလက်မဲမဲတွေ၊ငွေကြေးရဲ့ အရေးပါပုံတွေ၊စိတ်တိုင်းကျ
ရွေးချယ်လျှောက်ခဲ့တဲ့ လမ်းတွေ၊ လူငယ်ဘ၀မှာ အရာအားလုံးဟာ နူးညံ့ညင်သာစွာ လှပနေခဲ့တယ်။
ဖြစ်ချင်တာနဲ့ ဖြစ်နေတာတွေ ထပ်တူမကျတဲ့ဘ၀မှာ နှုတ်ခမ်းတွန့် ရုံလေး ပြုံးလိုက်ခြင်းအားဖြင့်
ကျွန်တော်က ကိုယ့်ကိုယ်ကို နှစ်သိမ့်ကျေနပ်နိုင်ခဲ့ပါတယ်။ သီချင်းတစ်ပုဒ်ကို တိုးတိုးညည်းဖို့ ရန်
လုံလောက်သော အကြောင်းပြချက် ရှိသင့်သည်ဟု ကျွန်တော်က ယူဆ၏။
မလိုအပ်သော စကားလုံးများကို ပြုံးပြနှုတ်ဆက်လိုက်ခြင်းအားဖြင့် ထိုသူများကို
ကျွန်တော် အရှုံးပေးလိုက်ပါသည်။ထိုနည်းဖြင့် ကြယ်တွေ ပြုံးနေကြောင်းကို
ကျွန်တော် သတိပြုမိလာခဲ့သည်။ယုံကြည်ချက်နှင့် လွတ်လပ်ခွင့်အား ကျူးကျော်ဝင်ရောက်လာသော
စကားလုံးများကို ပြတင်းတံခါးပိတ်၍ မတားဆီးတော့ပါ။ကြိုးကြာငှက်တွေ ပျံပုံက အလွန်လှပါသည်။
ဘ၀ဟာ တိုတောင်းလှကြောင်း ခင်ဗျားတို့ ကို သိစေချင်မိ၏။

ကျွန်တော် လျှောက်နေသော မြက်ခင်းပြင်ကြီး၏အဆုံး၌ ဘာတွေ ရှိနိုင်သလဲ။
လက်ပတ်နာရီမပတ်တတ်သေးသော အလေ့အကျင့်က ကျွန်တော့် ဘယ်ဘက်လက်ပေါ်မှာ
တည်မြဲလျက် ရှိဆဲပင်။ဘ၀တစ်လျှောက်လုံး ဖိနပ်ပါးပါးကိုပဲ စီးချင်မိသည်။လူတစ်ယောက်ဟာ
တစ်သက်မှာ တစ်ခါတော့ ရူးသွပ်ခဲ့ဖူးကြောင်း ကျွန်တော်က မာယာကော့ဖ်စကီးကို
အကြွင်းမဲ့ ထောက်ခံပါသည်။ကောင်းကင်ကြီးအား မည်သူမှ မပိုင်ဆိုင်ကြောင်း ကျွန်တော်ပြောလျှင်
ခင်ဗျားတို့  လက်ခံရပါလိမ့်မည်။ကဗျာတစ်ပုဒ်၏ လွတ်လပ်ခြင်းထဲ၌ ကျွန်တော်က တိုးဝင်ပျံသန်းသည်။
ဝူးခနဲ ဖြတ်မောင်းသွားသော ဗင်ကားအဖြူလေးကို ကြည့်ပြီး တစ်စုံတစ်ယောက်အား
တစ်စုံတစ်ခုသော တိုက်ဆိုင်မှုဖြင့် သတိရမိသည်။မီးပွိုင့်နီသွားသောကြောင့် လမ်းလျှောက်ခြင်းကို
ကျွန်တော် ရပ်လိုက်သည်။နက်(စ်)ကော်ဖီတစ်ခွက်၏ ခါးသက်ခြင်းက ညနေခင်းကို မလွှမ်းခြုံနိုင်တော့ပေ။
ကျွန်တောက် စည်းကမ်းတကျ ယုံကြည်လွတ်လပ်ချင်မိသည်။အဆိုပါအတ္တကြောင့်
မည်သူတစ်ဦးတစ်ယောက်ကိုမှ မထိခိုက်အောင်လည်း ကျွန်တော်အစွမ်းကုန် ကြိုးစားရပါမည်။
ကျွန်တော့်တစ်ယောက်တည်းအတွက်တော့ ကဗျာဆိုတာ တိမ်လိပ်ကင်းစင်သော
ညချမ်းအေးအေးတစ်ခုပင်ဖြစ်သည်။ထို့ နောက် စိတ်၏စေစားမှုကြောင့်ကဗျာတစ်ပုဒ်ကို
ကျွန်တော် ရေးဖွဲ့ မိပါသည်။လူငယ်ဘ၀ရဲ့ ဟိုင်းဝေးလမ်းမကြီးပေါ်မှာ ထင်ကျန်ခဲ့သော ခြေရာများက
ဆန်းကြယ်လှပ၏။အခွင့်ကြုံလျှင် ချေဂွေဗားရား၏ အထုပတ္တိကို နောက်တစ်ကြိမ် ဖတ်ချင်ပါသေးသည်။
ကျွန်တော့် မာနထဲမှ ထွက်ကျလာသော မာနတရားကိုလည်း တည်တံ့အောင်ထိမ်းသိမ်းဖို့ ရန်
ကျွန်တော် လေ့ကျင့်ရပါဦးမည်။ နောင်နှစ်များစွာ ကြာသည့်တိုင် နိူင်းမြစ်ဟာ အီဂျစ်ပြည်ကြီးထဲ၌
လှပစွာစီးဆင်းနေဦးမည်မှာ အသေအချာပင်။ကျွန်တော်က မြစ်တစ်မြစ်ထဲတွင် ရေနှစ်ခါချိုးချင်သော
လူမိုက်တစ်ယောက်ဖြစ်ကြောင်း ကိုယ့်ကိုယ်ကို ဂုဏ်ယူမိသည်။ အချစ်အတွက် အသက်ပေးရဲခဲ့သော
ကဗျာဆရာတစ်ယောက်အကြောင်းကို တွေးရင်း ကျွန်တော်ဆံပင်တွေကို လက်နှင့်ထိုးဖွပစ်လိုက်သည်။
မျက်လုံးတွေက ခပ်ဟဟရယ်လျက်။
တိမ်တွေ အနောက်ဖက်သို့ ဦးတည်ရွေ့ လျားနေကြသည်။
မြက်ခင်းပြင်ကြီး၏ စိမ်းလန်းမှုကိုကျွန်တော် အပြည့်အ၀ ဆွဲကိုင်လိုက်သည်။
ခင်ဗျားတို့ အားလုံးလည်း စိမ်းလန်းကြပါစေ။

-နေ့ သစ်
(၁၆.၈.၂၀၁၀)

မျက်မှန်နှစ်လက်

2010-08-12T04:28:00.001-07:00

ကျွန်တော့်မှာမျက်မှန်နှစ်လက်ထားတယ်

တစ်လက်က ချစ်သူကို ကြည့်ဖို့
တစ်လက်က ရန်သူကို ကြည့်ဖို့
ချစ်သူကြည့်မျက်မှန်နဲ့ ရန်သူကိုကြည့်မိတော့
ဓားကောက်ကြီးက သက်တန့်ကိုင်းဖြစ်သွား
အပြစ်ဒဏ်က ပုံတော်ဖိနပ်ကလေးဖြစ်သွား
ကျော့ကွင်းက ကျစ်ဆံမြီးလေးဖြစ်သွား....။

ရန်သူကြည့်မျက်မှန်နဲ့ ချစ်သူကိုကြည့်မိတော့
သက်တန့်ကိုင်းက ဓားကောက်ကြီးဖြစ်သွား
ပုံတော်ဖိနပ်ကလေးက အပြစ်ဒဏ်ဖြစ်သွား
ကျစ်ဆံမြီးလေးက ကျော့ကွင်းဖြစ်သွား.......။

အခုတော့
ချစ်သူကြည့်မျက်မှန်တစ်လက်ပဲထားတော့တယ်
ရန်သူတွေက ရေပိုက်ပြင်ပြီး ထွက်သွားတဲ့အခါ
ချစ်သူက...
သဲပေနေတဲ့ခြေထောက်နဲ့အိပ်ယာပေါ်တက်လာတယ်...။

သူရနီ

ကိုယ့်ကိုယ်ကိုယ် သေကြောင်းကြံစည်သူတစ်ယောက်ရဲ့ မှာတမ်းစာ

2010-08-07T09:32:00.001-07:00

ဖိနပ်ချွတ်မှာ တစ်ညလုံး ဟစ်အော်နေတဲ့ ဖားအတွက်
ညလုံးပေါက် မိုးတစ်လင်းနေပြီး အရုဏ်တက်ချိန်မှာ အိပ်စက်ဖို့ ပျက်ကွက်တဲ့
ပုစဉ်းရင်ကွဲတွေအတွက်
ပွင့်အံထွက်လာတဲ့အထိ အောင့်အီးထားခဲ့တဲ့ မိုးတိမ်တွေအတွက်
ဒီနှစ် စောစောစီးစီး ဖူးပွင့်တဲ့ အရိုင်းစံပယ် ပန်းခြုံတွေအတွက်
ငါ့ကို လိုသလောက် မီးရောင်ပေးတဲ့ ပိုးစုန်းကြူးတွေအတွက်

ပိုးဖလံတောင်ပံနဲ့ လိပ်ပြာအချစ် အနံ့စွဲနေတဲ့ ရေရွှဲရွှဲ မြက်ဖုတ်တွေအတွက်
ငါ့ပြူတင်းပေါက် လက်တစ်ကမ်းအလိုမှာ ရစ်သီရစ်သီလုပ်နေတဲ့ ရွှေသမင်လေးအတွက်
ငါ့စိတ်ကြည်နူးဖို့ ကပြနေတဲ့ ခန်းဆီးဖြူဖြူတွေအတွက်
ဒီနေ့ထူးရဲ့ လက်ကျန် ဆူဆူညံညံ အသံပလံတွေအတွက်
အနားကလူတွေရဲ့ ပြောင်လက်လက် မီးခြစ်တွေနဲ့ နောက်ဆုံးပိတ် ပြာကျသွားတဲ့
စီးကရက်တွေအတွက်

သူစိမ်းတွေသွားတဲ့ လမ်းကို ညွှန်းပြမယ့် မှန်ကွဲစ စွပ်ကြောင်းတွေအတွက်
ငါ့အံ့ဖွယ် နှလုံးရဲ့ တိုးညှင်းညှင်း ခုန်သံအတွက်
ငါ့တုန်ယင်ယင် လက်နှစ်ဘက်အတွက်
ပျောက်ချင်ပျောက်မယ် မပျောက်ချင်လည်းနေမယ့် အညိုအမည်းတွေနဲ့ ခြစ်ရှရာတွေအတွက်
ဖူးဖူးယောင်လာမယ့် မြစ်တွေနဲ့ ရွေ့တော့မယ့် ကုန်းမြေတိုက်တွေအတွက်
နွေတွေ၊ မုတ်သုန်တွေနဲ့ စိတ်ဆန္ဒကို ပစ်ချမယ့် အပြင်းတကာ့ထိပ်ခေါင်
မိုးကြိုးသွားတွေအတွက်

တစ်ရက်ပဲ အသက်ရှင်တဲ့ ပုစဉ်းရင်ကွဲတွေနဲ့ ဖိနပ်ချွတ်မှာ ပိုးစိုးပက်စက်
အိပ်မောကျနေတဲ့ ဖားကလေးအတွက်

အနုရုဒ္ဓါ ၀ိဇယခရစ်ရှနန်
 Cha ၊ “အာရှ စာပေဂျာနယ်”
 ဖေဖော်ဝါရီ ၂၀၁၀ (စာစောင်အမှတ် ၁၀)

Suicide Note

by Anuradha Vijayakrishnan

To the frog at my doorstep that sang all night
To the cicadas that held unbroken vigil and would not sleep at dawn
To the rain clouds that held back till they burst
To gardens of wild jasmine that bloomed early this year
To glow worms that gave me fire for as long
as it was needed

To the drenched clumps of grass that smell of moth wings
and butterfly love
To the golden deer that lingered just beyond
my window
To the white curtains that danced for my pleasure
To the leftover noisiness of this marvellous day
To the shining lights of the neighbours and their last
ashen cigarettes

To broken glass trails that will show the way to strangers
To the quiet beating of my amazing heart
To my shaking hands
To blue ink and black and bruises that may or may not heal
To rivers that will swell and continents that will shift
To summers and monsoons and climactic
thunderbolts that will strike at will

To cicadas that live for a day and to the frog at my doorstep
that sleeps now exhausted

Cha: An Asian Literary Journal
Feburary 2010 (Issue 10)

အနုရုဒ္ဓါ ၀ိဇယခရစ်ရှနန်သည် အိန္ဒိယနိုင်ငံ ကိုချင်မြို့ဇာတိ။ ကာလီကပ်
တက္ကသိုလ်မှ ဓာတုအင်ဂျင်နီယာဘွဲ့ရ။ အိန္ဒိယနှင့် ယူအေ အီးနိုင်ငံတို့မှာ
ကော်ပိုရိတ် ၀န်ထမ်းအဖြစ် အမှုထမ်းရင်း ၀တ္ထုနှင့် ကဗျာများရေးသားလျက်ရှိ။
TS
သြဂုတ်လ ၀၂၊ ၂၀၁၀ခုနှစ်။

Poet's Choice By Pi Min Swe

2010-08-05T05:08:00.001-07:00

Poet's Choice ကဗျာကဏ္ဍလေးအဆက်ပြတ်နေတာတော့ ကြာနေခဲ့ပါပြီ။ကဗျာဆရာတွေကလည်း
အဆင်မသင့်တဲ့အတွက် စာမူများတောင်းသော်လည်း ကဗျာဆရာများမအားမလပ်ရှိနေတာကြောင့်
ဒီကဏ္ဍလေးခေတ္တရပ်တန့်သွားရခြင်းကို နားလည်ပေးစေနိုင်ကြောင်းနဲ့
ဆက်တိုက် Poet's Choice ကဏ္ဍလေးနှင့်အတူ ကဗျာရေးရာ၊ အာရှကဗျာ ကဗျာခံစားမှု၊
ကဗျာဆရာသူရနီ၏ ကဗျာခံစားမှုများကို ဆက်လက်တင်ဆက်သွားနိုင်
အောင်ကြိုးစားနေကြောင်းပြောကြားလိုပါတယ်။

ဒီကဏ္ဍလေးရဲ့ နောက်ထပ်စာမူရှင်ကတော့ လက်ရှိဘလော့စာမျက်နှာများပေါ်မှာ
မော်ဒန်ကဗျာများအား အစဉ်တစ်စိုက်ရေးဖွဲ့နေသူ၊မဂ္ဂဇင်းစာမျက်နှာများပေါ်မှာလည်း
ကဗျာများအစဉ်တစိုက်ရေးဖွဲ့နေသူ ကဗျာဆရာဘလော့ဂါ ပိုင်မင်းဆွေ ဖြစ်ပါတယ်။
“ခေတ်ပေါ်ကဗျာလမ်း” ဘလော့လေးကိုရေးသားဖန်တီးနေတဲ့
ဘလော့ဖန်တီးရှင်လည်းဖြစ်ပါတယ်။ကဗျာဆရာ ပိုင်မင်းဆွေ ရေးပြီး
ကဗျာဆရာအကြိုက်ဖြစ်တဲ့ကဗျာလေးတစ်ပုဒ်ကို ကဗျာဆရာပိုင်မင်းဆွေ က
ဘယ်လိုအချိန်၊ဘယ်လိုပတ်ဝန်းကျင်၊ဘယ်လိုခံစားချက်တွေနဲ့ရေးဖွဲ့ဖန်တီးဖြစ်ခဲ့ကြောင်းကို
အပြည့်အစုံမဟုတ်တောင်အနီးစပ်ဆုံး ချဉ်းကပ်ခံစားဖတ်ရှုနိုင်စေရန်
ရည်ရွယ်တင်ဆက်ခြင်းမျှသာ ဖြစ်ပါတယ်။ ကဗျာဆရာများကိုရွေးချယ်ခြင်းကတော့
ဒီဘလော့လေးကို ရေးသားတင်ဆက်နေသော ကျွန်တော် အောင်ပိုင်စိုး၏
တစ်ကိုယ်ရည်တစ်ကာယစိတ်ခံစားချက်သာဖြစ်ပါကြောင်း ပြောကြားလိုပါတယ်။
နောက်ထပ် ကဗျာဆရာများရဲ့ ရွေးချယ်ကြိုက်နှစ်သက်သော စာမူများကိုလည်း
ဆက်ကာဆက်ကာ ဖော်ပြပေးသွားမည်ဖြစ်ကြောင်း
ဘလော့ဂါများ၊ကဗျာဆရာများ၊ ဘလော့စာဖတ်ပရိသတ်များအားအသိပေးအပ်ပါသည်ခင်ဗျား...။
သည်ကဗျာဆရာအကြိုက်(Poet's Choice)ကဏ္ဍလေးဖြစ်ပေါ်လာစေရန် စာမူပေးပို့ပေးသော
ကဗျာဆရာ ပိုင်မင်းဆွေအား ကျေးဇူးအထူးတင်ရှိပါကြောင်း
သည်ဘလော့စာမျက်နှာလေးမှတစ်ဆင့်ပြောကြားအပ်ပါသည်။

ငါ့ရဲ့အခင်းအကျင်း

2010-08-05T05:01:00.001-07:00

ငါ့အရိုးတွေအကြောင်း ငါမပြောနိုင်
ငါ စိတ်လိုလက်ရရှိတုန်းကတော့
ငါ့ကိုယ်ထဲ ငါစမ်းကြည့်
ငါ့သွေးကြောထဲမှာ ချောက်နက်နက်တစ်ခုရှိတယ်
အဲဒီချောက်ထဲသို့ ငါလွှတ်လိုက်တဲ့ စာပို့ခိုတွေ
ငါ့ဆီတစ်ကောင်မှ ပြန်ရောက်မလာဖူးဘူး
တကယ်တော့ ငါ့အကြောင်းဟာ ပျင်းရိဖွယ်ပါ
ငါ့စိုက်ခင်းမှာ ထူးဆန်းတာဘာမှမရှိ
ငါ့မသိမှုတွေသာ ကိုင်းဆက် အသီးမြန်ခဲ့ရ
မျက်လုံးဝင်းဝင်းများနဲ့ မင်းကိုငါချစ်တယ်ဆိုပြီး
ကြာသပတေးညတွေမှာ ငါ ထထယောင်မယ်
ခေတ်နဲ့ ရင်းရင်းနှီးနှီးရှိတဲ့ ငါ့မီးတွေ
မြန်နှုန်းမြင့်မြင့် ထထလောင်မယ်
ဘီယာဆိုင်သွားရင်း ကေတီဗွီထိုင်ရင်း
ငါ လှလှပပ အရွယ်ရောက်လာတာဟာ
ငါ့ကိုဖမ်းမယ့် ငါ့ထောင်ချောက် ပိရိသေသပ်တာလို့ခေါ်တယ်
ဘွဲ့တွေရ လခတွေရ ဘယ်လောက်သေသပ်သလဲ
ဟိုဟာတွေငါပိုင် ဒီဟာတွေငါဆိုင်
ငါ့ဖြတ်လျှောက်ဇာတ်ဝင်ခန်းဟာ ကြေးကြီးလာခဲ့
ငါဟာမိန်းမော ငါဟာမျော ဒီလိုဆို
မဖြစ်သေးဘူး ငါအချီကြီးခုတ်ပိုင်းမိတော့မယ်
ငါ့ကြောက်စိတ်တစ်ပတ်ပြန်လည် ငါ့ကြေးစည်သံငါကြားမိ
ငါ့မွေးနေ့မှာ ငါ့ကိုယ်ငါ သွေးအေးအေး ဖြုတ်ပစ်တယ်
ငါဟာ ငါ့ပြုတ်ထွက်လက်နှစ်ဖက်ကို ကြည့်ပြီး ရယ်တယ်
ငါ့ပဲ့ကွာခြေထောက်နှစ်ချောင်းကို ကြည့်ပြီး မောတယ်
အခု ငါ့ကိုယ်ကောင်ဟာ ငါ့ညစာ
ငါ့ဦးခေါင်းက ၀ါးလုံးကွဲဟာသပဲ
ငါ့မျက်လုံးနဲ့ငါ့နားရွက်တွေကို ကိုင်ကြည့်နေတဲ့
ငါ သို့မဟုတ် ငါး
(ယနေ့ထိ) ငါ့ကိုဘာနဲ့မျှားမျှား
ငါတို့ မိမြဲမိတယ်။

ပိုင်မင်းဆွေ
( ၂၀ ဂျူလိုင် ၂၀၁၀)
၎း၁၁-၅း၀၀-၅း၂၄ မနက်။

လူ့အဖြစ်ဟာ ထိလွယ် ခိုက်လွယ်ပါပဲ။ လွန်ခဲ့တဲ့ ငါးနှစ်ကျော်လောက်က လမ်းပန်းဆက်သွယ်ရေး အဆင်ပြေကြီးမဟုတ်တဲ့ နယ်မြို့လေးတစ်မြို့ရဲ့ညတစ်ညမှာ
လက်ကောက်ဝတ်သွေးလွှတ်ကြော ပြတ်တောက်ဒဏ်ရာနဲ့ ဆေးရုံပေါ်ေ၇ာက်ခဲ့တယ်။ ဝေဒနာကိုအန်တုရင်း လက်ဖျံကိုဖြတ်စီးပြီး ပွက်ပွက်ထလာနေတဲ့
သွေးတွေကိုအနံ့ခံရင်း.....ကဗျာတစ်ပုဒ်အတွက် အချက်အလက်တွေလည်း မြစ်ဖျားခံရင်းပေါ့။ မေ့လွယ်ပျောက်လွယ်ကမ္ဘာကြီးပေါ်က မေ့လွယ်ပျောက်လွယ်
လူတစ်ယောက်... နောက်တော့လည်း ဘီယာပုလင်းတွေဖောက်သောက်လိုက်... အမွှေးနံ့သာတွေ ဆွတ်ဖျန်းလိုက်နဲ့... လူ့အဖြစ်ဟာ နာပျော်ဖွယ်ရာ။
ကျည်အနေသော မြေဖြူတောင့်တွေထည့်ပစ်ရတဲ့သေနတ်တစ်လက်.... အိပ်နေရင်းလမ်းထလျှောက်သူ.... ခေတ်ရဲ့ ချောင်းရေမြောင်းရေတွေကြား လူငယ်ပီပီ
တောက်စားဆန်တက်ခဲ့။ ၂၀၀၈ သင်္ကြန်တွင်းရောက်တော့ သင်္ကန်းစည်းဖြစ် ၇-ရက် တရားစခန်းဝင်ဖြစ်ခဲ့တယ်။ပေါင်းလိုက်တော့ အစွန်းထွက်ဖြစ်ပျက်ခဲ့မှုများနဲ့
တရားဓမ္မဆီသို့ အမှတ်ရချက်များပါပဲ။ တကယ်ချရေးဖြစ်တဲ့အခါမှာ တစ်စုံတစ်ယောက်ရဲ့ ပုဂ္ဂလိကခံစားချက်အားဖော့ပြောပြီး အများဆိုင်နာမ်တစ်ခုအဖြစ်
ရည်ရွယ်ရင်းရှိခဲ့မိပါတယ်။

ပိုင်မင်းဆွေ
(၃၁ ဂျူလိုင် ၂၀၁၀)

...........................................................................

2010-08-01T21:56:00.001-07:00

ခင်ဗျားဘာကိုရှာနေတာလဲ။ ဘယ်အရာပျောက်ရှသွားလို့လဲ။ ပြူးတူးပြဲတဲ။
ခင်ဗျားကိုကျွန်တော်ကမေးနေတာလေ။ ဘာတွေ ဝေနေတာလဲ။
ဧကန္တ ကဗျာခေါင်းစဉ်ပျောက်နေလို့လား။ ထင်ပါတယ်။
မတွေ့ရင်လည်းမပါလို့နေမှာပါ။ ခင်ဗျားထင်တာတစ်ခုခု ရှာထည့်လိုက်ပေါ့။
ဧကန္တ ကဗျာဆရာမေ့သွားလို့လား။ ဒါမှမဟုတ်။ တမင်ချန်ထားခဲ့တာလား။
တကူတကန့်တော့ ရှာမနေပါနဲ့။
ကဗျာအကြောင်းအရာပျောက်နေပြန်ပြီလား။ ခက်ပြီ ... မိသိန်းကြည် ... ခက်ပြီ။
ခင်ဗျားအခုဖတ်နေတဲ့ ဘာသာစကားထဲမှာ မွှေနှောက်ရှာကြည့်ပါဦး။ မတွေ့ဘူးလား။
အမှန်တရားဆိုတာကလည်း ... အမှားတရံပဲလေ။ ကဗျာကင်းစင်နယ်မြေဆိုတာရှိလို့လား။
ဘာကိုမြည်တွန်တောက်တီးနေပြန်တာလဲ။ခံစားမှုမပါဘူးထင်လို့လား။
ခက်ပြန်ပြီ ... မိသိန်းကြည် ... ခက်ပြန်ပြီ။
ခင်ဗျားအခုဖတ်နေတာ ကဗျာမဟုတ်ပြန်ဘူးတဲ့လား။
ကဗျာဆိုတာ ရင်သားလို တွဲကျဖို့လိုလို့လား?
စံပယ်ပန်းလို ဖြူစင်ဖို့လိုလို့လား?
နားဝင်ပီယံဖြစ်ဖို့လိုလို့လား?
ဟိုးရှေးရှေးတုန်းကလိုလို့လား?
တံတားတစ်စင်းဖြစ်ဖို့လိုလို့လား?
အဆိပ်အတောက်ကင်းစင်ဖို့လိုလို့လား?
စိတ်ဒုက္ခကျဉ်းကြပ်မှု၊ လေးလံဖိစီးမှု၊ ပဋိပက္ခ၊ ထိန်းချုပ်မှုသက်သက်၊
ထုံးတမ်းဓလေ့၊ မွန်းကြပ်အနေခက်မှုတွေကြားထဲက ထွက်ပြေးခြင်းပဲ။
အခု ကျုပ်နဲ့အတူ ခင်ဗျားထွက်ပြေးနေတာပဲလေ။
ဗုဒ္ဓေါ ! ကဗျာရေးသူအမည်လည်း မတွေ့ပြန်ဘူးတဲ့လား။ သေချာလို့လား။
ဖေါ်ပြပါလိုင်းတွေထဲမှာရှာကြံကြည့်ပါဦး။ စာမျက်နှာတစ်နေရာရာမှာတော့ရှိမှာပါ။
ရှာဖွေလေပျောက်ဆုံးလေလား။သတင်းစာထဲမှာ“ကဗျာဆရာအမြန်ပြန်လာပါ။စိတ်ပူနေသည်”
ကြော်ငြာထည့်လိုက်ပါလား။ အကြောင်းအမျိုးမျိုးတော့ရှိမှာပါ။
ကဗျာဆိုတာကလည်းနားမလည်ခြင်းအနုပညာတစ်ရပ်ပဲ။ကဗျာရေးသူဆိုတာလည်း
ကဗျာလောက်အရေးမကြီးဘူးထင်တာပဲလေ။ခင်ဗျားသိပ်ပြီးဘဝင်မကျဖြစ်နေရင်လည်း
အမည်မသိနောက်စာဆိုလို့ ထည့်ရင်ထည့်လိုက်ပါ။ ... သဘောပဲ ...။
ခင်ဗျားအဆင်ပြေရင်ပြီးတာပဲလေ။

..............................................

၂၊သြဂုတ်၊၂၀၁၀

အောက်ခြေမှတ်စု
ကဗျာအမည် - အမည်မဲ့
ကဗျာရေးသူအမည် - သူရနီ